PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ମୋଦି କହିଲେ:ଗାନ୍ଧିଜୀ ଚାହୁଁଥିଲେ କଂଗ୍ରେସ ଭାଙ୍ଗିଯାଉ, କ’ଣ ପାଇଁ ଜାଣନ୍ତୁ

ନୂଆଦିଲ୍ଲୀ,୧୨।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦାଣ୍ଡି ଯାତ୍ରାର ୮୯ ବର୍ଷ ପୂରଣ ଅବସରରେ କଂଗ୍ରେସକୁ ଟାର୍ଗେଟ କରିଛନ୍ତି। ମୋଦି ନିଜ ଟ୍ବିଟର ବ୍ଳଗରେ ଲେଖିଛନ୍ତି ଗାନ୍ଧିବାଦର ଓଲଟା ବିଚାର ରଖିବା କଂଗ୍ରେସ ଦଳର ସଂସ୍କୃତି ରହିଛି। ମହାତ୍ମା ଗାନ୍ଧି କଂଗ୍ରେସର ସଂସ୍କୃତିକୁ ଖୁବ୍ ଭଲ ଭାବରେ ଜାଣିଥିଲେ। ତେଣୁ ସେ ଏହାକୁ ଭଙ୍ଗ କରିବାକୁ ଚାହୁଁଥିଲେ। ବିଶେଷ କରି ୧୯୪୭ରେ ଦେଶ ସ୍ବାଧୀନ ହୋବ ପରେ। ମୋଦି କହିଛନ୍ତି ଆଜି ତାଙ୍କର ସରକାର ବାପୁଙ୍କ ମାର୍ଗ ଓ ଦେଶକୁ କଂଗ୍ରେସ ମୁକ୍ତ କରିବାର ସ୍ବପ୍ନ ଉପରେ କାମ କରୁଛି।

source:https://hindi.indiatvnews.com

ମୋଦି ଏହି ଲେଖା ଗୁଜରାଟରେ କଂଗ୍ରେସର ଓ୍ବାର୍କିଂ କମିଟି ବୈଠକ ଦିନ ପୋଷ୍ଟ କରିଛନ୍ତି। ମୋଦି ଏଭଳି ଲେଖି ସଂଗଠନ ଓ ନେତୃତ୍ବଙ୍କୁ ସମାଲୋଚନା କରିଛନ୍ତି। ସେ ଲେଖିଛନ୍ତି  ସର୍ଦ୍ଦାର ପଟେଲ ଦାଣ୍ଡି ଯାତ୍ରାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଗାନ୍ଧିଜୀ ଅସମାନତା ଓ ଜାତିକୁ ଭାଗବଣ୍ଟା କରିବାରେ ବିଶ୍ବାସ କରୁନଥିଲେ। ସବୁଠାରୁ ଖରାପ ଜାତୀୟ ଦଙ୍ଗା ଓ ଦଳିତ ବିରୋଧୀ ନରସଂହାର କଂଗ୍ରେସର ଶାସନ ବେଳେ ହୋଇଛି। କୁଶାସନ ଓ ଭ୍ରଷ୍ଟଚାର ସବୁବେଳେ ସାଙ୍ଗରେ ଚାଲିଛି। ପ୍ରତିରକ୍ଷା, ଟେଲିକମ, ଜଳସେଚନ, ଖେଳ ଆୟୋଜନରୁ ନେଇ କୃଷକଙ୍କ କ୍ଷେତ କିମ୍ବା ଗାଁର ବିକାଶ ସବୁ କ୍ଷେତ୍ରରେ କଂଗ୍ରେସର ବହୁ ଦୁର୍ନୀତି ରହିଛି। ଏହାଛଡା ଗାନ୍ଧିଜୀ ଲୋକତନ୍ତ୍ର ଓ ବଂଶବାଦର ବିରୋଧରେ ଥିଲେ। କିନ୍ତୁ କଂଗ୍ରେସ ଆଜି ମଧ୍ୟ ଏହି ନୀତି ଚାଲିଛି।

 ଗାନ୍ଧିଜୀ ଲୋକତନ୍ତ୍ର ଉପରେ ଭରଷା କରୁଥିଲେ କିନ୍ତୁ  ଇନ୍ଦିରା ଗାନ୍ଧି ସରକାର ୧୯୭୫ରେ ଦେଶରେ ଜରୁରୀକାଳୀନ ପରିସ୍ଥିତି ଲାଗୁ କରିଥଲେ। ଏହାଦ୍ବାରା ଅନୁଚ୍ଛେଦ ୩୬୫ର ବାରମ୍ବାର ଦୁରୁପଯୋଗ ହୋଇଥିଲା। ଗାନ୍ଧିଜୀଙ୍କୁ ଦୁଃଖ ଥିଲା କଂଗ୍ରେସର ଳୋକ ସ୍ବରାଜକୁ କେବଳ ଏକ ରାଜନୈତିକ ମହତ୍ତ୍ବର ଜିନି​‌ଷ ଭାବୁଥିଲେ ତେଣୁ ସେ ସମ୍ମାନ ପୂର୍ବକ କଂଗ୍ରେସକୁ ଶେ​‌ଷ କରିବାକୁ ଚାହୁଁଥିଲେ ବୋଲି ମୋଦି ନିଜ ବ୍ଲଗରେ ଉଲ୍ଲେଖ କରିଛନ୍ତି।

ସମ୍ବନ୍ଧିତ ଖବର