HDFC ଗ୍ରାହକଙ୍କ ପାଇଁ ଖୁସି ଖବର, ସୁଧ ଦରରେ ପରିବର୍ତ୍ତନ ଆଣିଲା ବ୍ଯାଙ୍କ

ନୁଆଦିଲ୍ଲୀ ୨୩/୭: ଏଚଡିଏଫସି ବ୍ୟାଙ୍କ ୨ କୋଟିରୁ କମ୍ ରାଶିର ଫିକ୍ସଡ ଡିପୋଜିଟ(FD)ରେ ସୁଧ ଦରରେ ପରିବର୍ତ୍ତନ କରିଛି । ନୂଆ ଦର ୨୨ ଜୁଲାଇ ୨୦୧୯ରୁ ଲାଗୁ ହୋଇଯାଇଛି । ପର୍ସନାଲ୍ ଲୋନ୍ ଦେଉଥିବା ଦେଶର ସବୁଠାରୁ ବଡ ସଂସ୍ଥା ନିଜ କଷ୍ଟମରଙ୍କୁ ୭ ଦିନରୁ ଆରମ୍ଭ କରି ୧୦ ବର୍ଷର ଅବଧି ପର୍ଯ୍ଯନ୍ତ ଅଲଗା ଅଲଗା ଏଫଡି ଜମା ଉପରେ ୩.୫୦ ପ୍ରତିଶତରୁ ଆରମ୍ଭ କରି ୭.୩୦ ପ୍ରତିଶତ ପର୍ଯ୍ଯନ୍ତ ବାର୍ଷିକ ସୁଧ ଦେଉଛି ।

ଏହି ଅବଧିର ଏଫଡି ଉପରେ ହୋଇଛି ପରିବର୍ତ୍ତନ
ବ୍ଯାଙ୍କ ତରଫରୁ କରାଯାଇଥିବା ପରିବର୍ତ୍ତନ ଅନୁସାରେ ୭ ଦିନରୁ ଆରମ୍ଭ କରି ୨୯ ଦିନରେ ମେଚ୍ୟୁର ହେଉଥିବା ଏଫଡି ଉପରେ ସୁଧ ଦରରେ କିଛି ପରିବର୍ତ୍ତନ କରାଯାଇନି  । ଅର୍ଥାତ୍ ଏହା ପୂର୍ବଭଳି ୪.୨୫ ପ୍ରତିଶତ ରହିବ  । ବ୍ଯାଙ୍କ ୱେବସାଇଟ୍ ଅନୁସାରେ ଏଚଡିଏଫସି ବ୍ଯାଙ୍କ ୩୦ ଦିନରୁ ଆରମ୍ଭ କରି ୬ ମାସ, ୬ ମାସରୁ ଆରମ୍ଭ କରି ଏକ ବର୍ଷରେ ମେଚ୍ଯୁର ହେଉଥିବା ଏଫଡି ଉପରେ ସୁଧରେ ପରିବର୍ତ୍ତନ କରାଯାଇଛି । ଏହା ବ୍ୟତୀତ ଲଙ୍ଗ ଟର୍ମ ଟ୍ୟାକ୍ସ ସେଭିଂ ଏଫଡି ଉପରେ ମିଳୁଥିବା ସୁଧ ଦରରେ ମଧ୍ୟ ପରିବର୍ତ୍ତନ ହୋଇଛି ।

ବରିଷ୍ଠ ନାଗରିକଙ୍କ ପାଇଁ ୬%ର ସୁଧ ଦର
ପରିବର୍ତ୍ତନ ପରେ ଏଚଡିଏଫସି ବ୍ଯାଙ୍କ ୩୦ରୁ ୪୫ ଦିନର ଏଫଡି ଉପରେ ସାମାନ୍ୟ ନାଗରିକଙ୍କୁ ୫.୫୦ ପ୍ରତିଶତ ଓ ବରିଷ୍ଠ ନାଗରିକଙ୍କୁ ୬.୦୦ ପ୍ରତିଶତ ସୁଧ ଅଫର କରୁଛି । ପୂର୍ବରୁ ଏହି ଦର କ୍ରମଶଃ ୫.୭୫ ପ୍ରତିଶତ ଓ ୬.୨୫ ପ୍ରତିଶତ ଥିଲା । ସେହିଭଳି ୪୬ ଦିନରୁ ଆରମ୍ଭ କରି ୬ମାସର ଏଫଡି ଜମା ଉପରେ ସୁଧକୁ ୬.୨୫ ପ୍ରତିଶତରୁ ହ୍ରାସ କରି ୬.୦୦ ପ୍ରତିଶତ କରିଦିଆଯାଇଛି ।

ଏକ ବର୍ଷ ଅବଧି ବିଶିଷ୍ଟ ଏଫଡି ଉପରେ ସୁଧ ଦରରେ ୦.୨୦ ପ୍ରତିଶତ କମାଇ ଦିଆଯାଇଛି । ଏବେ ଏହା ୭.୧୦ ପ୍ରତିଶତ ହୋଇଯାଇଛି । ସିନିୟର ସିଟିଜନଙ୍କୁ ସବୁବେଳେ ୦.୫୦ ପ୍ରତିଶତଅଧିକ ସୁଧ ମିଳେ । ଏକ ବର୍ଷରୁ ୨ ବର୍ଷର ଏଫଡି ଉପରେ ମଧ୍ଯ ସୁଧ ଦର ହ୍ରାସ ପାଇଛି । ଏବେ ଏହା ୭.୩୦ରୁ ହ୍ରାସ ପାଇଁ ୭.୨୦ ପ୍ରତିଶତ ରହିଯାଇଛି ।

   ସମ୍ବନ୍ଧିତ ଖବର


ଜମ୍ମୁ-କଶ୍ମୀର: କୁଲଗ୍ରାମରେ ଆତଙ୍କୀ ଆକ୍ରମଣ, ଚାଲିଗଲା ୩ ବିଜେପି ନେତାଙ୍କ ଜୀବନ

କଲରାପତରିଆର ଡିଆଁ ଦେଖି ଲୋକେ କହିଲେ ଅଲମ୍ପିକ୍ ଯିବା ଉଚିତ୍, ଭିଡିଓ ଭାଇରାଲ

ସୂର୍ଯ୍ୟକୁମାର ଯାଦବ ଇଣ୍ଟରନ୍ୟାସନାଲ ମ୍ୟାଚ ଖେଳିବାକୁ ଚାହୁଁଛନ୍ତି ଯଦି ଆମ ଦେଶରୁ ଖେଳନ୍ତୁ, ପୂର୍ବତନ ଖେଳାଳି ଟ୍ବିଟ କରି ଦେଲେ ଅଫର

କରୋନା ଟିକା ଲଞ୍ଚ କରିବା ପାଇଁ ପ୍ରସ୍ତୁତ ହେଉଛି ମୋଡେର୍ଣ୍ଣା

ବିଦେଶୀ କମ୍ପାନୀର ସେୟାରରେ ପଇସା ଲଗାଇବା ହେଲା ସହଜ, ଆଉ କରନ୍ତୁନି ବିଳମ୍ବ

ପିଏମ୍‌ ମୋଦୀଙ୍କ ‘ଜଙ୍ଗଲରାଜ କି ଯୁବରାଜ’ ଆକ୍ଷେପର ଜବାବ ରଖିଲେ ତେଜସ୍ବୀ, କହିଲେ ‘ସେ ଦେଶର ପ୍ରଧାନମନ୍ତ୍ରୀ, ଯାହା ବି କହି ପାରିବେ’