PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ଓସ୍ତପଡ଼ାରେ ସଶସ୍ତ୍ର ଡକାୟତି: ବୃଦ୍ଧାଙ୍କୁ ବାନ୍ଧିଲେ, ପୁଅ ଓ ନାତିକୁ କବାଟ କିଳିଲେ, ସୁନାଗହଣା ଓ ଟଙ୍କା ଲୁଟିନେଲେ

ଭୁବନେଶ୍ୱର/ବାରଙ୍ଗ,୧୦ ।୨(ବ୍ୟୁରୋ, ଆପ୍ର): ମଞ୍ଚେଶ୍ୱର ଥାନା ଅନ୍ତର୍ଗତ କଲ୍ୟାଣପୁର ପଞ୍ଚାୟତର ଓସ୍ତପଡ଼ା ଗ୍ରାମରୁ ଶନିବାର ବିଳମ୍ବିତ ରାତିରେ ସଶସ୍ତ୍ର ଡକାୟତି ହୋଇଛି । ଡକାୟତମାନେ ବୃଦ୍ଧାଙ୍କୁ ବାନ୍ଧିବା ସହ ତାଙ୍କ ପୁଅ ଓ ନାତିଙ୍କୁ ତାଲା ପକାଇ ୫ ଭରି ଓଜନର ସୁନାଗହଣା ଓ ୨୦ ହଜାର ଟଙ୍କା ଲୁଟି ନେଇଛନ୍ତି । ଅଭିଯୋଗ ପାଇ ମଞ୍ଚେଶ୍ୱର ଥାନା ପୁଲିସ ସାଇଣ୍ଟିଫିକ୍‌ ଟିମ୍‌ ଓ ସନ୍ଧାନୀ କୁକୁର ସହ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ କରିଥିଲେ ମଧ୍ୟ ଡକାୟତଙ୍କ ବିଷୟରେ ସୁରାକ୍‌ ପାଇନାହିଁ ।
ମିଳିଥିବା ଅଭିଯୋଗ ଅନୁଯାୟୀ, ଓସ୍ତପଡ଼ା ଗ୍ରାମରେ ନାରୁ ପ୍ରଧାନଙ୍କ ଘର ଲୋକେ ଗତକାଲି ରାତିରେ ଖାଇପିଇ ଶୋଇଥିଲେ । ନାରୁଙ୍କ ମା’ ତିଳୋତମା ପ୍ରଧାନ (୭୫) ଗୋଟିଏ ଘରେ ଶୋଇଥିବାବେଳେ ନାରୁ ଓ ପୁଅ ଅନ୍ୟ ଏକ ଘରେ ଶୋଇଥିଲେ । ନାରୁଙ୍କ ପତ୍ନୀ ଏକ ବିବାହ କାର୍ଯ୍ୟକ୍ରମରେ ଯୋଗ ଦେବାକୁ ସଂପର୍କୀୟଙ୍କ ଘରକୁ ଯାଇଥିଲେ । ଗତକାଲି ରାତି ପ୍ରାୟ ସାଢ଼େ ଗୋଟାଏବେଳେ ୩ ଜଣ ମୁଖାପିନ୍ଧା ଡକାୟତ ଗ୍ରୀଲ୍‌ ଭାଙ୍ଗି ଘର ଭିତରେ ପଶିଥିଲେ । ସେମାନେ ପ୍ରଥମେ ନାରୁ ଓ ତାଙ୍କ ପୁଅ ଶୋଇଥିବା ଘରର କବାଟ ବାହାରପଟରୁ ଦେଇ ଦେଇଥିଲେ । ତିଳୋତମାଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରି ତାଙ୍କ ମୁହଁ ଓ ହାତଗୋଡ଼ ବାନ୍ଧି ଦେଇଥିଲେ । ଘର ଭିତର ଆଲମିରା ତାଡ଼ି ସେଥିରେ ଥିବା ୫ ଭରି ଓଜନର ସୁନାଗହଣା ଓ ନଗଦ ୨୦ ହଜାର ଟଙ୍କା ନେଇ ପଳାଇଥିଲେ । ଶବ୍ଦ ଶୁଣି ନାରୁ ଉଠିବା ବେଳକୁ କବାଟ ବାହାର ପଟରୁ ଦିଆ ଯାଇଥିବା ଜାଣିବାକୁ ପାଇଥିଲେ । ମା’ ତିଳୋତମାଙ୍କୁ ଡାକ ପକାଇଥିଲେ ମଧ୍ୟ ସେ ଶୁଣିପାରି ନଥିଲେ । ତେଣୁ ନାରୁ ଫୋନ୍‌ କରି ପଡ଼ିଶା ଘର ଲୋକଙ୍କୁ ଡାକିଥିଲେ । ପଡ଼ୋଶୀ ଆସି କବାଟ ଖୋଲିଥିଲେ । ଡକାୟତି ସଂପର୍କରେ ନାରୁ ମଞ୍ଚେଶ୍ୱର ଥାନାକୁ ଫୋନ କରି ଜଣାଇଥିଲେ । ରାତିରେ ପୁଲିସ ଯାଇ ବୁଲି ଆସିଥିଲାବେଳେ ଆଜି ସକାଳୁ ପୁଲିସ ସାଇଣ୍ଟିଫିକ୍‌ ଟିମ୍‌ ଓ ସନ୍ଧାନୀ କୁକୁର ନେଇ ତଦନ୍ତ କରି ଫେରିଛି ।