ନୂଆଦିଲ୍ଲୀ ୨୫/୧୨: ଷ୍ଟାର୍ ମହିଳା ରେସଲର ଗୀତା ଫୋଗଟ ଆଜି ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । ସୋସିଆଲ୍ ମିଡିଆ ଟ୍ୱିଟରରେ ସେ ଏବିଷୟରେ ସୂଚନା ଦେବା ସହ ଏକ ଫଟୋ ପୋଷ୍ଟ କରିଛନ୍ତି । ଯାହାକି ଭାଇରାଲ ହୋଇଯାଇଛି । ଚାରିଆଡ଼ୁ ତାଙ୍କୁ ଶୁଭେଚ୍ଛାର ସୂଅ ଛୁଟୁଛି ।
/wp:html
ଟ୍ୱିଟ୍ରେ ଫଟୋ ପୋଷ୍ଟ କରି ଗୀତା କହିଛନ୍ତି, ପୁଅ, ତୁମକୁ ଏହି ଦୁନିଆକୁ ସ୍ୱାଗତ । ତୁମେ ଆମ ଜୀବନକୁ ପୂର୍ଣ୍ଣ କରିଛ । ସନ୍ତାନ ପ୍ରସବ କରିବାର ଅନୁଭବ ଅବର୍ଣ୍ଣନୀୟ ।’ ଏହାଛଡ଼ା ସେ ପ୍ରଶଂସକ ଓ ଶୁଭେଚ୍ଛୁକଙ୍କୁ ତାଙ୍କ ପୁଅ ପାଇଁ ପ୍ରାର୍ଥନା କରିବାକୁ ଅନୁରୋଧ କରିଛନ୍ତି । ଗୀତାଙ୍କ ଭଉଣୀ ବବିତା କହିଛନ୍ତି, ମା’ ହେବା ପାଇଁ ଶୁଭେଚ୍ଛା । ତୁମ ପୁଅକୁ ସମସ୍ତେ ଭଲ ପାଆନ୍ତୁ ।’ ସୂଚନାଯୋଗ୍ୟ, ୨୦୧୦ ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତର ପ୍ରଥମ ମହିଳା ଭାବେ ସ୍ୱର୍ଣ୍ଣ ପଦକ ଜିତିଥିବା ଗୀତା ୨୦୧୬ ନଭେମ୍ବର ୨୦ତାରିଖ ରେସଲର ପବନ କୁମାରଙ୍କୁ ବିବାହ କରିଥିଲେ ।
{"id":72817,"width":715,"height":894,"sizeSlug":"large"}