ପତ୍ନୀ ଓ ତିନି ଛୁଆଙ୍କୁ ହତ୍ୟା କରିଲା ସଫ୍ଟ ଓ୍ଵର୍ ଇଂଜିନିୟର୍ ସ୍ବାମୀ… ଘଟଣାର ଭିଡିଓ ପରିବାରର ହ୍ଵାଟସ୍ଅପ୍ ଗ୍ରୁପ୍ରେ ଅପଲୋଡ କରିବା ପରେ ହୋଇଯାଇଛି ଫେରାର୍…

ଗାଜିଆବାଦ ୨୨।୪: ୩୪ ବର୍ଷୀୟ ସଫ୍ଟ ଓ୍ଵର୍‌ ଇଂଜିନିୟର୍‌ ନିଜର ପତ୍ନୀ ଓ ତିନି ସନ୍ତାନଙ୍କୁ ହତ୍ୟା କରିବା ପରେ ସେହି ଘଟଣାର ଭିଡିଓ ନିଜ ପରିବାରର ହ୍ଵାଟସ୍‌ଅପ୍‌ ଗ୍ରୁପ୍‌ରେ ଅପଲୋଡ କରିଥିଲା। ପୁଲିସ କହିଛି ଯେ ହତ୍ୟାପରେ ଅଭିଯୁକ୍ତ ସୁମିତ କୁମାର ଆତ୍ମହତ୍ୟା କରିବା ଲାଗି ପୋଟାସିୟମ୍‌ ସିଆନାଇଡ କିଣିଥିଲା। ଆଉ ତା ପରେ…। ଏଭଳି ଘଟଣା ଗାଜିଆବାଦର ଇନ୍ଦିରାପୁରମ୍‌ଠାରେ ଘଟିଛି।

ହ୍ଵାଟସ୍‌ଅପ୍‌ ଗ୍ରୁପ୍‌ରେ ଅପଲୋଡ ହୋଇଥିବା ଭିଡିଓ ଦେଖିବା ପରେ ସୁମିତ କୁମାରଙ୍କ ଭଉଣୀ ନିଜର ଭିଣୋଇ ପଙ୍କଜ ସିଂହଙ୍କୁ ଏ ସଂପର୍କରେ ସୂଚନା ଦେଇଥିଲେ। ତା’ପରେ ପଙ୍କଜ ସୁମିତ କୁମାର ରହୁଥିବା ଫ୍ଲାଟ୍‌କୁ ଯାଇଥିଲେ। ପୁଲିସର ସହାୟତାରେ ପଙ୍କଜ ସିଂହ ସୁମିତ କୁମାରଙ୍କ ଘରର କବାଟ ଭାଙ୍ଗିଥିଲେ। ପୁଲିସ ସୁମିତ କୁମାରଙ୍କ ପତ୍ନୀ ଅଂଶୁବାଳା (୩୨), ସେମାନଙ୍କ ୫ ବର୍ଷର ପୁଅ ପ୍ରଥମେଶ, ଜାଆଁଳା ଆରବ ଓ ଆକୃତି (୪) ଙ୍କ ମୃତ ଦେହ ଉଦ୍ଧାର କରିଥିଲେ। ସେମାନଙ୍କ ମୃତ ଦେହର ପୋଷ୍ଟମର୍ଟମ ଲାଗି ପଠାଯାଇଥିଲା। ସୁମିତ କୁମାରଙ୍କ ବିରୋଧରେ ଆଇପିସିର ଧାରା ୩୦୨ ଅନୁଯାୟୀ ମାମଲା ରୁଜ୍ଜୁ କରାଯାଇଛି।

ପୁଲିସ କହିବାନୁସାରେ, ସୁମିତ କୁମାରଙ୍କ ଆର୍ଥିକ ସ୍ଥିତି ଅତ୍ୟନ୍ତ ଖରାପ ଥିବା ହେତୁ ସେ ଏଭଳି କଠୋର ପଦକ୍ଷେପ ନେଇଥିବା କୁହାଯାଉଛି। ସେ ବେକାର ଥିଲା। ଆଗରୁ ଏକାଧିକ ଚାକିରି ଛାଡିଥିଲା। ସୁମିତଙ୍କ ପତ୍ନୀ ଏକ ଘରୋଇ ବିଦ୍ୟାଳୟର ଶିକ୍ଷୟିତ୍ରୀ ଥିଲେ। ବର୍ତ୍ତମାନ ଅଭିଯୁକ୍ତ ସୁମିତ କୁମାର ଫେରାର୍ ହୋଇଥିବା ଜଣାଯାଇଛି । ପୁଲିସ ତାକୁ ଧରିବାଲାଗି ପ୍ରଚେଷ୍ଟା ଜାରୀ ରଖିଛି।

 

 

   ସମ୍ବନ୍ଧିତ ଖବର


ବିଜେପି ସାଂସଦଙ୍କ ଦାବି: ଟିଏମସିର ୬୨ ବିଧାୟକ ଆମ ସହ ଯୋଗାଯୋଗରେ ଅଛନ୍ତି, ଡିସେମ୍ବର ୧୫ ସୁଦ୍ଧା ଭାଙ୍ଗିଯିବ ମମତା ସରକାର

ରୁଚି ସୋୟାର ମ୍ୟାନେଜିଂ ଡାଇରେକ୍ଟର ହେଲେ ରାମଦେବଙ୍କ ଭାଇ ରାମଭରତ, ବାର୍ଷିକ ନେବେ ଏତେ ଟଙ୍କା…

କ୍ଷମତା ବାହାରେ ଭାରତ-ପାକିସ୍ତାନ କ୍ରିକେଟ ମ୍ୟାଚ୍‌, ଏମିତି କାହିଁକି କହିଲେ ICCର ନୂତନ ଅଧ୍ୟକ୍ଷ

‘କୋଭିସିଲ୍ଡ’ର ପାର୍ଶ୍ଵ ପ୍ରତିକ୍ରିୟା ଅଭିଯୋଗକୁ ସେରମ ଇନ୍‌ଷ୍ଟିଚ୍ୟୁଟ୍‌ର ଖଣ୍ଡନ, ସ୍ବେଚ୍ଛାସେବୀଙ୍କୁ ୧୦୦ କୋଟି ଟଙ୍କାର ମାନହାନୀ ଧମକ

କରୋନାରେ ରାଜସମନ୍ଦ ବିଜେପି ବିଧାୟକ କିରଣ ମାହେଶ୍ୱରୀଙ୍କର ନିଧନ

୧ ଡିସେମ୍ବରରୁ ହେଉଛି ଏହି ୫ ବଡ ପରିବର୍ତ୍ତନ, ଜାଣନ୍ତୁ ଲାଭରେ ରହିବେ ନା ସହିବେ କ୍ଷତି