PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଅଗଷ୍ଟ ୧୬ରୁ ଆରମ୍ଭ ହେବ ନବମ ଶ୍ରେଣୀ ପାଠପଢ଼ା, ସକାଳ ୯ଟାରୁ ଦିନ ସାଢ଼େ ୧୨ଟା ଯାଏ ହେବ ପାଠପଢ଼ା
  • ||
  • ସମ୍ବଲପୁର: ୮ ଘଣ୍ଟା ପରେ ପୁଣି ସହରରେ ହତ୍ୟାକାଣ୍ଡ, ମାଲତୀଗୁଣ୍ଡେପୁରରେ ଯୁବକଙ୍କୁ ହତ୍ୟା, ପ୍ରତିବାଦରେ ରାସ୍ତାରୋକ…
  • ||
  • ଟୋକିଓ ଅଲମ୍ପିକ୍ସ : ଭାରତକୁ ଆଉ ଏକ ପଦକ, ପୁରୁଷ ୫୭ କେଜି ଫ୍ରିଷ୍ଟାଇଲ କୁସ୍ତିରେ ରବିଙ୍କୁ ରୌପ୍ୟ
  • ||
  • କଟକ : ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ୍ ଦ୍ଵାରା ୬୪୧ କୋଟି ଟଙ୍କାର ଜାଲ ବିଲ୍ ରାକେଟ ମାମଲାରେ ତୃତୀୟ ମାଷ୍ଟର ମାଇଣ୍ଡ୍ ଗିରଫ
  • ||
  • ସମ୍ବଲପୁର : ସମ୍ବଲପୁର ସଦର ଥାନା ଅଞ୍ଚଳରେ ଯୁବକଙ୍କୁ ହତ୍ୟା ପରେ ରାସ୍ତାରେ ଫିଙ୍ଗିଦେଲେ ଦୁର୍ବୃତ୍ତ
  • ||
  • ଅଲିମ୍ପିକ୍ସ ହକି : ଭାରତ ଜର୍ମାନୀକୁ ୫-୪ ଗୋଲରେ ହରାଇ ଜିତିଲା ବ୍ରୋଞ୍ଚ ପଦକ
  • ||
  • ଟୋକିଓ : ଭାରତୀୟ ହକି ଟିମ୍‌ର ଐତିହାସିକ ବିଜୟ ନେଇ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା, କହିଲେ-ଆଗାମୀ ପିଢିର ଖେଳାଳିଙ୍କ ପାଇଁ ହେବ ପ୍ରେରଣାର ଉତ୍ସ ’
  • ||
  • ବୌଦ୍ଧ : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଚାରିଛକଠାରେ ୧୬ ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଲମତାପୁଟ : ଲମତାପୁଟ ବ୍ଲକ ବଡ଼ପଡା ଘାଟି ନିକଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ
  • ||
  • କୋଣାର୍କ : ଗ୍ୟାସ୍ ସିଲିଣ୍ଡର ଫାଟି ୪ ଛେଳି ଜୀବନ୍ତ ଦଗ୍ଧ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
  • ||
  • ମାଲକାନଗିରି : ନକ୍ସଲଙ୍କ ବର୍ବର କାଣ୍ଡ, ଲ୍ୟାଣ୍ଡମାଇନ୍ ବିସ୍ଫୋରଣ କରି ଉଡ଼ାଇଦେଲେ ବୋଲେରୋ, ୨ ମୃତ
  • ||

ଗୋଲ୍ଡ କପ୍‌ ଫୁଟବଲ୍‌ ଫାଇନାଲ୍‌ରେ ମ୍ୟାଁମାର

