ଚଳନ୍ତା କାର୍‌ରେ ଗଣଦୁଷ୍କର୍ମ ଘଟଣାରେ ଭିନ୍ନ ମୋଡ: ପୀଡ଼ିତାଙ୍କୁ ହୋଇନି ଦୁଷ୍କର୍ମ,ସ୍ପଷ୍ଟ କଲେ ବିଶେଷଜ୍ଞ ଡାକ୍ତର ଟିମ୍

ଭୁବନେଶ୍ୱର ୧୦/୧୧: ଚଳନ୍ତା କାରରେ ଯୁବତୀଙ୍କୁ ଗଣଦୁଷ୍କର୍ମ କରି ଖୋର୍ଦ୍ଧାରେ ଫିଙ୍ଗି ଦେବା ଘଟଣାରେ ନୂଆ ତଥ୍ୟ ପୁଲିସ୍‌ ହାତରେ ଲାଗିଛି । ଯୁବତୀଙ୍କ ଡାକ୍ତରୀମାଇନା ରିପୋର୍ଟରୁ ଜଣାପଡ଼ିଛି, ତାଙ୍କୁ ଦୁଷ୍କର୍ମ ହୋଇନାହିଁ । ତେବେ ଯୁବତୀ କ’ଣ ପାଇଁ ଏମିତି ଅଭିଯୋଗ କଲେ ତାହା ଉପରେ ଖଣ୍ଡଗିରି ଥାନା ପୁଲିସ୍‌ ତଦନ୍ତ ଜାରି ରଖିଛି । ରବିବାର ଦିନ ପୁଲିସ ଏନେଇ ଏକ ସାମ୍ବାଦିକ ସମ୍ମିଳନୀରେ ସମ୍ପୂର୍ଣ୍ଣ ତଥ୍ୟ ଗଣମାଧ୍ୟମକୁ ପ୍ରଦାନ କରିବ ।

ଶୁକ୍ରବାର ସନ୍ଧ୍ୟାରେ ଖୋର୍ଦ୍ଧା ହସ୍ପିଟାଲ୍‌ ପକ୍ଷରୁ ପୀଡ଼ିତାଙ୍କ ଡାକ୍ତରୀମାଇନା ରିପୋର୍ଟ ପୁଲିସକୁ ଦିଆ ଯାଇଥିଲା । ରିପୋର୍ଟରେ ଦୁଷ୍କର୍ମ ନେଇ କୌଣସି ଉଲ୍ଲେଖ ନଥିବାରୁ ପୁଲିସ ଏଥିପାଇଁ ଡାକ୍ତରୀ ଟିମ୍‌ର ସହାୟତା ଲୋଡ଼ିଥିଲା । ବରିଷ୍ଠ ଡାକ୍ତର, ବିଶେଷଜ୍ଞ ଓ ପୁଲିସ ଅଧିକାରୀଙ୍କୁ ନେଇ ଗଠିତ ଏକ ଟିମ ରିପୋର୍ଟର ଅନୁଧ୍ୟାନ କରିଥିଲେ । ଅନୁଧ୍ୟାନ ପରେ ଦୁଷ୍କର୍ମ ହୋଇ ନଥିବା ସ୍ପଷ୍ଟ ହୋଇଥିଲା ।

ସୂଚନା ମୁତାବକ, ଖୋର୍ଦ୍ଧା ପିଏନ କଲେଜ ନିକଟରୁ ସ୍ଥାନୀୟ ଲୋକ ଜଣେ ଯୁବତୀଙ୍କୁ ଉଦ୍ଧାର କରି ପୁଲିସ୍‌କୁ ଖବର ଦେଇଥିଲେ । ପୁଲିସ୍‌ ନିକଟରେ ସଂପୃକ୍ତ ଯୁବତୀ ଅଭିଯୋଗ କରିଥିଲେ ଯେ ତାଙ୍କୁ କାର୍‌ ଭିତରେ ଗଣବଳାତ୍କାର କରା ଯାଇଥିଲା । ପ୍ରଥମେ ଖୋର୍ଦ୍ଧା ଓ ପରେ ଖଣ୍ଡଗିରି ଥାନା ପୁଲିସ୍‌ ଆରମ୍ଭ କରିଥିଲା ତଦନ୍ତ । ତେବେ ପୀଡ଼ିତାଙ୍କ ବୟାନରେ ତାଳମେଳର ଅଭାବ ଓ ତଦନ୍ତ ବେଳେ ତାଙ୍କ ଅଭିଯୋଗର ସତ୍ୟାସତ୍ୟ ଉପରେ ସନ୍ଦେହ ସୃଷ୍ଟି ହୋଇଥିଲା । ପରେ ପୁଲିସ ଡାକ୍ତରୀମାଇନା ରିପୋର୍ଟକୁ ଅପେକ୍ଷା କରିଥିଲା । ରିପୋର୍ଟକୁ ତର୍ଜମା କରାଯିବା ପରେ ସେଥିରେ ବଳାତ୍କାର ନେଇ କୌଣସି ପ୍ରମାଣ ମିଳି ନଥିବା ଜଣାପଡିଛି ।

   ସମ୍ବନ୍ଧିତ ଖବର


ମୋବାଇଲକୁ ଆସୁଥିଲା ବାରମ୍ବାର ଅଶ୍ଲୀଳ ଫଟୋ-ମେସେଜ୍, ୧୦ମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା

୨୨ ପ୍ରସ୍ତାବକୁ ମିଳିଲା ମଞ୍ଜୁରୀ : ଗ୍ରାମାଞ୍ଚଳରେ ଆୟ ବୃଦ୍ଧି ଉପରେ ବିଶେଷ ଗୁରୁତ୍ବ, କୃଷକ ପାଇଁ ଇ-ମାର୍କେଟ ବ୍ୟବସ୍ଥା

ରଥଖଳା: ଆଜି ରଥଖଳାରେ ପନ୍ତି ଗ୍ରହଣ

୭ ଜନ୍ମର ବନ୍ଧନ ଗଲାନି ୭ ମାସ : ବାହାଘରର ୩ ମାସ ନପୁରୁଣୁ ଘରୁ ମିଳିଲା ନବ ଦମ୍ପତିଙ୍କ ମୃତଦେହ

ନବଯୌବନ ଦର୍ଶନ ପରେ ସୂର୍ଯ୍ୟୋପରାଗ ନୀତି: ଜୁନ୍‌ ୨୦ ରାତିରୁ ପାକ ତ୍ୟାଗ

ଛେଳି ବେପାରୀଙ୍କୁ ବନ୍ଧୁକ ଦେଖାଇ ୧୬ ଲକ୍ଷ ଲୁଟ୍‌