ଆସନ୍ତାକାଲି ସକାଳ ସାଢେ ୧୦ଟାରେ ଆସିବ ଅଯୋଧ୍ୟା ମାମଲାର ଚୂଡାନ୍ତ ରାୟ !

ନୁଆଦିଲ୍ଲୀ ୮/୧୧: କାଲି ଅଯୋଧ୍ୟା ମାମଲାର ରାୟ । ଆସନ୍ତାକାଲି ଆସିବ ରାମ ଜନ୍ମଭୂମି ବିବାଦର ରାୟ । ସକାଳ ସାଢେ ୧୦ଟାରେ ରାୟ ଆସିପାରେ । ଏପଟେ ରାୟ ଆସିବା ପୂର୍ବରୁ ୟୁପିରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଆସନ୍ତାକାଲି ଚୂଡାନ୍ତ ରାୟ ଶୁଣାଇବେ ସୁପ୍ରିମକୋର୍ଟ ।  

ଚିଫ୍ ଜଷ୍ଚିସ୍ ରଞ୍ଜନ ଗୋଗୋଇଙ୍କ ପୀଠ ଏହି ନିଷ୍ପତ୍ତି ଶୁଣାଇବେ । ଏହା ହେଉଛି ଭାରତର ସବୁଠାରୁ ପୂରୁଣା ମାମଲା । କହିରଖୁଛୁ ଅଯୋଧ୍ୟା ଜମି ବିବାଦର ନିଷ୍ପତ୍ତି ପୂର୍ବରୁ ପ୍ରଧାନ ବିଚାରପତି ଜଷ୍ଟିସ୍ ରଞ୍ଜନ ଗୋଗୋଇ ଶୁକ୍ରବାର ଉତ୍ତର ପ୍ରଦେଶର ମୁଖ୍ୟ ସଚିବ ଓ ପୋଲିସ ମହାନିର୍ଦ୍ଦେଶକ(ଡିଜିପି)ଙ୍କ ସହିତ ଅତି ଗୋପନୀୟ ବୈଠକ କରିଛନ୍ତି । ବୈଠକରେ ମୁଖ୍ୟ ସଚିବ ରାଜେନ୍ଦ୍ର କୁମାର ତିୱାରୀ, ଡିଜିପି ଓମ ପ୍ରକାଶ ସିଂହ ଓ ଜଷ୍ଟିସ୍ ରଞ୍ଜନ ଗୋଗୋଇଙ୍କ ସହିତ ଅଯୋଧ୍ୟା ମାମଲାର ଶୁଣାଣି କରୁଥିବା ପୀଠର ୫ ଜଣ ଜଷ୍ଟିସଙ୍କ ମଧ୍ୟରୁ ଅନ୍ୟ ୨ ଜଣ ଜଷ୍ଟିସ୍ ଏସ.ଏ ବୋବଡେ ଓ ଜଷ୍ଟିସ୍ ଅଶୋକ ଭୂଷଣ ମଧ୍ୟ ଉପସ୍ଥିତ ଥିଲେ ।

ଆସନ୍ତାକାଲି ସମ୍ଭାବ୍ୟ ଦଙ୍ଗାକୁ ନଜରରେ ରଖି ଅଯୋଧ୍ୟାରେ ୧୪୪ ଧାରା ଜାରି କରାଯାଇଛି । ୟୁପିରେ ସମସ୍ତ ସ୍କୁଲ୍ କଲେଜ ଆଦିକୁ ବନ୍ଦ ରଖିବା ପାଇଁ ନିଷ୍ପତ୍ତି ନିଆଯାଇଛି । ତେବେ ସମସ୍ତଙ୍କୁ ଶାନ୍ତି ବଜାୟ ରଖିବା ପାଇଁ ଅପିଲ୍ କରାଯାଉଛି । କହିରଖୁଛୁ ଅଯୋଧ୍ୟା ମାମଲାରେ ନିଷ୍ପତ୍ତି ଆସିବା ପୂର୍ବରୁ ଲଗାତର ଏକତା ଓ ଭାଇଚାରାକୁ କାଏମ କରିବାର ଚେଷ୍ଟା ଉପରେ ଜୋର ଦିଆଯାଉଛି ।

   ସମ୍ବନ୍ଧିତ ଖବର


ୟୁପି: ନଡା ଜଳାଇବାରୁ ୩ ଚାଷୀଙ୍କୁ ଗିରଫ କଲା ପୋଲିସ

ଯେବେ ଲୋକସଭାରେ ରାହୁଲଙ୍କ ସିଟରେ କଂଗ୍ରେସର ଏହି ସାଂସଦ ଥିଲେ, ବାଚସ୍ପତି ଓମ୍ ବିର୍ଲା କହିଲେ- ରାହୁଲ ଛୁଟିରେ…

ତେଜସ୍ ପରେ ଏବେ ଦେଶରେ ଚାଲିବ ଆଉ ୧୫୦ ପ୍ରାଇଭେଟ୍ ଟ୍ରେନ୍

ଭୋଡାଫୋନ୍ ଆଣିଲା ୨୧ ଟଙ୍କିଆ ନୂଆ ପ୍ଲାନ୍, ପାଆନ୍ତୁ ଅନଲିମିଟେଡ୍ କଲିଂର ଫାଇଦା