ଜମ୍ମୁ-କାଶ୍ମୀର ପ୍ରସଙ୍ଗରେ ଭାରତକୁ ଫ୍ରାନ୍ସର ସମର୍ଥନ

ନୂଆଦିଲ୍ଲୀ/ପ୍ୟାରିସ୍‌ ୨୨/୮ : ଜମ୍ମୁ-କାଶ୍ମୀର ପ୍ରସଙ୍ଗରେ ଫ୍ରାନ୍ସ ଭାରତର ଆଭିମୁଖ୍ୟକୁ ସମର୍ଥନ କରିଛି । ଫ୍ରାନ୍ସ କହିଛି କି ଏହା ହେଉଛି ଭାରତ ଓ ପାକିସ୍ତାନ ମଧ୍ୟରେ ଏକ ଦ୍ୱିପାକ୍ଷିକ ପ୍ରସଙ୍ଗ । ତେଣୁ ଦୁଇ ଦେଶ ପରସ୍ପର ସହ ଆଲୋଚନା ମାଧ୍ୟମରେ ଏହି ବିବାଦର ସମାଧାନ କରିବା ଉଚିତ୍‌ । ପାକିସ୍ତାନର ବିଦେଶ ମନ୍ତ୍ରୀ ଶାହ ମେହମ୍ମୁଦ କ୍ୟୁରେସୀ କାଶ୍ମୀର ପ୍ରସଙ୍ଗରେ ଅବଗତ କରାଇବା ପାଇଁ ଫ୍ରାନ୍ସର ବିଦେଶ ମନ୍ତ୍ରୀ ଜିନ୍‌ ଭେସ୍‌ ଲି ଡ୍ରିଆନଙ୍କୁ ଫୋନ କରିଥିଲାବେଳେ ସେ ଏହି କଥା ପ୍ରକାଶ କରିଛନ୍ତି ।

ଫ୍ରାନ୍ସ ଦୁଇ ଦେଶଙ୍କୁ ନିବେଦନ କରିଛି କି ସେମାନେ ଏଇ ଅଞ୍ଚଳରେ ଉତ୍ତେଜନା ବୃଦ୍ଧିକାରୀ ପଦକ୍ଷେପ ନେବାରୁ ନିବୃତ୍ତ ହୁଅନ୍ତୁ । କିଛି ଦିନ ତଳେ ଜାତିସଂଘ ସୁରକ୍ଷା ପରିଷଦରେ କାଶ୍ମୀର ପ୍ରସଙ୍ଗରେ ଅନୌପଚାରିକ ଆଲୋଚନା ସମୟରେ ବି ଫ୍ରାନ୍ସ ଭାରତର ଜୋରଦାର ସମର୍ଥନ କରିଥିଲା । ଆଉ ଏକ ଘଟଣାକ୍ରମରେ, ବାଂଲାଦେଶ ମଧ୍ୟ କାଶ୍ମୀର ପ୍ରସଙ୍ଗରେ ଭାରତର ମତକୁ ସମର୍ଥନ କରିଛି ।

ବାଂଲାଦେଶ କହିଛି କି ଜମ୍ମୁ-କାଶ୍ମୀରରୁ ଧାରା ୩୭୦ ହଟାଯିବା ଭାରତର ଆଭ୍ୟନ୍ତରୀଣ ମାମଲା ଅଟେ । ଏହା ପୂର୍ବରୁ ଶ୍ରୀଲଙ୍କା, ନେପାଳ ଓ ଭୁଟାନ ଭଳି ଦେଶ ବି ଏହାକୁ ଭାରତର ଆଭ୍ୟନ୍ତରୀଣ ମାମଲା ବୋଲି ମତ ଦେଇଥିଲେ ।

   ସମ୍ବନ୍ଧିତ ଖବର


କରୋନା – ରେଳ ରାଷ୍ଟ୍ରମନ୍ତ୍ରୀ ସୁରେଶ ଅଙ୍ଗଦୀଙ୍କ ଦେହାନ୍ତ

ହାତୀ ଆଣିଦେଲେ ପତି – ସ୍ୱପ୍ନ ପୁରା କଲେ ଜୀବନ ସାଥି

ଡ୍ରଗ୍ସ ଲିଙ୍କ୍‌ରେ ୩ ଅଭିନେତ୍ରୀ – ଦୀପିକା , ସାରା ଓ ଶ୍ରଦ୍ଧାଙ୍କୁ ସମନ ଜାରି

ରାଷ୍ଟ୍ରପତି ଜିନପିଙ୍ଗଙ୍କୁ ଜୋକର କହି ଅଡୁଆରେ ଚୀନ୍ ଅରବପତି, ୧୮ ବର୍ଷ ଜେଲ

ପତ୍ନୀ ବାପା ଘରୁ ଆସିବାକୁ ରାଜି ହେଲେନି ବୋଲି ଏମିତି କାଣ୍ଡ କଲେ ସ୍ୱାମୀ …

ଆସନ୍ତା ୩ ଦିନରେ ଏହି ସବୁ ରାଜ୍ୟରେ ହେବ ପ୍ରବଳ ବର୍ଷା: ମୁମ୍ବାଇ ଜଳମଗ୍ନ, ସମୁଦ୍ରରୁ ଉଠିପାରେ ଉଚ୍ଚ ଲହରୀ