ଭାରତର ବୈଦଶିକ ମନ୍ତ୍ରଣାଳୟ ପାକିସ୍ତାନ ଡେପୁଟି ହାଇକମିସନର ସୟଦ ହାଇଦର ଶାହାଙ୍କୁ ସମନ
ନୂଆଦିଲ୍ଲୀ,୨୭।୨: ଭାରତ ଓ ପାକିସ୍ତାନ ଏ ଦୁଇ ଦେଶ ମଧ୍ୟରେ ଯୁଦ୍ଧ ଭଳି ପରିସ୍ଥିତି । ଗତକାଲିର ଏୟାରଷ୍ଟ୍ରାଇକ୍ ପରେ ଆଜି ଉତ୍ତେଜନା ବଢ଼ିଛି। ଦିନ ୧୧ଟା। ପାକିସ୍ତାନର ୩ ଟି F-16 ବିମାନ LOCର ନୌସେରା ସେକ୍ଟରର ଅତିକ୍ରମ କରିବାକୁ ଚେଷ୍ଟା କରିଥିଲା। ଏତିକି ବେଳେ ଆଲର୍ଟ ଥିବା ଭାରତୀୟ ବାୟୁ ସେନା ପ୍ରତିଜବାବ ଦେଇଥିଲା । ବାୟୁସେନାର ମିଗ୍ ବିମାନ ସେମାନଙ୍କ ଗତିପଥ ଅବରୋଧ କରିଥିଲେ । ଏଥିରେ ପାକିସ୍ତାନ ବିମାନ ରଜୌରୀ ସେକ୍ଟରରେ ଜଙ୍ଗଲ ଉପରେ କିଛି ବୋମା ପକାଇ ଥିଲେ । ଭାରତୀୟ ବିମାନ ପ୍ରତି ଆକ୍ରମଣ କରିବାରୁ ପାକିସ୍ତାନର ଏଫ୍ -୧୬ ଫେରିଯାଇଥିଲେ। ସୂଚନା ଅନୁଯାୟୀ ପାକିସ୍ତାରନ ଗୋଟିଏ ଏଫ ୧୬ ଧ୍ବଂସ ହୋଇଛି । ତେବେ ଏହି ସମୟରେ ଭାରତର ଗୋଟିଏ ବିମାନ କ୍ରାସ୍ ହୋଇଛି। ଏଥିରେ ଜଣେ ପାଇଲଟ ନିଖୋଜ ହୋଇଛନ୍ତି।
ସେପଟେ ପାକିସ୍ତାନ କହିଛି ଯେ LOC ର POK ପଟକୁ ପଶି ଆସିଥିବା ଭାରତୀୟ ବାୟୁସେନାର ୨ଟି ମିଗ୍ ବିମାନକୁ ଆଣ୍ଟି ଏୟାରକ୍ରାଫ୍ଟ ଗନ୍ ମାଧ୍ୟମରେ ଉଡାଇ ଦିଆଯାଇଛି । ଯେଉଁଥିରେ ଗୋଟିଏ ବିମାନ ଭାରତ ପଟ ସୀମାରେ ପଡି ଜଳି ଯାଇଥିବାବେଳେ ଆଉ ଗୋଟିଏ ବିମାନ ପାକ୍ ଅଧିକୃତ କାଶ୍ମୀର ପଡିଥିଲା । ଯେଉଁଥିରେ ଦୁଇ ଜଣ ପାଇଲଟ୍ଙ୍କୁ ଗିରଫ କରାଯାଇଛି । ପାକିସ୍ତାନ ଗଣ ମାଧ୍ୟମ ଜଣେ ପାଇଲ୍ଟଙ୍କ ଭିଡିଓ ଜାରି କରିବା ସହ ତାଙ୍କ ନାଁ ଅଭିନନ୍ଦନ ଓ ସେ ଉଇଙ୍ଗ କମାଣ୍ଡର ବୋଲି କହିଛି ।
ପାକିସ୍ତାନ ଭାରତ ସୀମାରେ ଆକ୍ରମଣ କରିଥିବା ଫାଙ୍କିଥିବା ବେଳେ ଜାମ୍ମୁ ଅଞ୍ଚଳରେ ସ୍ଥାନୀୟ ଲୋକେ କିନ୍ତୁ ବଖାଣିଛନ୍ତି ସତ। ପାକିସ୍ତାନ ବିମାନ ଭାରତ ସୀମାରେ ପ୍ରବେଶ କରିଥିଲା କିନ୍ତୁ ଭାରତୀୟ ବିମାନ ଚେଜ୍ କରିବାରୁ ସେମାନେ ଜଙ୍ଗଲ ଓ ପାହାଡ଼ ଉପରେ ବୋମା ପକାଇଥିଲେ।
ଯୁଦ୍ଧ ଭଳି ସ୍ଥିତି ଉପୁଜୁଥିବା ଦେଖି ପାକିସ୍ତାନ ପ୍ରଧାନମନ୍ତ୍ରୀ ତାଙ୍କ ଦେଶକୁ ସମ୍ବୋଧନ କରିଛନ୍ତି ।କହିଛନ୍ତି ପାକିସ୍ତାନ ଶାନ୍ତି ଚାହେଁ । ଭାରତ ଯେଉଁଭଲି ସ୍ଥିତି ଉପୁଜାଇଛି ତାହା ଠିକ୍ ନୁହେଁ । ଆଜି ଆମେ ଆକ୍ସନ୍ ନେଇ ନାହୁଁ , ବରଂ କେବଳ ଆମର ତାକତ ଦେଖାଇବାକୁ ଚାହିଁଛୁ । ଭାରତ ଯଦି ଆମ ଦେଶରେ ପଶିବାକୁ ଚେଷ୍ଟା କରିବ ଆମେ ମଧ୍ୟ ତାଙ୍କ ଦେଶରେ ପଶି ପାରିବୁ । ଏଣେ ଅର୍ଥମନ୍ତ୍ରୀ ଅରୁଣ ଜେଟଲି କହିଛନ୍ତି ଯେଉଁଭଭଳି ସ୍ଥିତି ଉପୁଜିଛି ଏଥିରେ ଭାରତ କିଛି ବି ଆକ୍ସନ ନେଇପାରେ।
ବଦଳୁଥିବା ପରିସ୍ଥିତି ଏବେ ଉଭୟ ଦେଶ ପାଇଁ ଚିନ୍ତାର କାରଣ ହେଲାଣି। ଅପରାହ୍ନରେ ଭାରତର ବୈଦେଶିକ ମନ୍ତ୍ରଣାଳୟ ପାକିସ୍ତାନ ଡେପୁଟି ହାଇକମିଶନର ସୟଦ ହାଇଦର ଶାହାଙ୍କୁ ସମନ କରିଥିଲା। ।
