PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ବିଜୟରୁ ଭାରତର ଅଭିଯାନ: ଗୋଲ୍ଡ କପ୍‌ ମହିଳା ଫୁଟବଲ୍‌, ୧-୦ ଗୋଲ୍‌ରେ ଇରାନକୁ ହରାଇଲା, ନେପାଳ ୦-୩ ମ୍ୟାଁମାର

ଭୁବନେଶ୍ୱର, ୯ ।୨ (ବ୍ୟୁରୋ): କଳିଙ୍ଗ ଷ୍ଟାଡିୟମରେ ଆରମ୍ଭ ହୋଇଛି ପ୍ରଥମ ଗୋଲ୍ଡ କପ୍‌ ମହିଳା ଫୁଟବଲ୍‌ । ୪ଟି ଦଳକୁ ନେଇ ଆୟୋଜିତ ଏହି ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍‌ରେ ଆଜି ମ୍ୟାଁମାର ୩-୦ ଗୋଲ୍‌ରେ ନେପାଳକୁ ଏବଂ ଦ୍ୱିତୀୟ ମ୍ୟାଚ୍‌ରେ ଆୟୋଜକ ଭାରତ ୧-୦ ଗୋଲ୍‌ରେ ଇରାନକୁ ପରାସ୍ତ କରିଛି । ୪୮ତମ ମିନିଟ୍‌ରେ ଅଞ୍ଜୁ ତମାଙ୍ଗ ଭାରତ ପାଇଁ ବିଜୟୀ ଗୋଲ୍‌ ସ୍କୋର କରିଥିଲେ ।
ଭାରତ ୧-୦ ଇରାନ: ଭ୍ରମଣକାରୀ ଇରାନ ଫିଫା ମାନ୍ୟତା ତାଲିକାରେ ଭାରତଠୁ ୨ଟି ସ୍ଥାନ ଉପରେ ରହିଛି । ତଥାପି ଭାରତୀୟ ଦଳ ଘରୋଇ ଗ୍ରାଉଣ୍ଡରେ ଆଜି ଚମତ୍କାର ପ୍ରଦର୍ଶନ କରି ଇରାନକୁ ହରାଇବାରେ ସଫଳ ହୋଇଛି । ଖେଳର ପ୍ରଥମାର୍ଦ୍ଧ ବେଶ ସଂଘର୍ଷପୂର୍ଣ୍ଣ ଥିଲା । ତେଣୁ ଏହି ଭାଗରେ କେହି ଗୋଲ୍‌ ଖାତା ଖୋଲି ପାରି ନଥିଲେ ।
ଦ୍ୱିତୀୟାର୍ଦ୍ଧରେ ଘରୋଇ ଦଳ ଆକ୍ରମଣାତ୍ମକ ପ୍ରଦର୍ଶନ କରିଥିଲା । ଯାହାକୁ ପ୍ରତିହତ କରିବାରେ ଇରାନ ହଠାତ ଦ୍ୱନ୍ଦ୍ୱରେ ପଡ଼ିଯାଇ ଥିଲା । ଫଳରେ ୪୮ତମ ମିନିଟରେ ଅଞ୍ଜୁ ଏକ ଚମତ୍କାର ଫିଲ୍ଡ ଗୋଲ୍‌ ସ୍କୋର କରିଥିଲେ । ଏହି ଗୋଲ୍‌ ସହ ଭାରତ ଅଗ୍ରଣୀ ଲାଭ କରିଥିଲା । ପରବର୍ତ୍ତୀ ସମୟରେ ଇରାନ ଗୋଲ ପରିଶୋଧ କରିବା ନେଇ ବହୁ ପ୍ରୟାସ କରିଥିଲା । ହେଲେ ସଫଳ ହୋଇ ପାରି ନଥିଲା । ସେହିପରି ଘରୋଇ ଦଳ ମଧ୍ୟ ଅଧିକ ଗୋଲ୍‌ ସ୍କୋର କରିବା ନେଇ ଉଦ୍ୟମ କରିଥିଲେ ବି ସଫଳ ହୋଇ ପାରି ନଥିଲା । ଏଭଳି ଆକ୍ରମଣ ଓ ପ୍ରତି ଆକ୍ରମଣ ମଧ୍ୟରେ ଖେଳ ଶେଷ ହୋଇଥିଲା । ଇରାନ ଗୋଲ୍‌ ଖାତା ଖୋଲି ନପାରି ଶେଷରେ ପରାଜିତ ହୋଇଥିଲା ।


