PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ପୁଣି ତେଜିଲା ସେନା ବିଦ୍ରୋହ ମିଥ୍ୟା ଖବର ବିବାଦ: ଖବର ଲିକ୍‌ ପଛରେ ୟୁପିଏର ୪ ମନ୍ତ୍ରୀ

source:dailypost.in

ନୂଆଦିଲ୍ଲୀ,୬ ।୨(ଏଜେନ୍ସି): ପ୍ରାୟ ୭-୮ ବର୍ଷ ତଳର ସେନା ବିଦ୍ରୋହ ସଂକ୍ରାନ୍ତ ତଥାକଥିତ ମିଥ୍ୟା ଖବର ଏବେ ପୁଣି ଚର୍ଚ୍ଚାକୁ ଆସିଛି । ଗତ ୨ ତାରିଖରେ ଇଂରାଜୀ ଖବରକାଗଜ ‘ଦି ଗାର୍ଡିଆନ’ରେ ପ୍ରକାଶିତ ଖବରକୁ ନେଇ କଂଗ୍ରେସକୁ ବିଜେପି ଟାର୍ଗେଟ କରିଛି । କହିଛି କୌଣସି ସେନା ବିଦ୍ରୋହ ହୋଇ ନଥିଲା । ସେନା ବିଦ୍ରୋହ ସଂକ୍ରାନ୍ତ ମିଥ୍ୟା ଖବର ମିଡିଆରେ ପ୍ରକାଶ କରାଯାଇଥିଲା । ଏଥିରେ ତତ୍କାଳୀନ କଂଗ୍ରେସ ନେତୃତ୍ୱଧୀନ ୟୁପିଏ ସରକାରର ୪ ଜଣ ମନ୍ତ୍ରୀଙ୍କ ହାତ ଥିବା ବିଜେପି ଅଭିଯୋଗ କରିବା ସହ ସେମାନଙ୍କ ନାମ ପ୍ରକାଶ କରିବାକୁ ଦାବି କରିଛି ।
ନୂଆଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଦଳର ମୁଖପାତ୍ର ଜିଏସ୍‌ଏଲ ନରସିହ୍ମନ କହିଛନ୍ତି ଯେ ମନମୋହନ ସିଂହଙ୍କ ସରକାରର ୪ ଜଣ ବରିଷ୍ଠ ମନ୍ତ୍ରୀ ଏହି ମିଥ୍ୟା ଖବର ପ୍ଲାଣ୍ଟ କରି ଗଣମାଧ୍ୟମକୁ ଦେଇଛନ୍ତି । ସେମାନେ ସେନା ଓ ତତ୍କାଳୀନ ସେନାମୁଖ୍ୟ ଜେନେରାଲ ଭି.କେ ସିଂହଙ୍କୁ ବଦନାମ କରିଛନ୍ତି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏହାର ଜବାବ ଦେବା ସହିତ ଏହି ମନ୍ତ୍ରୀମାନଙ୍କ ନାମ ପ୍ରକାଶ କରିବାକୁ ସେ ଦାବି କରିଛନ୍ତି । କହିଛନ୍ତି କଂଗ୍ରେସ ଶାସନ ବେଳେ କେବଳ ଦୁର୍ନୀତି ହୋଇନାହିଁ ରାଷ୍ଟ୍ରୀୟ ସୁରକ୍ଷା ସହ ମଧ୍ୟ ଖେଳାଯାଇଛି । ଭାରତୀୟ ସେନା ବିରୋଧରେ ଷଡଯନ୍ତ୍ର ରଚାଯାଇଛି । ନରସିଂହ୍ମନ ଆହୁରି ମଧ୍ୟ କହିଛନ୍ତି ସେ ପ୍ରତିରକ୍ଷା ସଂକ୍ରାନ୍ତ ସଂସଦୀୟ ଷ୍ଟାଣ୍ଡିଂ କମିଟିର ସଦସ୍ୟ ଅଛନ୍ତି । ସେ ଏହି ପ୍ରସଙ୍ଗରେ କମିଟିର ଅଧ୍ୟକ୍ଷ କଲରାଜ ମିଶ୍ରଙ୍କୁ ତୁରନ୍ତ ବୈଠକ ଡକାଇବାକୁ ଦାବି କରିଛନ୍ତି । ଘଟଣାର ତଦନ୍ତ କରାଯାଇ ମିଛ ଖବର ଦେଇଥିବା ନେତାମାନଙ୍କୁ ଖୋଜି ବାହାର କରାଯିବା ଓ ସେମାନଙ୍କ ଉଦ୍ଦେଶ୍ୟ କ’ଣ ଥିଲା ଓ କାହିଁକି ସେମାନେ ଏଭଳି କରିଥିଲେ ତାହା ଜାଣିବା ଆବଶ୍ୟକ ବୋଲି ସେ କହିଛନ୍ତି ।
