PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷଙ୍କ ଅନୁମତିକୁ ଅପେକ୍ଷା; ଆସିବେ ଗିବନ, ଗଣ୍ଡା, ଜିରାଫ

ବାରଙ୍ଗ, ୩୧ା୧(ଆ.ପ୍ର.): ପ୍ରାଣୀ ଉଦ୍ୟାନ ନନ୍ଦନକାନନକୁ ମିଜୋରାମରୁ ଗିବନ, ମହୀଶୂରରୁ ଜୀରାଫ, ହାଇଦ୍ରାବାଦରୁ ଆସିବ ଗଣ୍ଡା । କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷଙ୍କ ନିକଟକୁ ଦୁଇମାସ ତଳେ ଚିଠି ଲେଖିଛନ୍ତି ନନ୍ଦନକାନନ କର୍ତ୍ତୃପକ୍ଷ । ମାତ୍ର ଏ ଯାଏ ସିଜେଡଏ ଅନୁମତି ମିଳିନାହିଁ ।
ନନ୍ଦନକାନନରେ ଏବେ ଅନେକ ଖୁଆଡ ଖାଲି ପଡିଛି । ଗୋଟିକ ପରେ ଗୋଟିଏ ପ୍ରାଣୀ ଉଦ୍ୟାନରୁ ବିରଳ ପଶୁପକ୍ଷୀ ଲୋପପାଇ ଯାଉଥିବା ବେଳେ, ଖାଲି ଖୁଆଡ ଗୁଡିକୁ ଦେଖି ପର୍ଯ୍ୟଟକ ନିରାଶ ହୋଇ ଫେରୁଛନ୍ତି । ଜନ୍ତୁ ମାନଙ୍କୁ ଆଣିବା ପାଇଁ କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷ ଅନୁମତି ଦେବାରେ ବିଳମ୍ବ କରୁ ଥିବାରୁ ଅନେକ ବିରଳ ଜନ୍ତୁ ନନ୍ଦନକାନନ ଆସି ପାରୁନାହିଁ ବୋଲି ସଫେଇ ଦିଆ ଯାଉଛି । ତେବେ ଅନୁମତି ମିଳିବା କ୍ଷଣି ଗିବନ, ଜୀରାଫ, ଗଣ୍ଡା ଏବଂ ମାଲେସିଆରୁ ଓରାଙ୍ଗଉଟାନ ଅଣାଯବ ବୋଲି ନନ୍ଦନକାନନର ଜଣେ ଅଧିକାରୀ ଏହି ପ୍ରତିନିଧିଙ୍କୁ ସୂଚନା ଦେଇଛନ୍ତି ।

ସିଂହଲାଞ୍ଜିମାଙ୍କଡ,ଗଣ୍ଡା,ଜେବ୍ରା,ୱାଲଭି, ଗିବନ ଆଦି କେତେକ ବିରଳ ଜନ୍ତୁ ଆଉ ନନ୍ଦନକାନନରେ ଦେଖିବାକୁ ମଳୁନାହାନ୍ତି । କାସୁଆରୀ ଏକ ବିରଳ ପକ୍ଷୀ । ଏହି ପକ୍ଷୀର ମୁଣ୍ଡ ଏବଂ ବେକ ଦେଖିବାକୁ ଅତୀବ ସୁନ୍ଦର । ଦ୍ରୁତ ଗତିରେ ଦୌଡି ପ୍ରତିପକ୍ଷ ପକ୍ଷୀଙ୍କୁ ଆକ୍ରମଣ କରିବାରେ କାସୁଆରୀ ପାରଙ୍ଗମ । ୨୦୧୦ ମସିହାରେ ନନ୍ଦନକାନନକୁ ଦୁଇଟି କାସୁଆରୀ ଆସିଥିଲେ । ୨୦୧୪ ମସିହାରେ ଦୁଇଟି ମୃତ୍ୟୁ ବରଣ କଲା ପରେ ଏବେ ଖୁଆଡ ଖାଲି ଅଛି । ୨୦୧୪ ମସିହାରେ ୯୮ ଲକ୍ଷ ଟଙ୍କାରେ ଇସ୍ରାଇଲରୁ ୪ଟି ଜେବ୍ରା ଅଣାଯାଇଥିଲା । ଖୁଆଡ ନଂ ୩୪ରେ ଜେବ୍ରା ସବୁ ରହୁଥିଲେ । ଗତ ବର୍ଷ ଗୋଟିଏ ପରେ ଗୋଟିଏ ତିନୋଟି ଜେବ୍ରା ଆଖିବୁଜିଥିଲେ । ମାତ୍ର ୨୦୧୭ ସେପ୍ଟେମ୍ବର ୨୫ରେ ଶେଷ ଅଣ୍ଡିରା ଜେବ୍ରାର ମୃତ୍ୟୁ ଘଟିଛି । ସେହିଦିନ ଠାରୁ ୩୪ ନଂ ଖୁଆଡ ଖାଲି ପଡ଼ିଛି । ଗତ ଚାରିଦଶନ୍ଧୀ ଧରି ନନ୍ଦନକାନନରେ ଅସଂଖ୍ୟ ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ର ବିନ୍ଦୁ ସାଜିଥିବା ଅଣ୍ଡିରା ଗଣ୍ଡା ନନ୍ଦୁ ମୃତ୍ୟୁବରଣ କରିବାର ଦୁଇବର୍ଷ ବିତିଯାଇଛି³ ହେଲେ ଗଣ୍ଡା ଏଠାକୁ ଆସିପାରିନାହିଁ । ଗଣ୍ଡା ଆଣିବାରେ ନନ୍ଦନକାନନ କର୍ତ୍ତୃପକ୍ଷ ଦୃଷ୍ଟି ଦେବାକୁ ଜଙ୍ଗଲ ମନ୍ତ୍ରୀ ବିଜୟଶ୍ରୀ ରାଉତରାୟ ଗତ ନନ୍ଦନକାନନ ପ୍ରତିଷ୍ଠା ଉତ୍ସବରେ ମତ ରଖିଥିଲେ । ଗଣ୍ଡା ରହୁଥିବା ଖୁଆଡରେ ଏବେ ଜଳହସ୍ତୀଙ୍କୁ ରଖାଯାଇଛି । ଗଣ୍ଡା ଯଦିଓ ଭାରତୀୟ ଜନ୍ତୁ ତଥାପି ଏମାନଙ୍କ ସଂଖ୍ୟା ହ୍ରାସ ନେଇ ବନବିଭାଗ ଚିନ୍ତାରେ ପଡ଼ିଛି । ଆସାମ, ମଣିପୁରରେ ବିପୁଳ ସଂଖ୍ୟାରେ ଗଣ୍ଡା ଦେଖାଯାଆନ୍ତି ।ଗିବନ ଏକ ବିରଳ ଜନ୍ତୁ । ଏହାର ଶବ୍ଦ ଶୁଣିଲେ ଅନେକେ ଉତ୍‌ଫୁଲ୍ଲିତ ହୋଇଥାନ୍ତି । ୧୯୯୫ ମସିହାରେ ଏକ ମାତ୍ର ଗିବନର ମୃତ୍ୟୁ ହେବା ପରେ ନନ୍ଦନକାନନ ଚବିଶ ବର୍ଷ ହେଲାଣି ଗିବନ ଶୂନ୍ୟ ହୋଇଛି ।

