ନୂଆଦିଲ୍ଲୀ, ୨୬/ ୧୦: ଆପଲ ଷ୍ଟୋରରୁ ହଟିଲା ଗୁଗୁଲର ଅନଲାଇନ୍ ପେମେଣ୍ଟ ଆପ୍ 'ଗୁଗୁଲ ପେ'। ହଠାତ୍ ଏଭଳି କଣ ପାଇଁ ଆପଲ ଷ୍ଟୋରରୁ ଗୁଗୁଲ ପେ ଆପ୍ ନରହିବା ତାହା ସ୍ପଷ୍ଟ ହୋଇ ନାହିଁ। ଜାତୀୟ ଗଣମାଧ୍ୟମ ମୁତାବିକ ଆଇଫୋନ୍ କମ୍ପାନୀ ଆପଲ ଦ୍ବାରା ଏନେଇ ଘୋଷଣା କରାଯାଇପାରେ ବୋଲି ଚର୍ଚ୍ଚା ହେଉଛି।
କିଛି ସମୟ ହେବ ଆପଲ ଷ୍ଟୋରେ ଗୁଗୁଲ ପେ ଆପ ଦେଖିବାକୁ ମିଳିନାହିଁ। ହେଲେ ଆଇଫୋନରେ ପୂର୍ବରୁ ଇନଷ୍ଟଲ ହୋଇଥିବା ଗୁଗୁଲ ପେ ଆପ୍ ଏବେ ବି କାମ କରୁଛି। ଅନ୍ୟପଟେ ବ୍ୟବହାରକାରୀ ମାନେ ମଧ୍ୟ ଅଭିଯୋଗ କରିଛନ୍ତି ଯେ, ଗୁଗୁଲ ପେ ଦ୍ବାରା ଟ୍ରାଞ୍ଜାକସନ୍ କରିବାରେ ବହୁ ଅସୁବିଧା ହେଉଛି।
ଗୁଗୁଲ ପକ୍ଷରୁ ପ୍ରତିକ୍ରିୟା ଦେଇ କୁହାଯାଇଛି ଯେ, କିଛି ସମସ୍ୟାର ସମାଧାନ କରିବା ପାଇଁ ଆପଲ ଆପ୍ ଷ୍ଟୋରରୁ ଗୁଗୁଲ ପେକୁ ହଟାଯାଇଛି। ଏବଂ ଆଣ୍ଡ୍ରୟଡ ମୋବାଇଲେ ଏଭଳି ହୋଇନାହିଁ।
ଗୁୁଗୁଲ ପକ୍ଷରୁ ଆହୁରି କୁହାଯାଇଛି ଯେ, କିଛି ଆଇଫୋନ ବ୍ୟବହାରକାରୀ ଗୁଗୁଲ ପେ ଆପ୍ ଟ୍ରାଞ୍ଜାକସନ୍ କରିବାରେ ଅସୁବିଧା ହେଉଥିବାରୁ ହଟାଯାଇଛି। ଆମର ଟିମ୍ ଏହାକୁ ଠିକ୍ କରିବାକୁ କାର୍ଯ୍ୟ ଲାଗି ପଡ଼ିଛନ୍ତି। ଠିକ୍ ହେଲା ପରେ ପୁଣିଥରେ ଆପଲ ଷ୍ଟୋରରେ ଗୁୁଗୁଲ ଆପ୍ ଉପଲବ୍ଧ ହେବ ବୋଲି ଗୁଗୁଲ ପକ୍ଷରୁ କୁହାଯାଇଛି।