ଲଣ୍ଡନ,: ସୌରଭ ଗାଙ୍ଗୁଲିଙ୍କ ନେତୃତ୍ୱ ସମୟରେ ଭାରତ ଏକ ଲଢୁଆ ଦଳ ରୂପେ ଉଭା ହୋଇଥିଲା ବୋଲି ମତ ଦେଇଛନ୍ତି ପୂର୍ବତନ ଇଂଲଣ୍ଡ ଅଧିନାୟକ ନାସିର ହୁସେନ । ସେ କହିଛନ୍ତି ଯେ, ଗାଙ୍ଗୁଲି ଗ୍ରାଉଣ୍ଡ ମଧ୍ୟରେ କଠିନ ପ୍ରତିଦ୍ୱନ୍ଦ୍ୱୀ ଥିଲେ । ସେ ଏକ ଲଢୁଆ ଦଳ ଗଢିଥିଲେ । ଗ୍ରାଉଣ୍ଡ ବାହାରେ ତାଙ୍କ ଦଳ ଥିଲା ସବୁଠୁ ଭଦ୍ର ଓ ଶାନ୍ତ । ମ୍ୟାଚ୍ ସମୟରେ ଗାଙ୍ଗୁଲିଙ୍କ ବ୍ୟବହାର ମୋ ପାଇଁ ଅସହ୍ୟ ଥିଲା ।
{"id":54379,"sizeSlug":"large"}ଟସ୍ ପାଇଁ ସେ ମୋତେ ସର୍ବଦା ଗ୍ରାଉଣ୍ଡରେ ଅପେକ୍ଷା କରାଉଥିଲେ । ତାଙ୍କର ଏହି ଗୁଣକୁ ମୁଁ ଘୃଣା କରୁଥିଲି । ଭାରତୀୟ କ୍ରିକେଟ୍ ପ୍ରେମୀଙ୍କ ମନୋଭାବକୁ ଗାଙ୍ଗୁଲି ଭଲ ଭାବେ ଜାଣିଥିଲେ । ତେଣୁ ଯୁବରାଜ, ସେହ୍ୱାଗଙ୍କ ଭଳି ଯୁବ ଖେଳାଳିଙ୍କୁ ନେଇ ଏକ ଲଢୁଆ ଦଳ ଗଢିଥିଲେ । ଗ୍ରାଉଣ୍ଡ ଭିତରେ ସେମାନେ ସବୁ ଶକ୍ତି ଖଟାଇ ଦେଉଥିଲେ । ମ୍ୟାଚ୍ ଜିତିବା ସେମାନଙ୍କର ଏକମାତ୍ର ଲକ୍ଷ୍ୟ ରହୁଥିଲା । ହେଲେ ଗ୍ରାଉଣ୍ଡ ବାହାରେ ସେମାନଙ୍କ ବ୍ୟବହାର ଥିଲା ବେଶ୍ ମାର୍ଜିତ ।
{"id":91107,"sizeSlug":"large"}ଅବସର ପରେ କ୍ରିକେଟ୍ ଭାଷ୍ୟକାର ରୂପେ ଗାଙ୍ଗୁଲିଙ୍କୁ ଭେଟିଥିଲି । ତାଙ୍କ ଶାନ୍ତ ସ୍ୱାଭବ ଦେଖି ଚକିତ ହୋଇ ଯାଇଥିଲି ।