PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ମହାଭାରତରେ ହୋଇଥିଲା ପରମାଣୁ ବୋମାର ବ୍ୟବହାର

ନୂଆଦିଲ୍ଲୀ,୨୮।୨: ପରମାଣୁ ବୋମା ଆଜି ବିଶ୍ବର ସବୁଠାରୁ ବିପଦଜନକ ହତିଆର ମଧ୍ୟରୁ ଅନ୍ୟତମ। ଏହାର ବିନାଶଲୀଳାରୁ ଅନୁମାନ କରିହେବ ଯେ ଯଦି  ପରମାଣୁ ବୋମା କୌଣସି ଦେଶ ଉପରେ ପଡେ ତେବେ ସେଠାର ଲକ୍ଷାଧିକ ଜନସଂଖ୍ୟା କ୍ଷଣିକରେ ଶେଷ ହୋଇଯିବେ। ଏମିତି ତ ସାରା ବିଶ୍ବ ଜାଣିଛି ସବୁଠାରୁ ପ୍ରଥମେ ପରମାଣୁ ବୋମାର ବ୍ୟବହାର ୬ ଅଗଷ୍ଟ ୧୯୪୫ରେ ହୋଇଥିଳା। ଯାହାକୁ ଜାପାନର ହିରୋଶିମା ସହର ଉପରେ ପକାଯାଇଥିଲା। କିନ୍ତୁ ଆପଣମାନେ ଜାଣିକି ଆଶ୍ଚର୍ଯ୍ୟ ହେବେ ମହାଭାରତ ଯୁଦ୍ଧରେ ମଧ୍ୟ ପରମାଣୁ ବୋମାର ବ୍ୟବହାର କରାଯାଇଥିଲା ଓ ବୈଜ୍ଞାନିକମାନଙ୍କୁ ଏହି କଥାର ପ୍ରମାଣ ମଧ୍ୟ ମିଳିସାରିଛି।

source: https://www.bhaskar.com

ପରମାଣୁ ବୋମାର ଆବିଷ୍କାର କରିଥିବା ବୈଜ୍ଞାନିକ ଜୁଲିୟସ ରବର୍ଟ ଓପୋନହାଇମର ନିଜର ଗବେଷଣାରେ ଏହି କଥାର ଖୁଲାସା କରିଛନ୍ତି। ସେ କହିଛନ୍ତି ପରମାଣୁ ବୋମା ଭଳି ବିନାଶକାରୀ ହତିଆରର ବ୍ୟବହାର ମହାଭାରତ ସମୟରେ ବ୍ୟବହାର ହୋଇଥିଲା। ରବର୍ଟ ଗୀତା ଓ ମହାଭାରତକୁ ଖୁବ୍ ଭଲ ଭାବରେ ପଢିବା ପରେ ଏହା କହିଛନ୍ତି। 


source: https://www.bhaskar.com

ରବର୍ଟ ମହାଭାରତରେ ଉଲ୍ଳେଖ କରାଯାଇଥିବା ବ୍ରହ୍ମାସ୍ତ୍ରର ଲକ୍ଷ୍ୟଭେଦୀ କ୍ଷମତା ଉପରେ ରିସର୍ଚ କରିଥିଲେ। ତାଙ୍କର ଏହି ରିସର୍ଚ ମିଶନର ନାମ ଥିଲା ଟ୍ରିନିଟି ଅର୍ଥାତ ତ୍ରିଦେବ। ୧୯୩୯ରୁ ୧୯୪୫ ମସିହା ମଧ୍ୟରେ ରବର୍ଟ ଓ ଅନ୍ୟ ବୈଜ୍ଞାନିକଙ୍କ ଏକ ଟିମ୍ ରିସର୍ଚ କରିଥିଲେ। ଏହି ରିସର୍ଚ ପରେ ବୈଜ୍ଞାନିକମାନେ କହିଥିଲେ ମହାଭାରତରେ ଯେଉଁ ବ୍ରହ୍ମାସ୍ତ୍ରର ବ୍ୟବହାର ହୋଇଥିଲା ତାହା ଆଜିର ପରମାଣୁ ଅସ୍ତ୍ର ଭଳି ସମାନ ଶକ୍ତିଶାଳୀ ଥିଲା।

source: https://www.bhaskar.com

ପୁଣେର ଜଣେ ଡାକ୍ତର ଓ ଲେଖକ ପଦ୍ମାକର ବିଷଣୁ ବର୍ତକ ରିସର୍ଚ କରିବା ପରେ କହିଥିଲେ ମହାଭାରତ ସମୟରେ ଯେଉଁ ବ୍ରହ୍ମାସ୍ତ୍ରର ବ୍ୟବହାର କରାଯାଇଥିଲା ତାହା ପରମାଣୁ ବୋମା ହିଁ ଥିଲା। ଉଲ୍ଳେଖନୀୟ ଯେ, ରାମାୟଣ ଓ ମହାଭାରତ ସମୟରେ ବ୍ରହ୍ମାସ୍ତ୍ର ସବୁଠାରୁ ବିପଦଜନକ ହତିଆର ବୋଲି ମନେକରାଯାଉଥିଲା। ସେ ସମୟରେ କିଛି ଯୋଦ୍ଧାଙ୍କ ପାଖରେ ବ୍ରହ୍ମାସ୍ତ୍ର ଥିଲା। ଯେଉଁ ବ୍ୟକ୍ତି ବ୍ରହ୍ମାସ୍ତ୍ରର ବ୍ୟବହାର କରୁଥିଲା ତା ପାଖରେ ଏହାକୁ ଫେରାଇ ନେବାର କ୍ଷମତା ରହିଥିଲା। କିନ୍ତୁ ଦ୍ରୋଣାଚାର୍ଯ୍ୟଙ୍କ ପୁଅ ଅଶ୍ବସ୍ଥମାକୁ ବ୍ରହ୍ମାସ୍ତ୍ର ଫେରାଇ ନେବା ଜଣାନଥିଲା। ସେଥିପାଇଁ ବ୍ରହ୍ମାସ୍ତ୍ର ଛାଡିବା ପରେ ବଡ ଧରଣର ଧ୍ବଂସ ଘଟିଥିଲା।

source: https://www.thecivilengineer.org

ସିଦ୍ଧୁ ଉପତ୍ୟାକାର ସଭ୍ୟତା ଉପରେ ହୋଇଥିବା ଗବେଷଣାରୁ ଜଣାପଡିଛି  ୫୦୦୦ରୁ ୭୦୦୦ ବର୍ଷ ପୂର୍ବେ ହଡପ୍ପା ଓ ମୋହନଜୋଦାଡେରେ ଏଭଳି ବହୁ ନରକଙ୍କାଳ ମିଳିଛି, ଯେଉଁଥିରୁ ଜଣାପଡୁଛି ଯେ ତାଙ୍କୁ କୌଣସି ଭୟଙ୍କର ଅସ୍ତ୍ରରେ ମରାଯାଇଛି। ଏହା ବ୍ୟତୀତ ଏଠାରେ ଏଭଳି କିଛି ପ୍ରମାଣ ରହିଛି ଯେଉଁଥିରୁ ଜଣାପଡୁଛି ଯେ କୌଣସି କାଳରେ ଏଠାରେ ଅତ୍ୟାଧିକ ମାତ୍ରାରେ ରେଡିଏସନ୍ ସୃଷ୍ଟି ହୋଇଥିଲା। ଯାହାର କୌଣସି ପରମାଣୁ ବୋମାର ବିସ୍ଫୋରଣ ପରେ ହୋଇଥିଲା।

ସମ୍ବନ୍ଧିତ ଖବର