ମୁଖ୍ୟ ଚିକିତ୍ସାଳୟରେ ଅଗ୍ନିକାଣ୍ଡ, ସଟ୍ ସର୍କିଟ ଯୋଗୁଁ ନିଆଁ ଲାଗିଥିବା ସନ୍ଦେହ

ଜଗତସିଂହପୁର ୨୨|୮:ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଗ୍ନିକାଣ୍ଡ । ଗତକାଲି ବିଳମ୍ବିତ ରାତିରେ ପ୍ରସୂତୀ ବିଭାଗରେ ନିଆଁ ଲାଗିଥିଲା। ସଟ୍ ସର୍କିଟ ଯୋଗୁଁ ଏକ ବିଦ୍ୟୁତ୍ ବୋର୍ଡରୁ ନିଆଁ ବାହରିଥିଲା ବୋଲି ସନ୍ଦେହ କରାଯାଉଛି । ନିଆଁ ଲାଗିଥିବାରୁ ଚାରିଆଡେ ଧୂଆଁମୟ ହୋଇ ଯାଇଥିଲା ।

ଫଳରେ ବିଭିନ୍ନ ବେଡରେ ଥିବା ଶତାଧିକ ରୋଗୀ ଜୀବନ ବିକଳରେ ବାହାରକୁ ବାହାରି ଆସିବା ସହ ସାରା ରାତି ଖୋଲା ଆକାଶ ତଳେ ବସି ରହିଥିଲେ । ଅଗ୍ନିକାଣ୍ଡରେ କାହାର କୌଣସି କ୍ଷତି ହୋଇନଥିବା ସୂଚନା ମିଳିଛି।

ବିଶେଷ କରି ସିଜରିଂ ହୋଇଥିବା ପ୍ରସୂତୀ ଓ ନବଜାତ ଶିଶୁମାନଙ୍କୁ ତଳକୁ ଆଣିବା ପାଇଁ ନାକେଦମ ହୋଇଥିଲେ ସେମାନଙ୍କ ସଂପର୍କୀୟ ମାନେ । ଆସି ପାରି ନଥିବା ଅନ୍ୟ ରୋଗୀମାନଙ୍କୁ ପରେ ଲୋକଙ୍କ ମାଧ୍ୟମରେ ଉଦ୍ଧାର କରାଯାଇଥିଲା । ଭୟ ଓ ଅନ୍ଧକାର ଯୋଗୁଁ ରୋଗୀମାନେ ସାରା ରାତି ସ୍ବାସ୍ଥ୍ୟ କେନ୍ଦ୍ର ବାହାରେ ଖୋଲା ଆକାଶ ତଳେ ପଡି ରହିଥିଲେ ମଧ୍ୟ ସ୍ବାସ୍ଥ୍ୟ କେନ୍ଦ୍ର କର୍ତ୍ତୃପକ୍ଷ କାହାରିବି ଦେଖା ଦର୍ଶନ ମିଳିନଥିବା ଅଭିଯୋଗ ହୋଇଛି ।

ଡିୟୁଟିରେ ଥତ୍ବା ସିକ୍ୟୁରିଟି କର୍ମଚରୀ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ। ଅଗ୍ନିକାଣ୍ଡ ନେଇ ରାତି ଡ୍ୟୁଟିରେ ଥିବା ଡାକ୍ତର ମାନେ କହିଛନ୍ତି ଯେ, ରୋଗୀମାନଙ୍କୁ ଉଦ୍ଧାର କରାଯାଇ ଚିକିତ୍ସା କରାଯାଉଛି । ଅଧିକ ଚିକିତ୍ସା ପାଇଁ ବିଭାଗୀୟ ଅନ୍ୟାନ୍ୟ ଡାକ୍ତର ଓ ସ୍ବାସ୍ଥ୍ୟକେନ୍ଦ୍ର କର୍ତ୍ତୃପକ୍ଷଙ୍କୁ ଖବର ଦିଆ ଯାଇଛି ।

ସକାଳ ପର୍ଯ୍ୟନ୍ତ ଶତାଧିକ ରୋଗୀ ଭୟର ବାତାବରଣ ଭିତରେ ରହି ଖୋଲା ଆକାଶ ତଳେ ପଡିଥିବା ବେଳେ ସ୍ବାସ୍ଥ୍ୟକେନ୍ଦ୍ର କର୍ତ୍ତୃପକ୍ଷଙ୍କ ଦେଖା ଦର୍ଶନ ନମିଳିଥିଲା। ଫଳରେ ଘଟଣାକୁ ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।

   ସମ୍ବନ୍ଧିତ ଖବର


ବେଆଇନ ପଥର ଖାଦାନରେ ଚଢ଼ାଉ, ୫ଟି ସ୍ପଲ ବୋଝେଇ ଟିପ୍ପର ଜବତ

ବିଜେଡି ପ୍ରାର୍ଥୀ ହେବେ ଓଡିଆ ସିନେଷ୍ଟାର ଅରିନ୍ଦମ୍ !

ବାପା ଶଯ୍ୟାଶାୟୀ, ମାନସିକ ବିକାରଗ୍ରସ୍ତ ମା’: ୮ବର୍ଷର କଅଁଳ ଶିଶୁକନ୍ୟାର କାନ୍ଧରେ ୫ ପ୍ରାଣୀ କୁଟୁମ୍ବର ବୋଝ

ସ୍କୁଟିକୁ ସାମ୍ନା ପଟୁ ଧକ୍କା ଦେଲା ବସ୍: ଯୁବକ ମୃତ

ଗଞ୍ଜାମରୁ ନୂଆ ପ୍ରଜାତିର ଝିଟିପିଟି ଚିହ୍ନଟ

ବୋଲେରୋ ଭିତରେ ଯୁବତୀଙ୍କୁ ଗଣଦୁଷ୍କର୍ମ ଘଟଣା: ପୀଡ଼ିତାଙ୍କ ହେଲା ଡାକ୍ତରୀମାଇନା,୨ ଦିନ ପରେ ବି ପୁଲିସ୍‌ ହାତଖାଲି