PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି ସନ୍‌ସାଇନ୍‌ ସ୍କୁଲ୍‌ ସଭାପତି ଗୋବିନ୍ଦ ସାହୁ ଗିରଫ , ମମିତା ମର୍ଡର ମିଷ୍ଟ୍ରିର ମୋଷ୍ଟ ୱାଣ୍ଟେଡ୍‌ ଗୋବିନ୍ଦ ସାହୁ
  • ||
  • ବଲାଙ୍ଗୀର: ମୁଖ୍ୟଅଭିଯୁକ୍ତ ଚମ୍ପଟ ପରେ ଜବତ କାରର ବଢ଼ିଲା ସୁରକ୍ଷା, ଗୋବିନ୍ଦଙ୍କ ପରେ କାରକୁ ଉଠାଇଥିଲା ପୁଲିସ
  • ||
  • ବଲାଙ୍ଗୀର : ଫେରାର୍ ଗୋବିନ୍ଦ ସାହୁକୁ ଧରିବା ପାଇଁ ବଢିଲା ପୁରସ୍କାର ରାଶି, ସୂଚନା ଦେଲେ ମିଳିବ ୧ ଲକ୍ଷ୍ୟ ଟଙ୍କା ପୁରସ୍କାର ରାଶି
  • ||
  • ବଲାଙ୍ଗୀର: ମୋଷ୍ଟ ଓ୍ବାଣ୍ଟେଡ ଗୋବିନ୍ଦ ସାହୁ, ଧରାଇ ଦେଲେ ଦିଆଯିବ ୨୦ ହଜାର ଟଙ୍କାର ପୁରଷ୍କାର
  • ||
  • ବ୍ରହ୍ମପୁର: ଗୋପାଳପୁର ଛକ ନିକଟରେ ବାଇକକୁ ଧକ୍କା ଦେଲା କାର୍, ଜଣେ ମୃତ ଓ ଦୁଇ ଜଣ ଆହତ
  • ||
  • ବଲାଙ୍ଗୀର: ମହାଲିଙ୍ଗ ମିନି ଷ୍ଟାଡିୟମରୁ ପୋତା ଯାଇଥିବା ମମିତା ମେହେରଙ୍କ ମୃତ ଦେହ ଉଦ୍ଧାର, ଡିଏନଏ ପରୀକ୍ଷା ପରେ ସ୍ପଷ୍ଟ ହେବ।
  • ||
  • ରଙ୍ଗେଇଲୁଣ୍ଡା: ଚାଟ୍ ମାଗିବାକୁ ନେଇ ଗଣ୍ଡଗୋଳରେ ଜଣେ ଗୁରୁତର, ଦମ୍ପତ୍ତି ଆହତ
  • ||
  • ଟିକିଟି: ସିଦ୍ଧ ବାରାହୀ ପୀଠରୁ ଚୋରି, ଦେବୀଙ୍କ ପିତଳ ମୁକୁଟ (ପ୍ରାୟ ଦେଢ଼ କିଲୋ) ସହ ୨୦ ତୋଳାରୁ ଅଧିକ ରୁପା ଅଳଙ୍କାର ଚୋରି ଅଭିଯୋଗ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୨୯୪କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୫୫୬ କୋଭିଡ୍ ପଜିଟିଭ୍
  • ||
  • ସାଲେପୁର : ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ନୀଳଗିରି: ନିଶ୍ଚିତପୁରରେ ଭାଲୁ ଆକ୍ରମଣରେ ଜଣେ ଗୁରୁତର
  • ||
  • ଜଳେଶ୍ବର: ଜଳେଶ୍ବର ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲ ଉପରେ ଚଢାଉ, ୨ କୋଟିରୁ ଊର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ
  • ||

