PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

ଗୋଲ୍ଡ କପ୍‌ ଫୁଟବଲ୍‌: ମ୍ୟାଁମାର-ନେପାଳ ଫାଇନାଲ୍‌ ଆଜି

ଭୁବନେଶ୍ୱର, ୧୪ ।୧ (ବ୍ୟୁରୋ): ସର୍ବଭାରତୀୟ ଫୁଟବଲ୍‌ ସଂଘ (ଏଆଇଏଫ୍‌ଏଫ୍‌)ର ଆନୁକୂଲ୍ୟରେ ଏବଂ ଓଡ଼ିଶା ସରକାରଙ୍କ ସହଯୋଗରେ କଳିଙ୍ଗ ଷ୍ଟାଡିୟମରେ ଚାଲିଥିବା ଗୋଲ୍ଡ କପ୍‌ ମହିଳା ଅନ୍ତର୍ଜାତୀୟ ଫୁଟବଲ୍‌ରେ ଆସନ୍ତାକାଲି ମ୍ୟାଁମାର ଓ ନେପାଳ ମଧ୍ୟରେ ଫାଇନାଲ୍‌ ମ୍ୟାଚ୍‌ ଖେଳାଯିବ । ଫାଇନାଲ୍‌ ପାଇଁ ଉଭୟ ଦଳ ପ୍ରସ୍ତୁତି ଶେଷ କରିଛନ୍ତି ।
ମ୍ୟାଁମାର: ଚଳିତ ଟୁର୍ଣ୍ଣାମେଣ୍ଟରେ ମ୍ୟାଁମାରର ଫିଫା ମାନ୍ୟତା ହେଉଛି ୪୪ । ଶ୍ରେଷ୍ଠ ଦଳ ଭାବେ ମ୍ୟାଁମାର ନିଜର ସ୍ଥିତି ବଜାୟ ରଖିବା ସହ ଟୁର୍ଣ୍ଣାମେଣ୍ଟରେ ସମସ୍ତ ରାଉଣ୍ଡ ରବିନ ମ୍ୟାଚ୍‌ରେ ବିଜୟୀ ହୋଇଛି । ପ୍ରଥମେ ନେପାଳକୁ ୩-୦, ଇରାନକୁ ୨-୦ ଏବଂ ଅନ୍ତିମ ମ୍ୟାଚ୍‌ରେ ଭାରତକୁ ମଧ୍ୟ ୨-୦ ଗୋଲ୍‌ରେ ପରାଜିତ କରିଥିଲା । ଦଳ ଅପରାଜେୟ ସହ ଫାଇନାଲ୍‌ରେ ପ୍ରବେଶ କରିଛି ।
ଦଳୀୟ ପ୍ରଦର୍ଶନ ବେଶ ଉନ୍ନତ ରହିଛି । ସବୁ ବିଭାଗ ମଧ୍ୟରେ ଉପଯୁକ୍ତ ତାଳମେଳ ଯୋଗୁଁ ସମସ୍ତ ମ୍ୟାଚ୍‌ରେ ଏକତରଫା ବିଜୟ ହାସଲ କରିଛି ମ୍ୟାଁମାର । ପ୍ରଥମ ମ୍ୟାଚ୍‌ରେ ନେପାଳକୁ ପରାଜିତ କରିଥିଲେବି ଦଳ ଫାଇନାଲ୍‌ରେ ପୁଣି ନେପାଳକୁ ଭେଟିବାକୁ ଯାଉଛି । ପ୍ରଥମ ରାଉଣ୍ଡ ରବିନ ମ୍ୟାଚ୍‌ ଏବଂ ଫାଇନାଲ୍‌ ମ୍ୟାଚ୍‌ ମଧ୍ୟରେ ବହୁତ ତଫାତ । ନେପାଳ ଦୁଇ ଶ୍ରେଷ୍ଠ ମାନ୍ୟତା ପ୍ରାପ୍ତ ଦଳ ଇରାନ ଓ ଭାରତକୁ ପରାଜିତ କରି ଫାଇନାଲ୍‌ରେ ପ୍ରବେଶ କରିଛି ।
