ନୂଆଦିଲ୍ଲୀ: ଜର୍ମାନୀର ଜଣେ ସାଇକୋଲୋଜି ଛାତ୍ରୀ ୟୁଟ୍ୟୁବରେ ଜଣେ ଫିଲୋସଫି ଶିକ୍ଷକଙ୍କ ଭିଡିଓ ଦେଖିବା ପରେ ତାଙ୍କ ସଂପର୍କରେ ଆସିଥିଲେ ଏବଂ କିଛି ମାସ ମଧ୍ୟରେ ଉଭୟଙ୍କ ଭିତରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ତେବେ ଉଭୟଙ୍କ ମଧ୍ୟରେ ୨୭ ବର୍ଷର ବ୍ୟବଧାନ ରହିଛି ଯେଉଁଥିପାଇଁ, ଏମାନଙ୍କ ପରିବାର ସହିତ ଏମାନଙ୍କର ସମ୍ପର୍କ ଖରାପ ହୋଇଯାଇଛି ।
୨୧ ବର୍ଷର ସାଇକୋଲୋଜି ଛାତ୍ରୀ ଜେନାଙ୍କୁ ଯେତେବେଳେ ୧୮ ବର୍ଷ ହୋଇଥିଲା, ସେ ଫିଲୋସଫି ଶିକ୍ଷକ ପିଟର ହେନ୍ରିଚଙ୍କ ଏକ ଭିଡିଓ ଦେଖିଥିଲେ ଏବଂ ଏହା ପରେ ଦୁହେଁ ଇମେଲ ମାଧ୍ୟମରେ ଚାଟିଂ ଆରମ୍ଭ କରିଥିଲେ । ପ୍ରାୟ ତିନିମାସ ପରେ ଉଭୟଙ୍କର ଫେସ୍ ଟାଇମ୍ ଥିଲା ଏବଂ ସେମାନେ ଡିସେମ୍ବର ୨୦୧୭ ରେ ପ୍ରଥମ ଥର ପାଇଁ ସାକ୍ଷାତ ହୋଇଥିଲେ । ଆଉ ଉଭୟ ପ୍ରଥମ ଦେଖାରେ ପ୍ରେମରେ ପଡ଼ିଗଲେ ।
ଏନେଇ ଜେନା କହିଥିଲେ ଯେ, ମୁଁ ବିଶ୍ୱବିଦ୍ୟାଳୟରେ ଫିଲୋସଫି କିମ୍ବା ସାଇକୋଲୋଜି ଅଧ୍ୟୟନ କରିବାକୁ ଇଛା କରୁଥିଲି କାରଣ ମୁଁ ଏହି ଦୁଇଟି ବିଷୟ ପ୍ରତି ବହୁତ ଆଗ୍ରହୀ ଅଟେ । ଏହି କାରଣରୁ, ମୁଁ ମୋର ଖାଲି ସମୟରେ ଏହି ବିଷୟଗୁଡ଼ିକ ସହିତ ଜଡିତ ୟୁଟ୍ୟୁବ୍ ଭିଡିଓ ଦେଖୁଥାଏ । କିଛି ବର୍ଷ ପୂର୍ବେ ମୁଁ ଏପରି ଏକ ଭିଡିଓ ଦେଖିଲି ଏବଂ ଏହି ଭିଡିଓରେ ଉପସ୍ଥିତ ଥିବା ପ୍ରଫେସର ମୋତେ ବହୁତ ଇମ୍ପ୍ରେସ କରିଥିଲେ । ମୁଁ ତାଙ୍କ ସ୍ୱର ଏବଂ ତାଙ୍କ ଶୈଳୀକୁ ପସନ୍ଦ କଲି ଏବଂ ମୁଁ ତାଙ୍କୁ ଏକ ଇମେଲ୍ ଦେଲି ।
ତେବେ ଏହି ସମ୍ପର୍କକୁ ନେଇ ଜେନା ଏବଂ ପିଟର ମଧ୍ୟ ସେମାନଙ୍କ ଜୀବନରେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି କାରଣ ଏହି ସମ୍ପର୍କ ହେତୁ ଜେନାଙ୍କ ପିତାମାତା ସେମାନଙ୍କ ଉପରେ ଅସନ୍ତୁଷ୍ଟ ଅଛନ୍ତି । ଏଥି ସହିତ, ପିଟରଙ୍କ ପିତାମାତା ମଧ୍ୟ ତାଙ୍କୁ ଏକ ଦମ୍ପତି ଭାବରେ ଗ୍ରହଣ କରୁନାହାନ୍ତି । ଏନେଇ ଛାତ୍ରୀ ଜେନା କହିଛନ୍ତି ଯେ ବୟସର ବ୍ୟବଧାନ ହେତୁ ସେ ଅନେକ ନକାରାତ୍ମକତାର ଶିକାର ହୋଇଥିଲେ ।