ମାଙ୍କଡ ପ୍ରଜାତିର ଗିବନ ପ୍ରାୟତଃ ଦେଖିବାକୁ ମିଳୁନାହାନ୍ତି । ମିଜୋରାମ ଚିଡ଼ିଆଖାନାରେ ଏମାନଙ୍କୁ ଦେଖିବାକୁ ମିଳୁଛି । ସେଠାକାର ପ୍ରଜନନ କେନ୍ଦ୍ରରେ ୧୭ଟି ଗିବନ ଅଛନ୍ତି । କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷ ଅନୁମତି ଦେଲେ ସେଠାରୁ ଦୁଇଟି ଗିବନ ଅଣାଯିବ । ଏଥିସହିତ ମହୀଶୂର ଜିରାଫ ଓ ହାଇଦ୍ରାବାଦର ଗଣ୍ଡା ପ୍ରାଣୀ ଉଦ୍ୟାନକୁ ଆସିପାରିବ । ୨୦୦୩ ନଭେମ୍ବର ୨୦ରେ ପୁନେ ଚିଡିଆଖାନାରୁ ଆସିଥିବା ମାଈ ଓରାଙ୍ଗଉଟାନ’ ‘ବିନି’ ନନ୍ଦନକାନନ ଖୁଆଡ ନଂ ୬୦(କ)ରହଛି । ତାକୁ ଏବେ ୪୧ ବର୍ଷ । ବୟସାଧିକ୍ୟ କାରଣରୁ ଏବେ ସେ ରୁଗ୍‌ଣ । ଏହି କାରଣରୁ ପର୍ଯ୍ୟଟକ ବିନିକୁ ଦେଖିପାରୁନାହାନ୍ତି । ଏହି ପ୍ରଜାତିର ଓରାଙ୍ଗଉଟାନ ମ୍ୟାଲେସିଆରୁ ଆଣିବା ପାଇଁ କର୍ତ୍ତୃପକ୍ଷ ଉଦ୍ୟମ ଚଳାଇଛନ୍ତି । ମାଲେସିଆରେ ଜଙ୍ଗଲି ଜନ୍ତୁ ଭାବେ ଗଣା ହେଉଥିବା ଓରାଙ୍ଗଉଟାନକୁ ସେଠାକାର ବାସିନ୍ଦା ବେଆଇନ ଭାବେ ପାଳନ କରୁଛନ୍ତି । ସେମାନଙ୍କ ଠାରୁ କ୍ରୟ କରି ଆଣିବାରେ ସମସ୍ୟା ରହିଛି³ ଏହି କାରଣରୁ ସେଠାରୁ ଓରାଙ୍ଗଉଟାନ ଆସି ପାରୁନାହିଁ । ଯଦି ମାଲେସିଆର କୌଣସି ଚିଡିଆଖାନା ଜନ୍ତୁ ଅଦଳବଦଳ ନୀତିରେ ଓରାଙ୍ଗଉଟାନ ଦିଅନ୍ତି ତେବେ ଓରାଙ୍ଗଉଟାନ ଆସିପାରିବ ବୋଲି ନନ୍ଦନକାନନ ଅଧିକାରୀଜଣକ ସୂଚନା ଦେଇଛନ୍ତି ।