ଏହି ଦୃଷ୍ଟିରୁ ମ୍ୟାଁମାର ଆଦୌ ହାଲ୍‌କା ଭାବେ ନେପାଳକୁ ଗ୍ରହଣ କରୁ ନାହିଁ । ଫାଇନାଲ୍‌ ପାଇଁ ଦଳ ସ୍ୱତନ୍ତ୍ର ପ୍ରସ୍ତୁତି କରିଛି । ଟାଇଟଲ ଜିତିବା ନେଇ ସବୁ ଶକ୍ତି ବିନିଯୋଗ କରିବାକୁ ପ୍ରସ୍ତୁତ ରହିଛି ।
ନେପାଳ: ନେପାଳର ଫିଫା ମାନ୍ୟତା ହେଉଛି ୧୦୮ । ଫାଇନାଲ୍‌ରେ ଏକ ଶ୍ରେଷ୍ଠ ଦଳକୁ ଭେଟିବାକୁ ଯାଉଛି । ପୂର୍ବରୁ ଯଦିଓ ପ୍ରଥମ ମ୍ୟାଚ୍‌ରେ ମ୍ୟାଁମାରଠୁ ନେପାଳ ପରାଜିତ ହୋଇଛି, ତଥାପି ପରବର୍ତ୍ତୀ ସମୟରେ ଦଳ ଉନ୍ନତ ପ୍ରଦର୍ଶନ କରି ଟୁର୍ଣ୍ଣାମେଣ୍ଟରେ ନିଜର ସ୍ଥିତି ଦୃଢ଼ କରିଥିଲା । ୨-୧ରେ ଆୟୋଜକ ଭାରତକୁ ଏବଂ ୩-୦ରେ ଇରାନକୁ ପରାସ୍ତ କରିଥିଲା । ଦଳର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ ସବିତ୍ରା ଭଣ୍ଡାରୀ । ସେ ଭାରତ ଓ ଇରାନ ବିପକ୍ଷରେ ୨ଟି ଲେଖାଏଁ ଗୋଲ୍‌ ସ୍କୋର କରିଥିଲେ ।
ଫାଇନାଲ୍‌ରେ ମଧ୍ୟ ତାଙ୍କ ଉପରେ ସଭିଁଙ୍କ ନଜର ରହିବ । ମ୍ୟାଁମାର ମଧ୍ୟ ସବିତ୍ରାଙ୍କ ପଥରୋଧ କରି ମ୍ୟାଚ୍‌କୁ ନିୟନ୍ତ୍ରଣରେ ରଖିବାକୁ ଉଦ୍ୟମ କରିବ । ମ୍ୟାଁମାର ବିପକ୍ଷରେ ଉନ୍ନତ ପ୍ରଦର୍ଶନ କରିବାକୁ ହେଲେ ନେପାଳକୁ ଉନ୍ନତ ରଣନୀତି ଆପଣାଇବାକୁ ହେବ ।
ଭାରତ ଫିଫା ମାନ୍ୟତାରେ ୬୨ ଓ ଇରାନ ୬୦ତମ ସ୍ଥାନରେ ରହିଛନ୍ତି । କିନ୍ତୁ ନିଜଠୁ ଦୁଇ ଶ୍ରେଷ୍ଠ ମାନ୍ୟତାପ୍ରାପ୍ତ ଦଳକୁ ପରାଜିତ କରି ନେପାଳ ନିଜର ଶ୍ରେଷ୍ଠତ୍ୱ ପ୍ରତିପାଦନ କରିଛି । ମ୍ୟାଁମାର ବିପକ୍ଷରେ ଦଳ ଶ୍ରେଷ୍ଠ ପ୍ରଦର୍ଶନ କରିବାକୁ ଲକ୍ଷ୍ୟ ରଖିଛି ।

ସମ୍ବନ୍ଧିତ ଖବର