ଭୁବନେଶ୍ୱର,୧୭/୦୫: ସୁନା ଦରରେ ପୁନଃ ବୃଦ୍ଧି ଦେଖିବାକୁ ମିଳିଲାଣି । ସମ୍ପ୍ରତି ଏହି ଧାତୁ ଦର ଲଗାତର ବଢିଚାଲିଛି । ଗୁରୁବାର ୭୪,୦୦୦ ଟଙ୍କା ସ୍ତର ଅତିକ୍ରମ କରିଛି ସୁନା । ଓଡ଼ିଶାର ରାଜଧାନୀ ଭୁବନେଶ୍ୱରରେ ୧୦ ଗ୍ରାମ ପିଛା ୨୪ କ୍ୟାରେଟ୍ ସୁନା ଦର ୭୭୦ ଟଙ୍କା ମହଙ୍ଗା ହୋଇଛି । ଫଳରେ ଏହା ୭୪,୦୨୦ ଟଙ୍କା ହୋଇଛି । ସେହିଭଳି ୧୦ ଗ୍ରାମ ପିଛା ୨୨ କ୍ୟାରେଟ୍ ସୁନା ଦର ୭୦୦ ଟଙ୍କା ବୃଦ୍ଧି ପାଇ ୬୭,୮୫୦ ଟଙ୍କା ହୋଇଛି । ଅନ୍ୟପକ୍ଷରେ, କିଲୋଗ୍ରାମ ପିଛା ରୁପା ଦର ୧୫୦୦ ଟଙ୍କା ବୃଦ୍ଧି ପାଇ ୯୨,୫୦୦ ଟଙ୍କା ହୋଇଥିବା ଜଣାପଡ଼ିଛି ।
ଇଣ୍ଡିଆନ୍ ବୁଲିଅନ ଆଣ୍ଡ୍ ଜୁଏଲର୍ସ ଆସୋସିଏସନ୍(ଆଇବିଜେଏ) ତଥ୍ୟ ଅନୁସାରେ, ଚଳିତବର୍ଷ ଆରମ୍ଭରୁ ବର୍ତ୍ତମାନ ସୁଦ୍ଧା ୧୦ ଗ୍ରାମକୁ ସୁନା ୧୦,୦୦୦ ଟଙ୍କାରୁ ଅଧିକ ମହଙ୍ଗା ହୋଇଛି । ଏଚ୍ଡିଏଫ୍ସି ସିକ୍ୟୁରିଟିଜ୍ର କମୋଡିଟି ଏବଂ କରେନ୍ସି ମୁଖ୍ୟ ଅନୁଜ ଗୁପ୍ତାଙ୍କ ଅନୁସାରେ, ଆଗାମୀ ଦିନରେ ସୁନା ଏବଂ ରୁପା ଦରରେ ବୃଦ୍ଧି ଧାରା ଜାରି ରହିବ । ଆସନ୍ତା ବର୍ଷକ ମଧ୍ୟରେ ସୁନା ୮୦ ହଜାରରୁ ୮୫ ହଜାର ଟଙ୍କା ପର୍ଯ୍ୟନ୍ତ ଯାଇପାରେ । ସେହିଭଳି କିଲୋଗ୍ରାମ ପିଛା ରୁପା ୧ ଲକ୍ଷ ଟଙ୍କା ପର୍ଯ୍ୟନ୍ତ ପହଞ୍ଚିପାରେ।