ନୂଆଦିଲ୍ଲୀ,୮।୮: ସରକାରୀ ଚାକିରି ଖୋଜୁଥିବା ଯୁବପୀଢିଙ୍କ ପାଇଁ ଖୁସିଖବର। ଏବେ କାମକୁ ସହଜ କରିବା ପାଇଁ ମୋଦି ସରକାର ଏକ ଖାସ୍ ବ୍ୟବସ୍ଥା କରିଛନ୍ତି, ଯାହାଦ୍ବାରା କୋଟି କୋଟି ଯୁବପୀଢିଙ୍କର ଫାଇଦା ହେବ। ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଯୁବପୀଢିଙ୍କୁ ସାର୍ବଜନୀନ କ୍ଷେତ୍ରରେ ଉପକ୍ରମ ସହିତ ସରକାରୀ କ୍ଷେତ୍ରରେ ଚାକିରି ସମ୍ପର୍କରେ ସୂଚନା ଦେବାର ଯୋଜନା ଅନୁସାରେ ‘ରୋଜଗାର ସମାଚାର’ର ଇ-ସଂସ୍କରଣ ଆରମ୍ଭ କରିଦେଇଛନ୍ତି।
ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଡକର ଏହି ସାପ୍ତାହିକ ଖବରର ଇ-ସଂସ୍କରଣର ଶୁଭାରମ୍ଭ କରିଛନ୍ତି। ଏଥିରେ ବିଶେଷଜ୍ଞଙ୍କ କ୍ୟାରିୟର ଉପରେ କେନ୍ଦ୍ରିତ ଲେଖା ଜରିଆାରେ ବିଭିନ୍ନ କ୍ଷେତ୍ରରେ ଦାଖଲ ଓ ଚାକିରି ସୁଯୋଗ ସମ୍ପର୍କରେ ସୂଚନା ଦିଆଯିବ ତଥା ମାର୍ଗଦର୍ଶନ କରାଯିବ।ଜଣେ ଅଧିକାରୀଙ୍କ ସୂଚନା ଅନୁସାରେ, ଏଭଳି ଆଶା କରାଯାଉଛି ଯେ, ଯୁବପୀଢିଙ୍କୁ ସୂଚନା ଇଲେଟ୍ରୋନିକ୍ ମାଧ୍ୟମରେ ଆଗକୁ ବଢୁଥିବା ଚ୍ୟାଲେଞ୍ଜକୁ ପୂରଣ କରିବ। ଖବରକାଗଜର ମୂଲ୍ୟ ପ୍ରିଣ୍ଟ ସଂସ୍କରଣର ୭୫ ପ୍ରତିଶତ ହୋଇଥିବା ବେଳେ ଇ-ସଂସ୍କରଣର ବାର୍ଷିକ ଶୁଲ୍କ ୪୦୦ ଟଙ୍କା।