ନୂଆଦିଲ୍ଲୀ,୨୯।୮: ପାକିସ୍ତାନରେ ଏବେ ସାଧାରଣ ଲୋକଙ୍କ ପଇଁ ସମସ୍ୟା ବଢିବାରେ ଲାଗିଛି। ପେଟ୍ରୋଲ-ଡିଜେଲ ପରେ ଏବେ ଦେଶରେ ସୁନାର ମୂଲ୍ୟ ସବୁଠାରୁ ଉଚ୍ଚସ୍ତରରେ ପହଁଞ୍ଚି ଯାଇଛି। ପାକିସ୍ତାନୀ ଗଣମାଧ୍ୟମର ରିପୋର୍ଟ ଅନୁସାରେ ସେଠାରେ ୧୦ ଗ୍ରାମ ସୁନାର ମୂଲ୍ୟ ଏପର୍ଯ୍ୟନ୍ତ ସବୁଠାରୁ ଅଧିକ ୯୦ ହଜାର ଟଙ୍କା ହୋଇଚି। ଭାରତରେ ଯେଉଁଠି ୧୦ ଗ୍ରାମ ସୁନାକୁ ୩୯,୯୭୦ ଟଙ୍କା ହୋଇଯାଇଛି, ସେଠାରେ ପାକିସ୍ତାନରେ ଏବେ ତାହା ୯୦,୦୦୦ ଟଙ୍କା ରହିଛି। ଯାହାକି ଭାରତ ତୁଳନାରେ ଦୁଇଗୁଣା ଅଧିକ।
wp:gallery {"ids":[39653]}ସୋନା-ଅଲ୍ ସିନ୍ଦ ସରାଫା ଜ୍ବେଲର୍ସ ଆସୋସିଏସନ୍(ଏଏସ୍ଏସଜେଏ)ର କହିବା ଅନୁସାରେ ଅନ୍ତର୍ଜାତୀୟ ବଜାରରେ ସୁନାର ମୂଲ୍ୟ ବଢିବା କାରଣରୁ ଘରୋଇ ସ୍ତରରେ ଏହାର ଦାମ ବଢିବାରେ ଲାଗିଛି। ଆଗାମୀ କିଛି ଦିନ ଭିତରେ ଘରୋଇ ସ୍ତରରେ ସୁନା ୧ ଲକ୍ଷ ଟଙ୍କା ପାର କରିପାରେ। ଏବେ ପାକିସ୍ତାନରେ ସୁନା କିଣିବା ସାଧାରଣ ଲୋକଙ୍କ ପାଇଁ ସହଜ ନୁହେଁ। କାରଣ ସାଧାରଣ ଲୋକ ଏବେ ସେଠାରେ ନିଜର ଖର୍ଚ୍ଚ ଉଠାଇବା ଖୁବ୍ କଷ୍ଟକର।
wp:gallery {"ids":[39654]}ହାଜି ହାରୁନ ରଶିଦ ଚନ୍ଦଙ୍କ କହିବା ଅନୁସାରେ, ଘରୋଇ ଗୋଲ୍ଡ ମାର୍କେଟ ପାଇଁ ସବୁଠାରୁ ବଡ ଟେନସନ୍ ହେଲା ଫେଡେରାଲ ଅଫ୍ ରେଭିନ୍ୟୁ ଅର୍ଥାତ(ଏଫବିଆର) ପକ୍ଷରୁ ସୁନା ବିକ୍ରି ଉପରେ ଲଗାଯାଇଥିବା ୧୭.୫ ପ୍ରତିଶତ ଟାକ୍ସ। ଏହି କାରଣରୁ ଦେଶରେ ସୁନାର ଡିମାଣ୍ଡ କମ୍ ହୋଇଯିବା କାରଣରୁ ସୁନା ଗହଣା ଦୋକାନ ସବୁ ବନ୍ଦ ହୋଇଯାଇଛି। ଆଗାମୀ କିଛି ଦିନ ପରେ ଗହଣା ଦୋକାନୀମାନେ ଦୋକାନ ବନ୍ଦ କରି ସରକାରଙ୍କ ବିରୋଧରେ ବିକ୍ଷୋଭ କରିବେ ବୋଲି କୁହାଯାଉଛି।