ନେପାଳ-ମ୍ୟାଁମାର: ପ୍ରଥମାର୍ଦ୍ଧରେ ମ୍ୟାଚ୍‌ ବେଶ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ହୋଇଥିଲା । ଶକ୍ତିଶାଳୀ ମ୍ୟାଁମାର ବିପକ୍ଷରେ ନେପାଳ ଉନ୍ନତ ଖେଳ ପ୍ରଦର୍ଶନ କରିଥିଲା । ମ୍ୟାଁମାର ବାରମ୍ବାର ସୁଯୋଗ ସୃଷ୍ଟି କରି ବିଫଳ ହୋଇଥିଲା । ପ୍ରବଳ ପ୍ରତିଦ୍ୱନ୍ଦ୍ୱିତା ମଧ୍ୟରେ ଗୋଲଶୂନ୍ୟ ଭାବେ ପ୍ରଥମାର୍ଦ୍ଧ ଖେଳ ଶେଷ ହୋଇଥିଲା ।
ଦ୍ୱିତୀୟାର୍ଦ୍ଧରେ କିନ୍ତୁ ମ୍ୟାଁମାର ଆରମ୍ଭରୁ ନୂଆ ରଣନୀତି ସହ ଖେଳ ଆରମ୍ଭ ହେବାର କିଛି ସେକେଣ୍ଡ ମଧ୍ୟରେ ଗୋଲ୍‌ ଖାତା ଖୋଲିବାରେ ସଫଳ ହୋଇଥିଲା । ଖିନ ମୋଏ ୱି ଏହି ଗୋଲଟି ସ୍କୋର କରିଥିଲେ । ନେପାଳ ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିବା ନେଇ ପ୍ରୟାସ କରିଥିଲା । ମାତ୍ର ୯ ମିନିଟ୍‌ ବ୍ୟବଧାନରେ ଅର୍ଥାତ ୫୪ତମ ମିନିଟ୍‌ରେ ଦ୍ୱିତୀୟ ଗୋଲ୍‌ ସ୍କୋର କରି ମ୍ୟାଁମାର ସ୍ଥିତି ଦୃଢ଼ କରିଥିଲା । ୱିନ ଥେଇଜି ଟୁନ ଗୋଲ୍‌ ସ୍କୋର କରି ଦଳକୁ ୨-୦ରେ ଅଗ୍ରଣୀ ହାସଲ କରିଥିଲେ ।
୨ଟି ଗୋଲ୍‌ ସ୍କୋର କରି ମ୍ୟାଁମାର ବିଜୟ ନିଶ୍ଚିତ କରିଥିଲା । ମାତ୍ର ନେପାଳ ଚାପର ବସବର୍ତ୍ତୀ ହୋଇ ଆଉ ମ୍ୟାଚ୍‌କୁ ପ୍ରତ୍ୟାବର୍ତ୍ତନର ସୁଯୋଗ ପାଇ ନଥିଲା । ୭୭ତମ ମିନିଟ୍‌ରେ ଖିନ ମୋଏ ୱି ବ୍ୟକ୍ତିଗତ ଦ୍ୱିତୀୟ ଏବଂ ଦଳ ପାଇଁ ତୃତୀୟ ଗୋଲ୍‌ ସ୍କୋର କରିଥିଲେ । ଫଳରେ ମ୍ୟାଁମାର ୩-୦ ଗୋଲ୍‌ରେ ଆଗୁଆ ରହିଥିଲା । ପରବର୍ତ୍ତୀ ସମୟରେ ଆଉ ମ୍ୟାଚ୍‌ରେ ଗୋଲ୍‌ ସମ୍ଭବ ହୋଇ ନଥିଲା । ଶେଷରେ ନେପାଳ ପରାଜିତ ହୋଇଥିଲା ।

ସମ୍ବନ୍ଧିତ ଖବର