ଗୋଆର ମୁଖ୍ୟମନ୍ତ୍ରୀ ହେଲେ ପ୍ରମୋଦ ସାଓ୍ବନ୍ତ, ରହିବେ ଦୁଇ ଉପମୁଖ୍ୟମନ୍ତ୍ରୀ

ପାଣାଜୀ,୧୯।୩: ଗୋଆର ନୂତନ ମୁଖ୍ୟମନ୍ତ୍ରୀ ଭାବେ ପ୍ରମୋଦ ସାଓ୍ବନ୍ତ ଦାୟିତ୍ବ ଗ୍ରହର କରିଛନ୍ତି। ଗତକାଲି ମଧ୍ୟ ରାତ୍ରୀରେ ସେ ଶପଥ ନେବାପରେ ଆଜି ପଦଭାର ଗ୍ରହଣ କରିଛନ୍ତି। ଗତକାଲି ରାତି ୨ଟାରେ ରାଜଭବନରେ ଆୟୋଜିତ ସମାରୋହରେ ପ୍ରମୋଦ ପଦ ଓ ଗୋପନୀୟତାର ଶପଥ ନେଇଥିଲେ। ପ୍ରମୋଦଙ୍କୁ ଗୋଆର ରାଜ୍ୟପାଳ ମୃଦୁଳା ସିହ୍ନା ପଦ ଓ ଗୋପନୀୟତାର ଶପଥ କରାଇଥିଲେ। ଶପଥ ସମାରୋହ ପରେ ପ୍ରମୋଦ ସାଓ୍ବନ୍ତ କହିଛନ୍ତି ଦଳ ମୋତେ ଯେଉଁ ଦାୟିତ୍ବ ଦେଇଛି, ମୁଁ ତାକୁ ସମ୍ପୂର୍ଣ୍ଣ ଭାବରେ ପୂରଣ କରିବି।  

ଗୋଆର ୧୩ ତମ ମୁଖ୍ୟମନ୍ତ୍ରୀ ଭାବରେ ଶପଥ ନେଇଥିବା ପ୍ରମୋଦ ସାଓ୍ବନ୍ତଙ୍କ ସହ ନୂତନ ସରକାରରେ ଦୁଇଜଣ ଉପମୁଖ୍ୟମନ୍ତ୍ରୀ ମଧ୍ୟ ରହିବେ। ଦୁଇ ଉପ-ମୁଖ୍ୟମନ୍ତ୍ରୀ ସହଯୋଗୀ ଦଳର ରହିବେ। ଗୋଆର ସହଯୋଗୀ ଦୁଇଦଳ ଏମଜିପି ଓ ଜେଏଫପି ଏବଂ ନିର୍ଦଳୀୟ ବିଧାୟକଙ୍କ ସମର୍ଥନ ପତ୍ର ମିଳିବା ପରେ ବିଜେପି ସରକାର ଗଠନ କରିଥିଲା। ପାରିକରଙ୍କ ପରଲୋକ ପରେ ବିଜେପି ଦୁଇ ସହଯୋଗୀ ଦଳଙ୍କୁ ମନାଇବାକୁ ଚେଷ୍ଟା କରିଥିଲା। ଗୋଆର ଫରଓ୍ବାର୍ଡ ପାର୍ଟିର ମୁଖ୍ୟ ବିଜୟ ସରଦେଶାଇ ଓ ମହାରାଷ୍ଟ୍ର ଗୋମନ୍ତକ ଦଳର ବିଧାୟକ ସୁଦିନ ଧଓ୍ବାଲିକର ଉପମୁଖ୍ୟମନ୍ତ୍ରୀ ହେବେ।

ଗୋଆର ମୁଖ୍ୟମନ୍ତ୍ରୀ ଦାୟିତ୍ବ ଗ୍ରହଣ କରିବା ପରେ ପ୍ରମୋଦ ସାଓ୍ବନ୍ତ କହିଛନ୍ତି ମୋତେ ରାଜନୀତିକୁ ଆଣିବାର ଶ୍ରେୟ ସେ ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ମନୋହର ପାରିକରଙ୍କୁ ଦେଉଛି। ଆଜି ଯାହା କିଛି ବି ମୁଁ ହୋଇପାରିଛି କେବଳ ତାଙ୍କ ପାଇଁ ହୋଇପାରିଛି। ତାଙ୍କ ପାଇଁ ଗୋଆର ବାଚସ୍ପତି ହୋଇପାରିଥିଲି ବୋଲି କହଛନ୍ତି ସେ। ଉଲ୍ଳେଖନୀୟ ଯେ ପୂର୍ବତନ ମୁଖ୍ୟମନ୍ତ୍ରୀ ମନୋହର  ପାରିକରଙ୍କ ପରଲୋକ ଗତ ରବିବାର ହୋଇଛି। ଗତକାଲି  ରାଷ୍ଟ୍ରୀୟ ମର୍ଯ୍ୟାଦାର ସହ ତାଙ୍କର ଅନ୍ତିମ ସଂସ୍କାର କରାଯାଇଛି। ପାରିକରଙ୍କ ପରଲୋକ ପରେ ଗୋଆରେ ରାଜନୈତିକ ସଙ୍କଟ ଆରମ୍ଭ ହୋଇଯାଇଥିଲା। ଗୋଟିଏ ପଟେ କଂଗ୍ରେସ ସରକାର ଗଠନ କରିବାର ଦାବି କରିବା ବେଳେ ଦ୍ବିତୀୟ ପଟେ ବିଜେପି ମଧ୍ୟରେ ଏହାକୁ ନେଇ ଚର୍ଚ୍ଚା ଜାରି ରହିଥିଲା। ତେଣୁ ଅଧା ରାତିରେ ପ୍ରମୋଦ ସାଓ୍ବନ୍ତଙ୍କୁ ମୁଖ୍ୟମନ୍ତ୍ରୀ ଭାବରେ ଶପଥ ନେବାକୁ ପଡିଥିଲା।

   ସମ୍ବନ୍ଧିତ ଖବର


କରୋନା – ରେଳ ରାଷ୍ଟ୍ରମନ୍ତ୍ରୀ ସୁରେଶ ଅଙ୍ଗଦୀଙ୍କ ଦେହାନ୍ତ

ହାତୀ ଆଣିଦେଲେ ପତି – ସ୍ୱପ୍ନ ପୁରା କଲେ ଜୀବନ ସାଥି

ଡ୍ରଗ୍ସ ଲିଙ୍କ୍‌ରେ ୩ ଅଭିନେତ୍ରୀ – ଦୀପିକା , ସାରା ଓ ଶ୍ରଦ୍ଧାଙ୍କୁ ସମନ ଜାରି

ରାଷ୍ଟ୍ରପତି ଜିନପିଙ୍ଗଙ୍କୁ ଜୋକର କହି ଅଡୁଆରେ ଚୀନ୍ ଅରବପତି, ୧୮ ବର୍ଷ ଜେଲ

ପତ୍ନୀ ବାପା ଘରୁ ଆସିବାକୁ ରାଜି ହେଲେନି ବୋଲି ଏମିତି କାଣ୍ଡ କଲେ ସ୍ୱାମୀ …

ଆସନ୍ତା ୩ ଦିନରେ ଏହି ସବୁ ରାଜ୍ୟରେ ହେବ ପ୍ରବଳ ବର୍ଷା: ମୁମ୍ବାଇ ଜଳମଗ୍ନ, ସମୁଦ୍ରରୁ ଉଠିପାରେ ଉଚ୍ଚ ଲହରୀ