ଏଫ୍‌ଏଟିଏଫ୍‌ ଗ୍ରେ-ଲିଷ୍ଟରେ ରହିବ ପାକିସ୍ତାନ

ନୂଆଦିଲ୍ଲୀ,୨୨ ।୨(ଏଜେନ୍ସି): ଆତଙ୍କବାଦୀଙ୍କୁ ଅର୍ଥ ଯୋଗାଣ ରୋକିବା ଦିଗରେ କାର୍ଯ୍ୟ କରୁଥିବା ପ୍ୟାରିସ୍‌ ସ୍ଥିତ ଆନ୍ତର୍ଜାତିକ ସଙ୍ଗଠନ ଏଫଏଟିଏଫ (ଫାଇନାନ୍‌ସିଆଲ ଆକ୍ସନ ଟାସ୍କ ଫୋର୍ସ) ପାକିସ୍ତାନକୁ ବର୍ତ୍ତମାନ ଏହାର ଗ୍ରେ-ଲିଷ୍ଟରେ ରଖିବାକୁ ନିଷ୍ପତ୍ତି ନେଇଛି । ଫଳରେ ଆନ୍ତର୍ଜାତିକ ବାଣିଜ୍ୟ କାରବାର ଓ ନିବେଶ କ୍ଷେତ୍ରରେ ପାକିସ୍ତାନ ଉପରେ କଟକଣା ରହିବ । ପୁଲୱାମା ଆକ୍ରମଣ ପରିପ୍ରେକ୍ଷୀରେ ଭାରତର କୂଟନୈତିକ ଚାପ ଯୋଗୁ ଆସନ୍ତା ଅକ୍ଟୋବର ପର୍ଯ୍ୟନ୍ତ ପାକିସ୍ତାନକୁ ଏହି ତାଲିକାରେ ରଖାଯିବ । ଏହା ପରେ ତାହାର ପଦକ୍ଷେପକୁ ଦୃଷ୍ଟିରେ ରଖି ତାକୁ ତାଲିକାରୁ ବାଦ୍‌ ଦିଆଯିବ କି ନାହିଁ ନିଷ୍ପତ୍ତି ନିଆଯିବ ।

ଆତଙ୍କବାଦୀଙ୍କୁ ଅର୍ଥ ଯୋଗାଣ ରୋକିବାରେ ପାକିସ୍ତାନ ସେଭଳି ଆଖିଦୃଶିଆ ପଦକ୍ଷେପ ଗ୍ରହଣ ନକରିବା ଏବଂ ନିଜ ଦେଶରେ ସକ୍ରିୟ ଥିବା ଆତଙ୍କୀ ସଙ୍ଗଠନ ଜମାତ୍‌-ଉଦ-ଦାୱା, ଲସ୍କର-ଇ-ତୋଇବା, ଜୈସ୍‌-ଇ-ମହମ୍ମଦ ଓ ଅନ୍ୟମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ବିଫଳ ହେବା କାରଣରୁ ଏହାକୁ ଗ୍ରେ-ଲିଷ୍ଟରେ ସାମିଲ କରାଯାଇଥିବା ଏଫଏଟିଏଫ ଦର୍ଶାଇଛି । ଆସନ୍ତା ଅକ୍ଟୋବର ସୁଦ୍ଧା ଏ ଦିଗରେ ଆବଶ୍ୟକ ପଦକ୍ଷେପ ନେବାକୁ ଏଫଏଟିଏଫ ପାକିସ୍ତାନକୁ ପରାମର୍ଶ ଦେଇଛି । ଯଦି ପାକିସ୍ତାନ ଏଥିରେ ବିଫଳ ହେବ ତେବେ ଏହା କଳାତାଲିକାଭୁକ୍ତ ହେବ ବୋଲି କୁହାଯାଇଛି । ଭାରତ ଯୁକ୍ତି ବାଢ଼ିଥିଲା ଯେ ପାକିସ୍ତାନ ଲଗାତାର ଭାବେ ଆତଙ୍କୀ ସଙ୍ଗଠନକୁ ଆର୍ଥିକ ଓ ଅନ୍ୟାନ୍ୟ ସହାୟତା ଯୋଗାଇଦେଉଛି । ଏଫଏଟିଏଫ ଆଇନକୁ କାର୍ଯ୍ୟକାରୀ କରିବାରେ ବିଫଳ ହୋଇଥିବାରୁ ପାକସ୍ତାନକୁ ଗ୍ରେ-ଲିଷ୍ଟରୁ ହଟାଯିବ ନାହିଁ ବୋଲି ପୂର୍ବରୁ ଫ୍ରାନ୍ସ କହିଥିଲା । ତେବେ ପୁଲୱାମା ଆକ୍ରମଣ ପରେ ଭାରତର ଚାପ ଯୋଗୁ ପାକିସ୍ତାନ ଅଡୁଆରେ ପଡିଯାଇଥିଲା । ତାଲିକାରୁ ହଟିବା ଲାଗି ପାକିସ୍ତାନ ଉଦ୍ୟମ କରିଥିଲା । ଦର୍ଶାଇଥିଲା ଯେ ଏହାର ଆର୍ଥିକ ଅବସ୍ଥା ଭଲ ନଥିବା ବେଳେ କଟକଣା ଯୋଗୁ ଆହୁରି କ୍ଷତିଗ୍ରସ୍ତ ହେବ ।