PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମପୁର ପୁଲିସକୁ ମିଳିଲା ବଡ ସଫଳତା- ୬୦ କେଜି ଗଞ୍ଜେଇ ସହ ୫ ଗିରଫ, ଦୁଇଟି କାର୍ ଜବତ
  • ||
  • ଯୁବନେତା ସବ୍ୟସାଚୀ ମହାପାତ୍ର ବିଜେଡିରୁ ନିଲମ୍ବିତ – ଦଳ ବିରୋଧରେ ଅରୁଚିକର ମନ୍ତବ୍ୟ ଓ ବିଶୃଙ୍ଖଳା ଆଚରଣର ଅଭିଯୋଗ
  • ||
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ସୋଆରେ ପ୍ରଥମ ‘ମେଗା ଉଦ୍ୟୋଗୀ ସମ୍ମିଳନୀ’

ଭୁବନେଶ୍ୱର,୮ ।୨(ବ୍ୟୁରୋ): ନିଜକୁ ପ୍ରତିଷ୍ଠିତ କରିବା ପାଇଁ ଉଚ୍ଚାକାଂକ୍ଷୀ ଉଦ୍ୟୋଗୀମାନଙ୍କ ପାଇଁ ଅନେକ ସୁଯୋଗ ରହିଛି ବୋଲି ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟରେ ଆୟୋଜିତ ପ୍ରଥମ ଉଦ୍ୟୋଗୀ ସମ୍ମିଳନୀ (ମେଗା ଏଣ୍ଟ୍ରିପ୍ରିନ୍ୟୁଅରସିପ୍‌ ସମିଟ୍‌)ରେ ବିଶେଷଜ୍ଞମାନେ ମତ ରଖିଛନ୍ତି । ଖାଦ୍ୟ, ଶିଳ୍ପ ଏବଂ କୃଷି ଭଳି ଅନେକ କ୍ଷେତ୍ରରେ ତୀବ୍ର ପ୍ରତିଯୋଗିତା ସତ୍ତେ୍ୱ ଅନେକ ସୁଯୋଗ ରହିଛି ବୋଲି ଇନଷ୍ଟିଚ୍ୟୁଟ୍‌ ଅଫ୍‌ କେମିକାଲ୍‌ ଟେକ୍ନୋଲୋଜି, ଆଇଓସି, ଭୁବନେଶ୍ୱର କ୍ୟାମ୍ପସ୍‌ର ନିର୍ଦ୍ଦେଶକ ପ୍ରଫେସର ବି.ଏନ୍‌ ଥୋରାଟ୍‌ କହିଛନ୍ତି । ସୋଆ ପରିଚାଳିତ ଇନୋଭେସନ୍‌ ଆଣ୍ଡ ଏଣ୍ଟ୍ରିପ୍ରିନୁଅରସିପ୍‌ ସେଲ୍‌ ଏବଂ ଟେକ୍ନୋଲୋଜି ବିଜିନେସ୍‌ ଇନ୍କ୍ୟୁବେଟର (ଟିବିଆଇ) ଦ୍ୱାରା ଆୟୋଜିତ ତିନି ଦିନିଆ “ଇ-ସମିଟ୍‌ ୧୯’ର ଉଦ୍‌ଘାଟନୀ କାର୍ଯ୍ୟକ୍ରମରେ ଛାତ୍ରଛାତ୍ରୀ, ଉଦ୍ୟୋଗୀ ଏବଂ ନିବେଶକମାନଙ୍କ ଉଦ୍ଦେଶ୍ୟରେ ଏଭଳି ବକ୍ତବ୍ୟ ରଖିଛନ୍ତି ପ୍ରଫେସର ଥୋରାଟ୍‌ । ଚାରୋଟି କ୍ଷେତ୍ରରେ ଉଦ୍ୟୋଗ ନିମନ୍ତେ ସୁଯୋଗ ରହିଥିବା ପ୍ରଫେସର ଥୋରାଟ୍‌ କହିବା ସହ ଖାଦ୍ୟ ଶିଳ୍ପ ଓ କୃଷି, ଧର୍ମ, ଶିକ୍ଷା ଏବଂ ସ୍ୱାସ୍ଥ୍ୟ ସେବା କ୍ଷେତ୍ରରେ ବିପୁଳ ପରିମାଣରେ ସୁଯୋଗ ରହିଥିବା ସେ କହିଥିଲେ । ଯଦିଓ ଧର୍ମ କ୍ଷେତ୍ରରେ କିଭଳି ସୁଯୋଗ ରହିଛି ସେନେଇ ସେ ଆଲୋକପାତ କରିନଥିଲେ । ଭାରତରେ ବିଶ୍ୱର ସବୁଠାରୁ ଅଧିକ ଡାଇବେଟିସ୍‌ ରୋଗୀ ଅଛନ୍ତି । ଭାତ ଭାରତୀୟଙ୍କର ମୁଖ୍ୟ ଖାଦ୍ୟ ହୋଇଥିବା ବେଳେ ଖାଦ୍ୟ ଶିଳ୍ପ କ୍ଷେତ୍ରରେ ସମ୍ପୂର୍ଣ୍ଣ ବୈପ୍ଳବିକ ପରବର୍ତ୍ତନ ଆସିପାରିବ ବୋଲି ସେ କହିଥିଲେ । ଜେନେଟିକାଲ୍‌ ମୋଡିଫାଇଡ୍‌ ଧାନ ରକ୍ତରେ ଶର୍କରା ଅଂଶ ବୃଦ୍ଧି ନ କରାଇ ଶରୀରର ସନ୍ତୁଳନ ରକ୍ଷା କରିବାକୁ ସାହାଯ୍ୟ କରିବାକୁ ସମର୍ଥ ହେବ । ତେଣୁ ଉଦ୍ୟୋଗୀମାନେ ଉପୁଜୁଥିବା ବିଭିନ୍ନ ସମସ୍ୟାକୁ ଆଖିରେ ରଖି ତା’ର ସମାଧାନ କରିବାକୁ ଆଗଭର ହେଲେ ବିଭିନ୍ନ ଉଦ୍ୟୋଗ ଜନ୍ମ ନେଇପାରିବ ବୋଲି ସେ କହିଥିଲେ । ନିଜ ପାଖରେ ଉପଲବ୍ଧ ପ୍ରଯୁକ୍ତି ବିଦ୍ୟାକୁ ବ୍ୟବହାର କରି ଭାରତ କୈନ୍ଦ୍ରିକ ସମାଧାନର ବାଟ ବାହାର କରିବା ଦରକାର ବୋଲି ପ୍ରଫେସର ଥୋରାଟ୍‌ କହିଥିଲେ । ସୋଆ କୁଳପତି ପ୍ରଫେସର ଅମିତ୍‌ ବାନାର୍ଜୀଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ସିମେନ୍ସ୍‌ର ମାନବ ସମ୍ୱଳ ଉପସଭାପତି ସତୀଶ ମହାପାତ୍ର, ଆଇଟିସି ଇନ୍‌ଫୋଟେକର କାପାସିଟି ବିଲ୍ଡିଂ ଆଣ୍ଡ ନଲେଜ୍‌ ମ୍ୟାନେଜମେଣ୍ଟ ଉପସଭାପତି ସଞ୍ଜୟ କୁମାର, ଇ-ସମିଟ୍‌ ୧୯ର ସଂଯୋଜକ ଡ. ଡି.ପି କର ଏବଂ ଟିବିଆଇର ସଂଯୋଜକ ପ୍ରଫେସର ଅନୁରାଗ ଶତପଥୀ ଏହି କାର୍ଯ୍ୟକ୍ରମରେ ବକ୍ତବ୍ୟ ରଖିଥିଲେ ।