ସମୁଦ୍ରବାଟ ଦେଇ ଏହି ରାଜ୍ୟରେ ଆକ୍ରମଣ ଯୋଜନାରେ ପାକ୍ କମାଣ୍ଡୋ ଓ ଆତଙ୍କବାଦୀ, ସମସ୍ତ ବନ୍ଦରରେ ହାଇଆର୍ଲଟ ଜାରି

ନୂଆଦିଲ୍ଲୀ,୨୯।୮: ଜମ୍ମୁ-କଶ୍ମୀର ପ୍ରସଙ୍ଗ ନେଇ ଭାରତ ଉପରେ ରାଗ ସୁଝାଇବା ପାଇଁ ପାକିସ୍ତାନ ପ୍ରତିଦିନ ନୂଆ ନୂଆ ଯୋଜନା କରୁଛି। ଏବେ ପୁଣିଥରେ ପାକିସ୍ତାନ ଏଭଳି ଆଉ ଏକ ଯୋଜନା ପ୍ରସ୍ତୁତ କରି ଭାରତରେ ସାଂପ୍ରଦାୟିକ ଦଙ୍ଗା ଓ ଆତଙ୍କୀ ହମ୍‌ଲା କରିବା ପାଇଁ ଷଡଯନ୍ତ୍ର ରଚିଛି।  ଜଳପଥ ଦେଇ ପାକିସ୍ତାନର କମାଣ୍ଡୋ ଏବଂ ଆତଙ୍କବାଦୀମାନେ ଭାରତରେ ପ୍ରବେଶ କରିବାକୁ ପ୍ରସ୍ତୁତି କରୁଥିବା ନେଇ ଗୁଇନ୍ଦା ରିପୋର୍ଟ ମିଳିବା ପରେ ଗୁଜରାଟର ସମସ୍ତ ବନ୍ଦରକୁ ଆର୍ଲଟ କରିଦିଆଯାଇଛି। ଆତଙ୍କବାଦୀମାନେ  ବିଶେଷ କରି ଗୁଜରାଟକୁ ଟାର୍ଗେଟ କରିବେ ବୋଲି ଖବର ମିଳିଛି।

ଗୁଜରାଟର ସମସ୍ତ ବନ୍ଦରରେ ହାଇଆଲର୍ଟ ଜରି କରାଯାଇଥିବା ବେଳେ   କଣ୍ଡଲା ଓ ମୁଣ୍ଡ୍ରା ବନ୍ଦରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ସେଭଳି କଚ୍ଛ ଜିଲ୍ଲାର ବିଭିନ୍ନ ପ୍ରତିଷ୍ଠାନ ଗୁଡ଼ିକ ଉପରେ  ସୁରକ୍ଷାକର୍ମୀମାନେ ତୀକ୍ଷ୍ଣ ନଜର ରଖାଯାଇଛି। ପାକିସ୍ତାନର ଏଭଳି ନୂଆ ଚକ୍ରାନ୍ତ ବିଷୟରେ କେବଳ ଗୁଇନ୍ଦା ବିଭାଗ ନୁହେଁ,  ଏ ସମ୍ପର୍କରେ ନୌସେନା ମୁଖ୍ୟ ଆଡମିରାଲ କରମବୀର ସିଂ ମଧ୍ୟ ସୂଚନା ଦେଇ ସାରିଛନ୍ତି। ପାକିସ୍ତାନରୁ ଟ୍ରେନିଂ ନେଇଥିବା ଏହି କମାଣ୍ଡୋମାନେ ଛୋଟଛୋଟ ଡଙ୍ଗା ଜରିଆରେ ଭାରତରେ ପ୍ରବେଶ କରିବାକୁ ଉଦ୍ୟମ କରୁଛନ୍ତି।  

ଗୁଜରାଟରେ ମୁଣ୍ଡ୍ରା ବନ୍ଦର  ଦେଶର ସବୁଠାରୁ ବଡ଼ ବନ୍ଦର। ସେହିପରି କଣ୍ଡଲା ବନ୍ଦର ମଧ୍ୟ ସର୍ବଦା ଚଳଚଞ୍ଚଳ ରହିଥାଏ। ଏହି ଦୁଇଟି ଯାକ ବନ୍ଦର କଚ୍ଛ ଜିଲ୍ଲାରେ ରହିଛି। ଏହି କଚ୍ଛ ଜିଲ୍ଲାର ସୀମାନ୍ତ ପାକିସ୍ତାନକୁ ଲାଗିଛି। କେବଳ ସେତିକି ନୁହେଁ ଏହି ଅଞ୍ଚଳରେ ବିଶ୍ୱର ସବୁଠାରୁ ବଡ଼ ତୈଳ ବିଶୋଧନାଗାର ରହିଛି। ତେଣୁ ଆତଙ୍କବାଦୀମାନେ ଗୁଜରାଟରେ ବଡ ଧରଣର ଆକ୍ରମଣ କରିବାର ଷଡଯନ୍ତ୍ର କରିଛନ୍ତି।

   ସମ୍ବନ୍ଧିତ ଖବର


ଜିନ୍‌ଗତ ତ୍ରୁଟି ଥିଲେ କରୋନା ମୁକାବିଲା ମୁସ୍କିଲ ହେବ-ଗବେଷଣା

କରୋନା ଭୂତାଣୁ ବିରୋଧରେ ଅତି ପ୍ରଭାବୀ ଆଣ୍ଟିବଡି ଠାବ କଲେ ଜର୍ମାନ୍‌ ବୈଜ୍ଞାନିକ

ଏବେ ଆଉ ପୁରୁଣା ମିଠା ବିକି ପାରିବେ ନାହିଁ ଦୋକାନୀ !୧ଅକ୍ଟୋବରରୁ ଗ୍ରାହକଙ୍କୁ ଏହି କଥା ଜଣାଇବେ ବ୍ୟବସାୟୀ

ବିହାରର ପୂର୍ବତନ ଡିଜିପି ଗୁପ୍ତେଶ୍ବର ପାଣ୍ଡେଙ୍କ ରାଜନୈତିକ କ୍ୟାରିୟର ଆରମ୍ଭ, ଜେଡିୟୁର ହାତ ଧରିଲେ

ଚଳନ୍ତା ବସ୍‌ରେ ଗଣଦୁଷ୍କର୍ମ…ଡ୍ରାଇଭର ଓ କଣ୍ଡକ୍ଟର ରାତି ସାରା କଲେ ଏମିତି କାଣ୍ଡ

କରୋନା ରୋଗୀ କେବଳ ଗୋଟିଏ ଡୋଜ୍‌ ଦିଆଯିବା ଦ୍ୱାରା ସୁସ୍ଥ! ଆଶା ବଢ଼ାଇଲା ଜନ୍‌ସନ୍‌ ଟିକା