PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

୧୭୯୦ କୋଟି ବର୍‌ବାଦ: କ୍ରିପ୍ଟୋକରେନ୍ସି ସିଇଓଙ୍କ ମୃତ୍ୟୁ ସହ ହଜିଗଲା ପାସ୍‌ୱାର୍ଡ

source:shilfa.com

ନ୍ୟୁୟର୍କ,୬ା୨(ଏଜେନ୍ସି):ଭାରତ ଗସ୍ତରେ ଥିବା କାନାଡାଭିତ୍ତିକ ଏକ କ୍ରିପ୍ଟୋକରେନ୍ସି ଏକ୍ସଚେଞ୍ଜ୍‌ ‘କ୍ୱାଡ୍ରିଗାସିଏକ୍ସ’ର ସିଇଓ ଗେରାଲ୍ଡ କୋଟେନଙ୍କ ଅଚାନକ ମୃତ୍ୟୁ ଘଟିଛି । ଗତ ଡିସେମ୍ବର ୯ରେ ତାଙ୍କର ପରଲୋକ ହୋଇଥିବାବେଳେ ଏବେ ଖବର ଗଣମାଧ୍ୟମରେ ପ୍ରକାଶ ପାଇଛି । ତାଙ୍କ ମୃତ୍ୟୁ ପରେ ୧ ଲକ୍ଷରୁ ଊଦ୍ଧ୍ୱର୍ କ୍ରିପ୍ଟୋକରେନ୍ସିଧାରୀ ଆଶଙ୍କିତ । ନିଜର ପ୍ରାପ୍ୟରାଶି ଫେରିପାଇବା ସେମାନଙ୍କ ପାଇଁ ବର୍ତ୍ତମାନ ଅସମ୍ଭବ ପାଲଟିଛି । କାରଣ ହେଉଛି କ୍ରିପ୍ଟୋକରେନ୍ସି ଏକ୍ସଚେଞ୍ଜ୍‌ର ସିଇଓ ୩୦ ବର୍ଷୀୟ ଗେରାଲ୍ଡ କୋଟେନ୍‌ ହେଉଛନ୍ତି ଏକମାତ୍ର ବ୍ୟକ୍ତି ଯାହାଙ୍କ ନିକଟରେ କମ୍ପାନିର ପାଣ୍ଠି ଆକ୍ସେସ୍‌ କରିବାର ସବୁ ପାସ୍‌ୱାର୍ଡ ରହିଥିଲା ।
କୋଟେନ୍‌ଙ୍କ ଆକସ୍ମିକ ମୃତ୍ୟୁ ପରେ କମ୍ପାନି ପକ୍ଷରୁ କୁହାଯାଇଛି ଯେ, ଏବେ ଆମ ଉପରେ କ୍ଲାଏଣ୍ଟମାନଙ୍କ ୨୫୦ ନିୟୁତ ଡଲାର (ପାଖାପାଖି ୧୭୯୦ କୋଟି ଟଙ୍କା) ବକେୟା ରାଶି ରହିଛି । ପାଣ୍ଠି ଆକ୍ସେସ କରିବା ପାଇଁ ସମସ୍ତ ପାସ୍‌ୱାର୍ଡ କେବଳ କୋଟେନ୍‌ଙ୍କ ନିକଟରେ ଥିଲା । ତାଙ୍କର ପରଲୋକ ପରେ ଏହାକୁ ଆକ୍ସେସ୍‌ କରିବା ଅସମ୍ଭବ ହୋଇଛି । ତେଣୁ ଗ୍ରାହକଙ୍କୁ ସେମାନଙ୍କ ପ୍ରାପ୍ୟରାଶି ପରିଶୋଧ କରିବା ପାଇଁ ଆମେ ଅକ୍ଷମ ।
କମ୍ପାନି ଋଣ ପ୍ରଦାନକାରୀଙ୍କଠାରୁ ସୁରକ୍ଷା ପାଇବା ପାଇଁ ସୁପ୍ରିମ୍‌କୋର୍ଟ ଅଫ୍‌ ନୋଭା ସ୍କୋଟିଆରେ ୩୦ ଦିନ ସମୟ ମାଗିଥିବାବେଳେ ସର୍ବୋଚ୍ଚ ନ୍ୟାୟାଳୟ ଆବେଦନକୁ ଗ୍ରହଣ କରିଛନ୍ତି । ସିଇଓଙ୍କ ପରଲୋକ ପରେ ବର୍ତ୍ତମାନ କ୍ୱାଡ୍ରିଗା ଯେଉଁ ଅର୍ଥ ସଙ୍କଟର ସମ୍ମୁଖୀନ ହୋଇଛି ତାହାର ସମାଧାନ ପାଇଁ ଅର୍ଣ୍ଣଷ୍ଟ ଆଣ୍ଡ୍‌ ୟଙ୍ଗ୍‌କୁ ନିୟୋଜିତ କରାଯିବ । ଏହା ସହ କମ୍ପାନିର ସମ୍ଭାବ୍ୟ ବିକ୍ରି ଉପରେ ମଧ୍ୟ ଅନୁଧ୍ୟାନ କରାଯିବ ।