ଗୁଇନ୍ଦା ବିଭାଗ ଅଧିକାରୀଙ୍କ ଉକ୍ତିକୁ ଉଦ୍ଧାର କରି ‘ଦି ଗାର୍ଡିଆନ’ ଲେଖିଛି ଯେ ୨୦୧୧-୧୨ରେ ମନମୋହନ ସିଂହଙ୍କ ନେତୃତ୍ୱାଧୀନ ୟୁପିଏ ସରକାରକୁ ସାମରିକ ବିଦ୍ରୋହ ମାଧ୍ୟମରେ କ୍ଷମତାଚ୍ୟୁତ କରିବା ଲାଗି ତତ୍କାଳୀନ ସେନାମୁଖ୍ୟ (ବର୍ତ୍ତମାନର କେନ୍ଦ୍ରମନ୍ତ୍ରୀ) ଜେନେରାଲ ଭି.କେ ସିଂହ ଉଦ୍ୟମ କରିଥିଲେ ବୋଲି ମିଡିଆରେ ଖବର ପ୍ରକାଶ ପାଇଥିଲା । ଏଥିପାଇଁ ଜେନେରାଲ ସିଂହ ପ୍ରତିରକ୍ଷା ବିଭାଗକୁ ନଜଣାଇ ହିସାରରୁ ପଦାତିକ ବାହିନୀ, ରୁଷ ନିର୍ମିତ ଆର୍ମଡ ଫାଇଟିଂ ଭେହିକିଲ୍‌ ଓ ଆଗ୍ରାରୁ ଏୟାରବୋର୍ଣ୍ଣ ୫୦ ପାରା ବ୍ରିଗେଡକୁ ଧରି ନୂଆଦିଲ୍ଲୀ ଅଭିମୁଖେ ଆସିଥିଲେ ବୋଲି ସେଥିରେ କୁହାଯାଇଥିଲା । ସେହି ସମୟରେ ଜନ୍ମ ତାରିଖକୁ ନେଇ ସରକାରଙ୍କ ସହ ଜେନେରାଲ ସିଂହ ମୁହାଁମୁହିଁ ହୋଇଥିଲେ ଓ ସୁପ୍ରିମକୋର୍ଟରେ ପିଟିସନ ଫାଇଲ କରିଥିଲେ । ତା’ଛଡା କେନ୍ଦ୍ର ସରକାର ବିଭିନ୍ନ ଦୁର୍ନୀତି ମାମଲାରେ ଉବୁଟୁବୁ ହୋଇପଡିଥିଲା ବେଳେ ସମାଜସେବୀ ଆନ୍ନା ହଜାରେଙ୍କ ଆନ୍ଦୋଳନ ସରକାରକୁ ଅସ୍ଥିର କରିଦେଇଥିଲା । ତେଣୁ ସେନା ବିଦ୍ରୋହ ଖବର ପ୍ରକାଶ ପାଇବା ପରେ ସରକାର ଭୟଭୀତ ହୋଇପଡିଥିଲେ । ଘଟଣାର ସତ୍ୟତା କେତେ ରହିଛି ତାହା ଜାଣିବା ପାଇଁ ଅନୌପଚାରିକ ଭାବେ ଗୁଇନ୍ଦା ବ୍ୟୁରୋ (ଆଇବି)କୁ ତଦନ୍ତ କରିବାକୁ କହିଥିଲେ ।
ଗୁଇନ୍ଦା ବିଭାଗ ଘଟଣାର ତଦନ୍ତ କରିଥିଲା ଓ କହିଥିଲା ଯେ ଜେନେରାଲ ସିଂହ କୌଣସି ବିଦ୍ରୋହ ଯୋଜନା କରି ନଥିଲେ । ନୂଆଦିଲ୍ଲୀ ଅଭିମୁଖେ ଯେଉଁ ସୈନ୍ୟ ଚାଳନା କରାଯାଇଥିଲା ତାହା ନିୟମିତ ଅଭ୍ୟାସ ଥିଲା । ସାମରିକ ବିଦ୍ରୋହ କରାଯିବାର ସମ୍ଭାବନା ମଧ୍ୟ ନଥିଲା । ଜଣେ ଗୁଇନ୍ଦା ଅଧିକାରୀ କହିଛନ୍ତି ଯେ ମନମୋହନ ସିଂହ ଚାପରେ ରହିଥିଲେ ଓ ତାଙ୍କୁ କ୍ଷମତାଚ୍ୟୁତ କରାଯିବାର ଆଶଙ୍କା ପ୍ରକାଶ କରିଥିଲେ । ପରେ ଆମେ ଯାଞ୍ଚ କରି ଜାଣିବାକୁ ପାଇଥିଲୁ ଯେ ୟୁପିଏ ସରକାରର ୪ ଜଣ ମନ୍ତ୍ରୀ ସାମରିକ ବିଦ୍ରେହ ଖବର ଲିକ୍‌ ପଛରେ ଅଛନ୍ତି । କୌଣସି ସାମରିକ ବିଦ୍ରୋହ ଘଟି ନଥିବା ବେଳେ ସେମାନେ ଗଣମାଧ୍ୟମକୁ ମିଥ୍ୟା ଖବର ଦେଇଥିଲେ । ଜେନେରାଲ ସିଂହ ୨୦୧୦ ମାର୍ଚ୍ଚରୁ ୨୦୧୨ ମେ ପର୍ଯ୍ୟନ୍ତ ଦେଶର ସେନାମୁଖ୍ୟ ରହିଥିଲେ । ତାଙ୍କୁ ଓ ସେନାକୁ ବଦ୍‌ନାମ କରିବା ପାଇଁ ୟୁପିର ଏହି ମନ୍ତ୍ରୀମାନେ ଏଭଳି କରିଥିଲେ ବୋଲି ଆଇବି ଜାଣିବାକୁ ପାଇଥିବା ଉକ୍ତ ଅଧିକାରୀ ଜଣକ କହିଛନ୍ତି ।

ସମ୍ବନ୍ଧିତ ଖବର