ମୁମ୍ବାଇ ୨୨/୧୦: ଲୋକପ୍ରିୟ ସାଉଥ୍ଷ୍ଟାର ରାଣା ଡଗୁବାତୀ ଏବଂ ପୁଲକିତ ସମ୍ରାଟଙ୍କ ଅଭିନୀତ ଫିଲ୍ମ ‘ହାତୀ ମେରେ ସାଥୀ’ର ରିଲିଜ୍ ଡେଟ୍ ଏବେ ସାମ୍ନାକୁ ଆସିଛି । ଆସନ୍ତାବର୍ଷ ମକର ସଂକ୍ରାନ୍ତି ଅବସରରେ ତାହା ରିଲିଜ୍ ହେବ । ନିଜେ ରାଣା ଇନ୍ଷ୍ଟାଗ୍ରାମ ହ୍ୟାଣ୍ଡଲରେ ଏ ସଂପର୍କରେ ସୂଚନା ଦେଇଛନ୍ତି । ଏଥିସହିତ ସେ ଫିଲ୍ମର ଏକ ପୋଷ୍ଟର ମଧ୍ୟ ସେୟାର କରିଛନ୍ତି ।
wp:html/wp:html
ସେଥିରେ ତାଙ୍କୁ ଦାଢ଼ି ରଖିଥିବା ଦେଖାଯାଉଛି । ପୁଲକିତ ତାଙ୍କ ନିକଟରେ ଛିଡ଼ା ହୋଇଛନ୍ତି । ଏହାଛଡ଼ା ଏକ ଭଙ୍ଗା ପ୍ରାଚୀର ମଧ୍ୟ ପୋଷ୍ଟରରେ ଦେଖାଯାଉଛି ଯାହାର ଆରପଟେ ହାତୀମାନେ ରହୁଛନ୍ତି । ପ୍ରଭୁ ସୋଲୋମନ୍ଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ଏକ ବିଗ୍ ବଜେଟର ମୁଭି । ହାତୀ ଓ ମଣିଷର ସଂପର୍କ ଉପରେ ଏହାର କାହାଣୀ ପର୍ଯ୍ୟବସିତ । ଇରୋସ୍ ମୋସନ୍ ପିକ୍ଚରସ ଦ୍ୱାରା ନିର୍ମିତ ଏହି ଫିଲ୍ମ ହିନ୍ଦୀ, ତେଲଗୁ ଓ ତାମିଲ ଭାଷାରେ ରିଲିଜ୍ ହେବ ।
wp:html/wp:html