ଗ୍ରାହକଙ୍କୁ ଅର୍ଥ ଫେରସ୍ତ କରିବା ପାଇଁ କମ୍ପାନି ଅକ୍ଷମତା ଦର୍ଶାଇବା ପରେ ନିବେଶକମାନଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି । ସୂଚନାଯୋଗ୍ୟ, ୨୦୧୩ରେ କୋଟେନ୍‌ କ୍ରିପ୍ଟୋକରେନ୍ସି ଏକ୍ସଚେଞ୍ଜ ‘କ୍ୱାଡ୍ରିଗା’କୁ ପ୍ରତିଷ୍ଠା କରିଥିଲେ । ଅସହାୟ ପିଲାମାନଙ୍କ ପାଇଁ ଏକ ଅନାଥ ଆଶ୍ରମ ଖୋଲିବା ପାଇଁ ସେ ଭାରତ ଗସ୍ତରେ ଆସିଥିଲେ । ଦୁରାରୋଗରେ ପୀଡ଼ିତ ଥିଲେ ସେ ।
ଏକ ସତ୍ୟପାଠ ମାଧ୍ୟମରେ କୋଟେନ୍‌ଙ୍କ ବିଧବା ପତ୍ନୀ ଜେନିଫର ରୋବର୍ଟସନ୍‌ କହିଛନ୍ତି ଯେ, କମ୍ପାନିର ଫାଇନାନ୍ସ ସଂକ୍ରାନ୍ତ ସବୁ ପାସ୍‌ୱାର୍ଡ ସ୍ୱାମୀଙ୍କ ନିକଟରେ ଥିଲା । ପାସ୍‌ୱାର୍ଡଗୁଡିକ ବିଷୟରେ ସେ ଆଦୌ କିଛି ଜାଣିନାହାନ୍ତି । ପ୍ରଥମ ଥର କ୍ରିପ୍ଟୋକରେନ୍ସି କ୍ଷେତ୍ରରେ ଏଭଳି ଏକ ଘଟଣା ଘଟିଛି ଯେଉଁଥିରେ କମ୍ପାନିର ଆକାଉଣ୍ଟ ସଂକ୍ରାନ୍ତ ପାସ୍‌ୱାର୍ଡଗୁଡିକ ହଜିଯାଇଛି ।
ସୂଚନାଯୋଗ୍ୟ, କ୍ୱାଡ୍ରିଗାର ପ୍ଲାଟ୍‌ଫର୍ମ ଜାନୁଆରୀ ୨୮ରେ ଅଫ୍‌ଲାଇନ୍‌ ହୋଇଯାଇଥିଲା । ଏହା ପରେ ନିବେଶକଙ୍କ ମଧ୍ୟରେ ପ୍ରବଳ ଉତ୍ତେଜ୍ଜନା ଦେଖାଦେଇଥିଲା । ନିବେଶକମାନେ ରେଡ୍ଡିଟ୍‌ ଏବଂ ଟୁଇଟର ଭଳି ସୋସିଆଲ ନେଟ୍‌ୱର୍କିଂ ସାଇଟ୍‌ରେ ଏହା ଉପରେ ଯୁକ୍ତିତର୍କ ଆରମ୍ଭ କରିଥିଲେ । ସତରେ କୋଟେନ୍‌ଙ୍କ ମୃତ୍ୟୁ ଘଟିଛି ନା ମିଥ୍ୟା ଖବର ପ୍ରଚାର କରି କମ୍ପାନି ନିବେଶକଙ୍କ ଅର୍ଥ ହଡ଼ପ କରିବାକୁ ଚାହୁଁଛି ତାହା ଉପରେ ଏମାନେ ପ୍ରଶ୍ନ ଉଠାଇଥିଲେ ।
କ୍ୱାଡ୍ରିଗା ଅଫ୍‌ଲାଇନ୍‌ ହେବା ବେଳକୁ ଏହାର ପ୍ଲାଟ୍‌ଫର୍ମରେ ୩୬୩,୦୦୦ ୟୁଜର ଥିଲେ । ଏଥିମଧ୍ୟରୁ ୧୧୫,୦୦୦ ଜଣ ୟୁଜରଙ୍କ ଆକାଉଣ୍ଟରେ ୧୮୦ ନିୟୁତ ଡଲାର ( ପାଖାପାଖି ୧,୨୮୯.୫୨ କୋଟି ଟଙ୍କା) କ୍ରିପ୍ଟୋକରେନ୍ସି ଆକାରରେ ଥିବାବେଳେ କାନାଡାର ପ୍ରଚଳିତ ମୁଦ୍ରା ଆକାରରେ ୭୦ ନିୟୁତ ଡଲାର (ପାଖାପାଖି ୫୦୧.୪୮ କୋଟି ଟଙ୍କା) ଥିଲା । ବିଶ୍ୱର ମାନ୍ୟତାପ୍ରାପ୍ତ ୨୩୭ଟି କ୍ରିପ୍ଟୋକରେନ୍ସି ଏକ୍ସଚେଞ୍ଜ ମଧ୍ୟରେ କ୍ୱାଡ୍ରିଗା ଅନ୍ୟତମ । ଏହା କାନାଡାର ସର୍ବବୃହତ୍‌ କ୍ରିପ୍ଟୋକରେନ୍ସି ଏକ୍ସଚେଞ୍ଜ୍‌ ମଧ୍ୟରେ ଗୋଟିଏ ।

ସମ୍ବନ୍ଧିତ ଖବର