ନୁଆଦିଲ୍ଲୀ ୨୧/୧: ସୋସିଆଲ ମିଡିଆରେ ଅନେକ ସମୟରେ ଏମିତି ଭିଡିଓ ଭାଇରାଲ ହୋଇଥାଏ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓ ଆମେରିକାର, ଯେଉଁଠି ପାହାଡରୁ ନିଆଁ ଭଳି କୌଣସି ଜିନିଷ ତଳକୁ ଖସୁଥିବା ନଜର ଆସୁଛି । ଏହି ଭିଡିଓ ରବିବାର ଟ୍ୱିଟରରେ ସେୟାର କରାଯାଇଛି । ଆଜି ଦ୍ୱିତୀୟ ଦିନରେ ୪୦ ଲକ୍ଷରୁ ଅଧିକ ଥର ଏହାକୁ ଦେଖି ସାରିଲେଣି ଭିୟୋର୍ସ ।
ଏବେ ଆପଣ ଭାବୁଥିବେ କଣ ସତରେ ପଥରରୁ ନିଆଁ ବାହାରୁଛି ? ତେବେ ପ୍ରକୃତରେ ଏହା କାର୍ଲିଫର୍ଣ୍ଣିଆର ୟୋସୋମିଟି ନ୍ୟାସନାଲ୍ ପାର୍କ ସ୍ଥିତ ‘ହର୍ସଟେଲ୍ ଫଲ୍’ ଏବଂ ଭିଡିଓରେ ଖସୁଥିବା ଜିନିଷ ନିଆଁ ନୁହେଁ ବରଂ ପାଣି । ପ୍ରକୃତରେ ସୂର୍ଯ୍ୟ କିରଣ ଯେତେବେଳେ ସିଧା ୱାଟରଫଲରେ ପଡିଥାଏ ସେତେବେଳେ ଏହା ଚମକିଥାଏ ଏବଂ ଏମିତି ଲାଗିଥାଏ ଯେମିତି କୌଣସି ଜ୍ୱାଳାମୁଖୀରୁ ଲାଭା ପାହାଡ ତଳକୁ ଖସୁଛି ।
wp:html/wp:html“Firefall” at Horsetail Fall in Yosemite National Park, California, looks like a scene from a fantasy movie. But, it is an ordinary waterfall, which is illuminated by the sunset, that gives it a fiery glow. pic.twitter.com/kP2aFmM6Cg
— Domenico Calia (@CaliaDomenico) January 19, 2020
ମିଡିଆ ରିପୋର୍ଟ୍ସ ଅନୁସାରେ ପ୍ରତି ବର୍ଷ ଫେବୃୟାରୀରେ ଏହି ୱାଟରଫଲ ନାଲି ଓ କମଳା ରଙ୍ଗରେ ଚମକିଥାଏ ଏବଂ ଏମିତି ମାତ୍ର ୨ ଥର ପାଇଁ ହୋଇଥାଏ । ଏହାକୁ ‘ୟୋସେମିଟି ଫାୟରୱାଲ୍’ ମଧ୍ୟ କୁହାଯାଏ । ଏହି ୱାଟରଫଲ୍ ୨୦୦୦ ଫୁଟ ତଳକୁ ଖସିଥାଏ । ଏହି ଝରଣା ବହୁତ ସୁନ୍ଦର ଏବଂ ଏହାକୁ ଦେଖିବା ପାଇଁ ଦୂର-ଦୂରାନ୍ତରୁ ଲୋକେ ଆସିଥାନ୍ତି ।