ଖଲ୍ଲିକୋଟ ୧୮/୦୫: ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି। ସମସ୍ତ ଝାଡ଼ାବାନ୍ତି ପୀଡିତଙ୍କୁ ଖଲ୍ଲିକୋର୍ଟ ମେଡିକାଲରେ ଭର୍ତ୍ତି କରାଯାଇଛି। ଏଭଳି ଘଟଣା ବେଗୁନିଆପଡ଼ା ବ୍ଲକ ଅନ୍ତର୍ଗତ ଚନ୍ଦନପୁର ପଞ୍ଚାୟତର ମୁଣ୍ଡୁଳ ଗାଁରେ ଘଟିଛି।
ସୂଚନା ମୁତାବିକ, ମୁଣ୍ଡୁଳ ଗାଁରେ ଥିବା ସକଳେଶ୍ୱର ମନ୍ଦିର ନିକଟରେ ଯଜ୍ଞ ଅନୁଷ୍ଠିତ ହୋଇଥିଲା। ଗାଁ ଲୋକ ଯଜ୍ଞ ପ୍ରସାଦ ସେବନ କରିଥିଲେ। ତେବେ ଏହି ପ୍ରସାଦ ଖାଇବା ପରେ ୫୦ ଅଧିକା ଗ୍ରାମବାସୀଙ୍କ ଝାଡ଼ାବାନ୍ତି ହୋଇଥିଲା। ସ୍ଥିତି ବିଗିଡିବା ପରେ ସମସ୍ତ ଝାଡାବାନ୍ତି ପୀଡିତଙ୍କୁ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଛି। ତେବେ କେଉଁ କାରଣ ଏଭଳି ଘଟିଛି ତାହା ଜଣାପଡିନାହିଁ।
