ବିମାନ ଅପହରଣ ଧମକ, ସବୁ ଏୟାରପୋର୍ଟରେ ସୁରକ୍ଷା ବଢ଼ିଲା

ମୁମ୍ବାଇ,୨୩ ।୨(ଏଜେନ୍ସି): ଏକ ଭାରତୀୟ ଏୟାରଲାଇନ୍ସର ବିମାନକୁ ଅପହରଣ କରାଯିବ ବୋଲି ଧମକ ଦିଆଯିବା ପରେ ଦେଶର ସମସ୍ତ ବିମାନବନ୍ଦରରେ ସୁରକ୍ଷା ବ୍ୟବସ୍ଥା କଡାକଡ଼ି କରାଯାଇଛି ।
ରିପୋର୍ଟ ଅନୁଯାୟୀ, ଶୁକ୍ରବାର ମୁମ୍ବାଇ ସ୍ଥିତ ଏୟାର ଇଣ୍ଡିଆର ଅପରେସନ କଣ୍ଟ୍ରୋଲ ରୁମ୍‌କୁ ଜଣେ କେହି ଫୋନ କରି କହିଥିଲା ଯେ ଖୁବଶୀଘ୍ର ଇଣ୍ଡିଆନ ଏୟାରଲାଇନ୍ସର ଏକ ବିମାନକୁ ଅପହରଣ କରି ପାକିସ୍ତାନ ନିଆଯିବ । ଏହା ପରେ ବିମାନବନ୍ଦରର ସୁରକ୍ଷା ଦାୟିତ୍ୱରେ ଥିବା କେନ୍ଦ୍ରୀୟ ଔଦ୍ୟୋଗିକ ସୁରକ୍ଷା ବଳ(ସିଆଇଏସଏଫ) ଅଧିକ ସତର୍କତା ଅବଲମ୍ବନ କରିବାକୁ ନିଷ୍ପତ୍ତି ନେଇଛି । ପୁଲୱାମା ବିସ୍ଫୋରଣ ପରେ ବିମାନବନ୍ଦରଗୁଡିକରେ ସୁରକ୍ଷା ବ୍ୟବସ୍ଥା କଡାକଡ଼ି କରାଯାଇଥିଲା । ଏବେ ଧମକ ମିଳିବା ପରେ ଏହାକୁ ଆହୁରି କଡ଼ାକଡ଼ି କରାଯିବ ।
ଧମକ ପରିପ୍ରେକ୍ଷୀରେ ବେସାମରିକ ବିମାନ ଚଳାଚଳ ସୁରକ୍ଷା ନିର୍ଦ୍ଦେଶାଳୟ ଶନିବାର କିଛି ଦିଶାନିର୍ଦ୍ଦେଶ ଜାରି କରିଛି । ଏଥିରେ ବିମାନବନ୍ଦର ଭିତରକୁ ପ୍ରବେଶ କରୁଥିବା ଯାତ୍ରୀ, କର୍ମଚାରୀ, ବ୍ୟାଗେଜ୍‌, କ୍ୟାଟରିଂ ସାମଗ୍ରୀଗୁଡିକର ଭଲ ଭାବେ ଏବଂ ଘନ ଘନ ଯାଞ୍ଚ କରିବା, ପାର୍କିଂ ସ୍ଥଳରେ ରଖାଯାଉଥିବା ଗାଡ଼ି, ବିମାନବନ୍ଦରର ପ୍ରବେଶ ଦ୍ୱାର ନିକଟରେ ଆକସ୍ମିକ ଚେକିଂ କରିବା ସହିତ ଟର୍ମିନାଲ ଏବଂ ବିମାନର ଅପରେସନ ସ୍ଥଳକୁ ପ୍ରବେଶ କରିବାକୁ ହେଲେ କଡ଼ା ଯାଞ୍ଚ କରିବାକୁ କୁହାଯାଇଛି ।

   ସମ୍ବନ୍ଧିତ ଖବର


ପ୍ରସିଦ୍ଧ ଗୀତିକାର ଅଭିଳାଷଙ୍କ ପରଲୋକ, ‘ଇତନି ଶକ୍ତି ହମେ ଦେ ନା ଦାତା…’ ଗୀତରୁ ଲାଭ କରିଥିଲେ ପ୍ରସିଦ୍ଧି

ରିୟାଙ୍କ ଏଫଆଇଆଇ ସିବିଆଇ ନିକଟରେ ପହଁଞ୍ଚିଲା, ସୁଶାନ୍ତଙ୍କ ଭଉଣୀଙ୍କୁ ଯେକୌଣସି ସମୟରେ ପଚରାଉଚରା ପାଇଁ ଡକାଯାଇପାରେ

କରୋନା ଭୟରେ ଗର୍ଭବତୀ ମହିଳାଙ୍କୁ ଫେରାଇ ଦେଲେ ୩ ହସ୍ପିଟାଲ, ଶେଷରେ ଗର୍ଭରେ ଥିବା ଯାଆଁଳା ଶିଶୁଙ୍କର ହେଲା ମୃତ୍ୟୁ

ପତ୍ନୀଙ୍କୁ ନିସ୍ତୁକ ମାଡ଼ ମାରୁଥିବା ବେଳେ ଡିଜିଙ୍କ ଭିଡିଓ ଭାଇରାଲ, ଅନ୍ୟ ମହିଳା ସହ ସମ୍ପର୍କ ବେଳେ ଧରିଥିଲେ ସ୍ତ୍ରୀ

ଡ୍ୟାମ୍ ବୁଲିବାକୁ ଆସିଥିଲେ ଡାକ୍ତର ଦମ୍ପତ୍ତି, ସେଲଫି ନେବାବେଳେ ପାଣିରେ ଖସି ପଡି ପତ୍ନୀ ନିଖୋଜ

ଆର୍ମେନିଆ-ଆଜେରବାଇଜାନ ମଧ୍ୟରେ ଯୁଦ୍ଧ, ୧୬ ମୃତ ଓ ଶତାଧିକ ଆହତ