ଭୁବନେଶ୍ୱର, ୧୧ ।୨ (ବ୍ୟୁରୋ): ସର୍ବଭାରତୀୟ ଫୁଟବଲ୍‌ ସଂଘ (ଏଆଇଏଫ୍‌ଏଫ୍‌) ଆନୁକୂଲ୍ୟରେ ଏବଂ ଓଡ଼ିଶା ସରକାରଙ୍କ ସହଯୋଗରେ କଳିଙ୍ଗ ଷ୍ଟାଡିୟମରେ ଚାଲିଥିବା ଗୋଲ୍ଡକପ୍‌ ମହିଳା ଫୁଟବଲ୍‌ରେ ମ୍ୟାଁମାର ପ୍ରଥମ ଦୁଇଟି ମ୍ୟାଚ୍‌ରେ ବିଜୟୀ ହୋଇ ଫାଇନାଲରେ ପ୍ରବେଶ କରିଛି । ଆଜି ମ୍ୟାଁମାର ୨-୦ ଗୋଲ୍‌ରେ ଇରାନକୁ ପରାଜିତ କରିଥିଲା । ଇରାନ ପ୍ରଥମ ମ୍ୟାଚ୍‌ରେ ଭାରତଠୁ ପରାସ୍ତ ହୋଇଥିଲା । ଦ୍ୱିତୀୟ ମ୍ୟାଚ୍‌ରେ ନେପାଳ ବିପକ୍ଷରେ ଆୟୋଜକ ଭାରତ ଦୁର୍ବଳ ପ୍ରଦର୍ଶନ କରି ପରାଜିତ ହୋଇଛି । ନେପାଳ ଏହି ମ୍ୟାଚ୍‌ରେ ୨-୧ ଗୋଲ୍‌ରେ ବିଜୟୀ ହୋଇଛି ।
ମ୍ୟାଁମାର ୨-୦ ଇରାନ: ମ୍ୟାଁମାରର ଲକ୍ଷ୍ୟ ଥିଲା ଫାଇନାଲ୍‌ ଏବଂ ଇରାନର ଲକ୍ଷ୍ୟ ଥିଲା ବିଜୟ ସହ ଟୁର୍ଣ୍ଣାମେଣ୍ଟକୁ ପ୍ରତ୍ୟାବର୍ତ୍ତନ କରିବା । ତେଣୁ ଆରମ୍ଭରୁ ଉଭୟ ଦଳ ଆକ୍ରମଣାତ୍ମକ ପ୍ରଦର୍ଶନ କରିଥିଲେ । ମ୍ୟାଚ୍‌ ପ୍ରବଳ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ହୋଇଥିଲା । ମ୍ୟାଁମାର ବାରମ୍ବାର ସୁଯୋଗ ସୃଷ୍ଟି କରିଥିଲେ ବି ଇରାନ ଖେଳାଳି ତାହାକୁ ବିଫଳ କରିବାରେ ସଫଳ ହୋଇଥିଲେ । ଏଭଳି ପ୍ରଳବ ପ୍ରତିଦ୍ୱନ୍ଦ୍ୱିତା ମଧ୍ୟରେ ଖେଳର ପ୍ରଥମ ଭାଗ ଶେଷ ହୋଇଥିଲା । ମ୍ୟାଚ୍‌ ଗୋଲଶୂନ୍ୟ ରହିଥିଲା ।
ଦ୍ୱିତୀୟାର୍ଦ୍ଧରେ ନୂଆ ରଣନୀତି ସହ ଉଭୟ ଦଳ ମଇଦାନକୁ ଓହ୍ଲାଇଥିଲେ । ପୂର୍ବଭାଗ ଭଳି ଏହି ଭାଗରେ ମଧ୍ୟ ଖେଳ ସଂଘର୍ଷପୂର୍ଣ୍ଣ ଥିଲା । କେତେବେଳେ ମ୍ୟାଁମାର ପୁଣି କେତେବେଳେ ଇରାନ ଗୋଲ୍‌ ସୁଯୋଗ ସୃଷ୍ଟି କରୁଥିଲେ । ମାତ୍ର କୌଣସି ଦଳକୁ ଗୋଲ୍‌ ସଫଳତା ମିଳି ପାରୁନଥିଲା । ଆକ୍ରମଣ ଓ ପ୍ରତି ଆକ୍ରମଣ ମଧ୍ୟରେ ଖେଳ ଶେଷ ହୋଇଥିଲା । ହେଲେ ମ୍ୟାଚ୍‌ ରହିଥିଲା ଗୋଲଶୂନ୍ୟ ।
ଏହାପରେ ଆରମ୍ଭ ହୋଇଥିଲା ଇନ୍‌ଜ୍ୟୁରୀ ଟାଇମର ଖେଳ । ଦୀର୍ଘ ୯୦ ମିନିଟ ଧରି ମ୍ୟାଁମାରର ପଥରୋଧ କରିବାରେ ସଫଳ ହୋଇଥିବା ଇରାନ ଖେଳାଳି ଏଥର ବିଫଳ ହୋଇଥିଲେ । ୯୦୍ମ୧ ମିନିଟ୍‌ରେ ମ୍ୟାଁମାର ପ୍ରଥମ ଗୋଲ୍‌ ସ୍କୋର କରି ବିଜୟ ନିଶ୍ଚିତ କରି ଦେଇଥିଲା । ୟେ ୟେ ଓ ଏହି ବିଜୟୀ ଗୋଲ୍‌ ସ୍କୋର କରିଥିଲେ । ସେ ଏତିକିରେ ସୀମିତ ରହି ନଥିଲେ । ପୁଣି ୯୦୍ମ୩ ମିନିଟ୍‌ରେ ବ୍ୟକ୍ତିଗତ ଦ୍ୱିତୀୟ ଏବଂ ଦଳ ପାଇଁ ମଧ୍ୟ ଦ୍ୱିତୀୟ ଗୋଲ୍‌ ସ୍କୋର କରି ମ୍ୟାଁମାରକୁ ଫାଇନାଲ୍‌ରେ ପହଞ୍ଚାଇଥିଲେ ।
