ପ୍ରେମିକାକୁ ମହଙ୍ଗା ଉପହାର ଦେବା ପାଇଁ କରୁଥିଲେ ଲୁଟ୍, ୩ ଅଭିଯୁକ୍ତ ଗିରଫ

ନୂଆଦିଳ୍ଲୀ,୭।୩: ସ୍ପୋଟ୍ର୍ସବାଇକରେ ହରିୟାଣାରୁ ଦିଲ୍ଲୀ ଆସି କରୁ୍‌ଥିଲେ ଲୁଟ୍। ଜଣେ କି ଦୁଇ ଜଣ ନୁହେଁ ତିନି ଜଣ ସାଙ୍ଗ ମିଶି ଏଭଳି ଲୁଟ୍ କରୁଥିଲେ। ସେହି ତିନି ଅଭିଯୁକ୍ତଙ୍କୁ ଏବେ ପୁଲିସ ବିଭାଗର ସ୍ବତନ୍ତ୍ର ସ୍ବ୍କାର୍ଡ ଗିରଫ କରିଛି।

ଗିରଫ କରାଯାଇଥିବା ଅଭିଯୁକ୍ତ ମଧ୍ୟରେ ଦୁଇଜଣ ହରିୟାଣା ନିବାସୀ ଅମିତ ଓ ଆକାଶ ଅନ୍ୟ ଜଣେ ହେଉଛି ରୋହତକ ନିବାସୀ ମୋନୁ। ଦ୍ବାରକା ଜିଲ୍ଲା ପୁଲିସ କହିବାନୁସାରେ, ପ୍ରେମିକାକୁ ମହଙ୍ଗା ମହଙ୍ଗା ଉପହାର ଦେବା ଓ ନିଶାସେବନ ଅଭ୍ୟାସକୁ ପୁରା କରିବା ପାଇଁ ଲୁଟ୍ ସହିତ ଟଣାଓଟା କରୁଥିଲେ। ପୁଲିସ ଅଭିଯୁକ୍ତଠାରୁ ଗୋଟିଏ ପିସ୍ତଲ, ୨ଟି ଗୁଳି, ୩ଟି ଛୁରି, ୪ଟି ମୋବାଇଲ୍ ଫୋନ୍ ଏବଂ ସ୍ପୋଟ୍ର୍ସବାଇକ ଜବତ କରିଛି।

ଦ୍ବାରକା ଜିଲ୍ଲାର ଡେପୁଟି କମିସନର ଏଟୋ ଅଲ୍ଫସ କହିଛନ୍ତି କି, ୧୪ ଫେବ୍ରୁଆରିରେ ନଜଫଗଡ଼ରେ ସୁବୋଧ ଝା ନାମକ ୨୪ ବର୍ଷର ଯୁବକଙ୍କ ଠାରୁ ଲୁଟ୍ କରିବାକୁ ଯାଇ ତାଙ୍କୁ ଛୁରିରେ ଭୁସି ଦେଇଥିଲେ। ପରେ ଯୁବକଙ୍କଠାରୁ ମୋବାଇଲ୍ ଲୁଟି ନେଇଥିଲେ। ପୁଲିସ ଏହି ମାମଲାକୁ ରୁଜ୍ଜୁ କରି ତଦନ୍ତ ଆରମ୍ଭ କରିଛି। ସ୍ଥାନୀୟ ପୁଲିସଙ୍କ ବ୍ୟତୀତ ସ୍ବତନ୍ତ୍ର ସ୍ବ୍କାର୍ଡ ଏହି ମାମଲା ଉପରେ ଛାନବିନ୍ କରୁଛନ୍ତି। ଇତି ମଧ୍ୟର ପୁଲିସକୁ ଖବର ମିଳିଛି କି ଅଭିଯୁକ୍ତ ତିନି ଜଣ ହରିୟାଣାରୁ ଦିଳ୍ଳୀ ଆସି ନଙ୍ଗଲି ଡେୟରି ଅଞ୍ଚଳକୁ ଯିବେ ବୋଲି ଯୋଜନା କରିଥିଲେ। ଖବର ମିଳିବା ପରେ ପୁଲିସ ତିନିଜଣଙ୍କୁ ଗିରଫ କରିଛି। ପୁଲିସକୁ ଏହି ଖବର ମଧ୍ୟ ମିଳିଛି କି ଅଭିଯୁକ୍ତମାନେ ଚଲାଉଥିବା ବାଇକ୍କୁ ଉତ୍ତର ଦ୍ବାରକାରୁ ଚୋରି କରିଛନ୍ତି।

   ସମ୍ବନ୍ଧିତ ଖବର


NCB ଦୀପିକାଙ୍କ ସାମନାରେ ଗୋଟେ ମୋଟା ଓ ଗୋଟେ ପତଳା ସିଗାରେଟ୍ ରଖିଥିଲା…ଏହାର କାରଣ କଣ ଜାଣନ୍ତୁ –

ନିଜ ଫୋନ୍‌ରୁ ତୁରନ୍ତ ହଟାନ୍ତୁ ଏହି ୧୭ଟି ଆପ୍‌ସ – ଡାଟା ଚୋରୀକୁ ନେଇ ଗୁଗଲ କଲା ବ୍ୟାନ୍‌

ଜୀବନ ସହ ଖେଳୁଛି ଚୀନ୍‌

ଡ୍ରାଇଭିଂ ଲାଇସେନ୍ସ ଓ RC ରଖିବା ଚିନ୍ତା ସରିଲା ! ୧ ଅକ୍ଟୋବରରୁ ବଦଳୁଛି ନିୟମ-

ପ୍ରସିଦ୍ଧ ଗୀତିକାର ଅଭିଳାଷଙ୍କ ପରଲୋକ, ‘ଇତନି ଶକ୍ତି ହମେ ଦେ ନା ଦାତା…’ ଗୀତରୁ ଲାଭ କରିଥିଲେ ପ୍ରସିଦ୍ଧି

ସାବଧାନ ! ଟ୍ୟାପ୍‌ ପାଣିରେ ଆସୁଛି ଘାତକ ଜୀବାଣୁ – ବ୍ରେନ୍‌କୁ କରୁଛି ଅକାମୀ…