PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ରାଜଧାନୀ ଏକ୍ସପ୍ରେସ୍‌ରେ ନିଆଁ

ରାଉରକେଲା,୨୧ା୧(ବ୍ୟୁରୋ): ନୂଆଦିଲ୍ଲୀରୁ ଭୁବନେଶ୍ୱର ଅଭିମୁଖେ ଯାଉଥିବା ରାଜଧାନୀ ଏକ୍ସପ୍ରେସ୍‌ର ଗୋଟିଏ କୋଚ୍‌ରେ ହଠାତ ଧୂଆଁ ବାହାରିଥିଲା । ଝାଡ଼ଖଣ୍ଡର ଚକ୍ରଧରପୁରରୁ ଉକ୍ତ କୋଚ୍‌ରେ ପୋଡ଼ା ଗନ୍ଧ ବାହାରିଥିଲା । ରାଉରକେଲା ରେଳ ଷ୍ଟେସନ ପହଞ୍ଚିବାକୁ ଆଉ ୧୦ କିଲୋମିଟର ବାକି ଥିବା ବେଳେ ସେହି କୋଚ୍‌ର ପ୍ୟାନେଲ ବୋର୍ଡରୁ ହଠାତ ନିଆଁ ବାହାରିବା ସହ ଅତ୍ୟଧିକ ଧୂଆଁରେ ଯାତ୍ରୀମାନେ ଅଣନିଃଶ୍ୱାସୀ ହୋଇ ପଡ଼ିଥିଲେ । ରାଉରକେଲାରେ ଟ୍ରେନ୍‌ ପହଞ୍ଚିବା ପରେ ଉକ୍ତ ପ୍ୟାନେଲ ବୋର୍ଡର ମରାମତି କରାଯାଇଥିଲା ଏବଂ ଦୁଇ ଘଣ୍ଟା ବିଳମ୍ବରେ ପୁଣି ଥରେ ଟ୍ରେନ୍‌ଟି ଗନ୍ତବ୍ୟ ସ୍ଥଳକୁ ବାହାରିଥିଲା ।
ନୂଆଦିଲ୍ଲୀରୁ ଭୁବନେଶ୍ୱର ଯାଉଥିବା ରାଜଧାନୀ ଏକ୍ସପ୍ରେସର କୋଚ୍‌ ନଂ. ବି/୭ର ପ୍ୟାନେଲ ବୋର୍ଡରୁ ପୋଡ଼ା ଗନ୍ଧ ବାହାରିଥିଲା । ଚକ୍ରଧରପୁର ରେଳ ଷ୍ଟେସନ୍‌ରେ ପ୍ୟାନେଲ ବୋର୍ଡକୁ ଟେକ୍ନିସିଆନମାନେ ମରାମତି କରିଥିଲେ । ପରେ ସେଠାରୁ ଟ୍ରେନ୍‌ଟି ରାଉରକେଲା ଅଭିମୁଖେ ଆସୁଥିଲା । ଏକ ଜଙ୍ଗଲିଆ ରାସ୍ତାରେ ଟ୍ରେନ୍‌ଟି ଯାଉଥିବା ବେଳେ ପୁଣି ଥରେ ସେହି ପ୍ୟାନେଲ ବୋର୍ଡରୁ ଧୂଆଁ ବାହାରିବା କ୍ଷଣି ଯାତ୍ରୀମାନେ ଭୟଭୀତ ହୋଇ ପଡ଼ିଥିଲେ । ଜଣେ ଯାତ୍ରୀ ଟ୍ରେନ୍‌ର ଆପତକାଳୀନ ଚେନ୍‌ ଟାଣି ଥିଲେ । ଫଳରେ ସେହି ସ୍ଥାନରେ ଟ୍ରେନ୍‌ଟି ଅଟକି ଯାଇଥିଲା । ଟ୍ରେନ୍‌ର ସୁରକ୍ଷା କର୍ମୀମାନେ ଅଗ୍ନି ନିର୍ବାପକ ଯନ୍ତ୍ର ସାହାଯ୍ୟରେ ଧୂଆଁକୁ ନିୟନ୍ତ୍ରଣ କରିବା ପରେ ଟେକ୍ନିସିଆନମାନେ ପୁଣି ଥରେ ମରାମତି କରିଥିଲେ । ରାଉରକେଲା ରେଳ ଷ୍ଟେସନ ପହଞ୍ଚିବାକୁ ପ୍ରାୟ ୧୦ କିଲୋମିଟର