ପାଟଣାଗଡରେ ଗୁଳିକାଣ୍ଡ, ଜଣେ ଗୁରୁତର
ବଲାଙ୍ଗିର ୩୦/୧୨: ପାଟଣାଗଡ ଗଙ୍ଗାସାଗରରେ ଗୁଳିକାଣ୍ଡ। ଡକାୟତିଙ୍କ ଗୁଳିମାଡରେ ଜଣେ ଗୁରୁତର। ପାଟଣାଗଡ଼ ଗଙ୍ଗାସାଗର ଗାଁର ନବୀନ ମେହେର ତାଙ୍କ ବାମ ହାତରେ ଗୁଳି ବାଜିଛି। ତାଙ୍କ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ବଲାଙ୍ଗୀର ଡାକ୍ତରଖାନାରେ ଭର୍ତ୍ତି କରିଛିନ୍ତି। ଗୁଳି ମାଡ କରି ଡକାୟତି ଜଣକ ଘଟଣା ସ୍ଥଳରୁ ଫେରାର ହୋଇଯାଇଥିବା ସନ୍ଦେହ କରାଯାଉଛି।
ସୂଚନା ଯୋଗ୍ୟ ଯେ, ଗତକାଲି ବିଳମ୍ବିତ ରାତିରେ ଗଙ୍ଗାସାଗର ଗାଁ କୁ ନବୀନ ଙ୍କ ଘରେ ଡକାୟତି ଉଦ୍ୟମ କରୁଥିବା ବେଳେ ବିରୋଧ କରିବାରୁ ଗୁଳି ମାଡ ହୋଇଥିଲ। ଏହି ଗୁଳି ମାଡରେ ନବୀନଙ୍କ ହାତରେ ବାଜିବାରୁ ସେ ଗୁରୁତର ହୋଇ ପଡିଥିଲେ। ପରେ ଗୁରୁତର ଅବସ୍ଥାରେ ନବୀନଙ୍କୁ ବଲାଙ୍ଗୀର ମୁଖ୍ୟ ଡାକ୍ତରଖାନା ରେ ଭର୍ତ୍ତି କରାଯାଇଛି। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