ନେପାଳ ୨-୧ ଭାରତ: ପ୍ରଥମ ମ୍ୟାଚ୍‌ରେ ନିଜଠୁ ଉଚ୍ଚମାନ୍ୟତା ପ୍ରାପ୍ତ ଦଳ ଇରାନକୁ ହରାଇଥିଲା ଭାରତ । ମାତ୍ର ଆଜି ଦ୍ୱିତୀୟ ମ୍ୟାଚ୍‌ରେ ଦଳ ଅତି ନୈରାଶ୍ୟଜନକ ପ୍ରଦର୍ଶନ କରି ନିଜଠୁ ଦୁର୍ବଳ ମାନ୍ୟତାପ୍ରାପ୍ତ ଦଳ ନେପାଳଠୁ ପରାସ୍ତ ହୋଇଛି । ମ୍ୟାଚ୍‌ ଆରମ୍ଭରୁ ନେପାଳ ଖେଳାଳି ଆକ୍ରମଣାତ୍ମକ ପ୍ରଦର୍ଶନ କରିଥିଲେ । ଖେଳର ପଞ୍ଚମ ମିନିଟ୍‌ରେ ଦଳ ପ୍ରଥମ ଗୋଲ୍‌ ସ୍କୋର କରିଥିଲା । ସବିତ୍ରା ଭଣ୍ଡାରୀ ଏହି ଗୋଲଟି ସ୍କୋର କରିଥିଲେ । ପୁଣି ଗୋଟିଏ ମିନିଟ୍‌ ମଧ୍ୟରେ ସବିତ୍ରା ଦ୍ୱିତୀୟ ଗୋଲ୍‌ ସ୍କୋର କରିଥିଲେ । ଫଳରେ ଖେଳର ୬ ମିନିଟ୍‌ ମଧ୍ୟରେ ନେପାଳ ୨ଟି ଗୋଲ୍‌ ସ୍କୋର କରି ୨-୦ ଗୋଲ୍‌ରେ ଅଗ୍ରଣୀ ହାସଲ କରିଥିଲା । ଘରୋଇ ଦଳ କିଛି ବୁଝିବା ପୂର୍ବରୁ ୨ଟି ଗୋଲ୍‌ ଖାଇ ଯାଇଥିଲା ।
ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିବା ନେଇ ଭାରତୀୟ ଖେଳାଳି ଉଦ୍ୟମ କରିଥିଲେ । ହେଲେ ନେପାଳର ରଣନୀତିକୁ ଭେଦ କରିବା ମୁସ୍କିଲ୍‌ ଥିଲା । ଏହିପରି ଭାବେ ପ୍ରଥମାର୍ଦ୍ଧ ଖେଳ ଶେଷ ସୁଦ୍ଧା ନେପାଳ ଅଗ୍ରହୀ ହାସଲ କରିଥିଲା । ଦ୍ୱିତୀୟାର୍ଦ୍ଧ ଖେଳ ସଂଘର୍ଷପୂର୍ଣ୍ଣ ରହିଥିଲା । ବାରମ୍ବାର ଭାରତୀୟ ଖେଳାଳି ନେପାଳ ଗୋଲପୋଷ୍ଟ ଉପରେ ଆକ୍ରମଣ କରି ବିଫଳ ହୋଇଥିଲେ । ୭୯ ମିନିଟ୍‌ ପର୍ଯ୍ୟନ୍ତ ମ୍ୟାଚ୍‌ ବେଶ ସଂଘର୍ଷପୂର୍ଣ୍ଣ ହୋଇଥିଲା । ୮୦ତମ ମିନିଟ୍‌ରେ ଭାରତ ଗୋଟିଏ ଗୋଲ୍‌ ପରିଶୋଧ କରି ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିଥିଲା। ହେଲେ ପରବର୍ତ୍ତୀ ସମୟରେ ଘରୋଇ ଦଳକୁ ଆଉ କୌଣସି ସୁଯୋଗ ଦେଇ ନଥିଲେ ନେପାଳ ଖେଳାଳି । ଇନ୍‌ଜ୍ୟୁରୀ ଟାଇମରେ ମଧ୍ୟ ଭାରତ ସେମିତି କିଛି ଖାସ କରି ଦେଖାଇ ପାରି ନଥିଲା । ଶେଷରେ ୧-୨ ଗୋଲ୍‌ରେ ପଛୁଆ ରହି ଭାରତ ପରାସ୍ତ ହୋଇଥିଲା ।
ପୂର୍ବ ମ୍ୟାଚ୍‌ରେ ମ୍ୟାଁମାର ନେପାଳକୁ ପରାଜିତ କରିଥିଲା । ଏହି ମ୍ୟାଚ୍‌ରେ ଦଳ ୩-୦ ଗୋଲ୍‌ରେ ବିଜୟୀ ହୋଇଥିଲା । ସେହିପରି ଘରୋଇ ଭାରତ ୧-୦ରେ ଇରାନକୁ ପରାସ୍ତ କରିଥିଲା ।

ସମ୍ବନ୍ଧିତ ଖବର