ବାକିଥିବା ବେଳେ ସେହି କୋଚ୍‌ର ପ୍ୟାନେଲ ବୋର୍ଡରେ ହଠାତ ବିସ୍ଫୋରଣ ହେବା ସହ ପ୍ରବଳ ଧୂଆଁ ବାହାରିବାରୁ ଯାତ୍ରୀମାନେ ଅଣନିଃଶ୍ୱାସୀ ହୋଇ କୋଚ୍‌ରୁ ବାହାରିବା ଲାଗି ଉଦ୍ୟମ କରିଥିଲେ । ମାତ୍ର ଟ୍ରେନ୍‌ ଚାଲୁଥିବାରୁ ଭୟଭୀତ ହୋଇଥିବା ଯାତ୍ରୀମାନେ ଚିତ୍କାର କରିଥିଲେ । ଅପରାହ୍ନ ୧.୧୫ ମିନିଟ୍‌ ସମୟରେ ରାଉରକେଲାରେ ଟ୍ରେନ୍‌ଟି ପହଞ୍ଚିବା କ୍ଷଣି ରେଳ ବିଭାଗ ଅଧିକାରୀ, ରେଳବାଇ ସୁରକ୍ଷା ବାହିନୀ, ଜିଆରପିର ଅଧିକାରୀ ଓ କର୍ମଚାରୀମାନେ ତୁରନ୍ତ ଟ୍ରେନ୍‌ ନିକଟକୁ ଯାଇ ଉକ୍ତ କୋଚ୍‌ରେ ଥିବା ଯାତ୍ରୀମାନଙ୍କୁ ସୁରକ୍ଷିତ ଭାବେ ବାହାରକୁ ବାହାର କରିଥିଲେ ।
ଏହା ପରେ ଟେକ୍ନିସିଆନମାନେ ପ୍ୟାନେଲ ବୋର୍ଡର ମରାମତି କରିଥିଲେ । ଉକ୍ତ ପ୍ୟାନେଲ ବୋର୍ଡକୁ ଠିକ ଭାବେ ମରାମତି କରାଯିବା ପରେ ଟ୍ରେନ୍‌ଟି ଅପରାହ୍ନ ୨ଟା ୧୦ ମିନିଟ୍‌ ସମୟରେ ରାଉରକେଲାରୁ ଛାଡ଼ିଥିଲା । ସେହି କୋଚ୍‌ରେ ଥିବା ୭୧ ଜଣ ଯାତ୍ରୀଙ୍କ ମଧ୍ୟରୁ ୨୨ ଜଣଙ୍କୁ ବିଭିନ୍ନ କୋଚକୁ ସ୍ଥାନାନ୍ତର କରାଯାଇଥିଲା । ଟେକ୍ନିସିଆନ ସୁଶାନ୍ତ ହେମ୍ବ୍ରମ୍‌ଙ୍କ କହିବାନୁସାରେ ପ୍ୟାନେଲ ବୋର୍ଡ ଭିତରେ ମୂଷା ପଶି ଯାଇଥିବାରୁ ସର୍ଟସର୍କିଟ ହୋଇଥିଲା । ପୂର୍ବରୁ ଏ ନେଇ ଉପରିସ୍ଥ ଅଧିକାରୀଙ୍କୁ ମଧ୍ୟ ଅବଗତ କରାଯାଇଥିଲା । ହେଲେ ଚଳନ୍ତା ଟ୍ରେନ୍‌ରେ ମରାମତି କରିବାକୁ ସେମାନେ ମନା କରି ଦେଇଥିଲେ । ଯଦି ପୂର୍ବରୁ ଏହାର ଠିକ ଭାବେ ମରାମତି କରାଯାଇଥାନ୍ତା ତାହା ହେଲେ ଯାତ୍ରୀମାନେ ହଇରାଣ ହରକତ କିମ୍ବା ଭୟଭୀତ ହୋଇନଥାନ୍ତେ । ଯାତ୍ରୀମାନଙ୍କ କହିବା ମୁତାବକ ଟ୍ରେନ୍‌ରେ ରାତିରୁ ମୂଷାମାନଙ୍କ ଉôପାତ ଦେଖିବାକୁ ମିଳିଥିଲା । ରେଳ ବିଭାଗର ଦାୟିତ୍ୱହୀନତା ଯୋଗୁଁ ଏହି ଘଟଣା ଘଟିଛି ।

ସମ୍ବନ୍ଧିତ ଖବର