କରଞ୍ଜିଆ,୩ ।୬ ଲକଡାଉନରେ ମଦ ବେପାରୀ ସକ୍ରିୟ । ଝାଡଖଣ୍ଡ ରାଜ୍ୟର ମଝିଗାଁ ଥାନା ଅଞ୍ଚଳର ୨ ଜଣ ଯୁବକ ବାଇକରେ ବିଦେଶୀ ମଦ ଧରି ଓଡିଶାରେ ବିକ୍ରି କରିବାକୁ ଆସୁଥିବା ବେଳେ ପୋଲିସ ହାତରେ ଧରାପଡିଛନ୍ତି । ସେମାନଙ୍କ ନିକଟରୁ ୧୮ ଲିଟର ବିଦେଶୀ ମଦ ସହ ଗୋଟିଏ ବାଇକ ଜବତ କରିଛି । ଗିରଫ ୨ ଜଣ ହେଲେ ବିକାଶ ବାରିକ ଓ ଆକାଶ ପ୍ରଧାନ ।
ବିକାଶ ଓ ଆକାଶ ବାଇକରେ ଝାଡଖଣ୍ଡରୁ ବିଦେଶୀ ମଦ ଧରି ଓଡିଶାରେ ବି୍ରକି କରିବାକୁ ଆସୁଥିଲେ । ଓଡିଶା ଓ ଝାଡଖଣ୍ଡ ସୀମାରେ ଚେକିଂ କଡାକଡି ଚାଲୁ ରହିଥିବା ବେଳେ ସେମାନେ ଝାଡଖଣ୍ଡ ରାଜ୍ୟରୁ ଭିତର ବାଟ ଦେଇ ଓଡିଶା ଆସୁଛନ୍ତି ବୋଲି ରରୁଁଆ ପୋଲିସ କହିଛି ।