PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

କାମ କରୁନାହାନ୍ତି ଅଧା ଭାରତୀୟ

ନୂଆଦିଲ୍ଲୀ,୪ା୨(ଏଜେନ୍ସି): କାର୍ଯ୍ୟ କରିବାକୁ ଯୋଗ୍ୟ (୧୫ ବର୍ଷରୁ ୬୪ ବର୍ଷ ବୟସ ବର୍ଗ) ଅଧା ଭାରତୀୟଙ୍କର ଦେଶର ଅର୍ଥନୈତିକ କାର୍ଯ୍ୟକଳାପରେ କୌଣସି ଅବଦାନ ନାହିଁ । ରାଷ୍ଟ୍ରୀୟ ନମୁନା ସର୍ବେକ୍ଷଣ କାର୍ଯ୍ୟାଳୟ (ଏନ୍‌ଏସ୍‌ଏସ୍‌ଓ)ର ବିବାଦୀୟ ବେକାରୀ ରିପୋର୍ଟରେ ଏହା ଦର୍ଶାଯାଇଛି ।
ଏନ୍‌ଏସ୍‌ଏସ୍‌ଓର ଏହି ସର୍ଭେ ରିପୋର୍ଟକୁ କେନ୍ଦ୍ର ସରକାର ସ୍ଥଗିତ ରଖିଛନ୍ତି । ସରକାରଙ୍କ ଏହି ନିଷ୍ପତ୍ତିକୁ ବିରୋଧ କରି ପରିସଂଖ୍ୟାନ ଆୟୋଗର ୨ ଜଣ ବରିଷ୍ଠ ଅଧିକାରୀ ନିଜ ପଦବୀରୁ ଇସ୍ତଫା ଦେଇଛନ୍ତି ।
ଏହି ସର୍ଭେ ରିପୋର୍ଟ ଦର୍ଶାଇଛି, ୨୦୧୭-୧୮ରେ କାର୍ଯ୍ୟରତ ବା କାମ ଖୋଜୁଥିବା ଲୋକଙ୍କ ହାର ନିର୍ଦ୍ଧାରଣ କରୁଥିବା “ଶ୍ରମବଳ ଯୋଗଦାନ ହାର (ଏଲ୍‌ଏଫ୍‌ପିଆର୍‌)’ ୪୯.୮% ରହିଛି । ଅର୍ଥାତ୍‌ ଦେଶର ୫୧.୨% ଲୋକ କୌଣସି କାମ କରୁନାହାନ୍ତି । ୨୦୧୧-୧୨ରେ ଏଲ୍‌ଏଫ୍‌ପିଆର୍‌ ୫୫.୯% ଓ ୨୦୦୪-୦୫ରେ ୬୩.୭% ରହିଥିଲା ।
ଇଣ୍ଡିଆନ୍‌ କାଉନ୍‌ସିଲ୍‌ ଫର୍‌ ରିସର୍ଚ୍ଚ ଅନ୍‌ ଇଣ୍ଟରନ୍ୟାସନାଲ ଇକୋନୋମିକ୍‌ ରିଲେସନ୍‌ସର ରାଧିକା କପୁର କହିଛନ୍ତି, ଏବେ ଦେଶର ୬୫% ଜନସାଧାରଣ କାମ କରିବାକୁ ଯୋଗ୍ୟ । ସେମାନଙ୍କ ବୟସ ୧୫ରୁ ୬୪ ବର୍ଷ ମଧ୍ୟରେ । ଏଭଳି ସମୟରେ ସରକାର ଏ ଶ୍ରମବଳକୁ ବ୍ୟବହାର ନ କରିପାରିବା ଘୋର ଚିନ୍ତାର ବିଷୟ ବୋଲି କପୁର କହିଛନ୍ତି ।
ସର୍ଭେ ରିପୋର୍ଟ କହୁଛି, ୨୦୧୧-୧୨ରୁ ୨୦୧୭-୧୮ ମଧ୍ୟରେ ସକ୍ରିୟ ଶ୍ରମବଳରେ ମହିଳାଙ୍କ ଏଲ୍‌ଏଫ୍‌ପିଆର୍‌ ହାର ୨ ଗୁଣା କମିଛି । ଏ ଅବଧିରେ ମହିଳାଙ୍କ ଏଲ୍‌ଏଫ୍‌ପିଆର୍‌ ୮% ଖସି ୨୩.୩% ହୋଇଛି ।
କିନ୍ତୁ ଅପରପକ୍ଷରେ ପୁରୁଷଙ୍କ ଏଲ୍‌ଏଫ୍‌ପିଆର୍‌ ୪% ଖସି ୭୫.୮% ହୋଇଛି । ଏହା ଦର୍ଶାଉଛି ଯେ ୨୦୧୭-୧୮ରେ ଭାରତରେ କେବଳ ୨୫% ମହିଳା ସକ୍ରିୟ ଭାବେ କାର୍ଯ୍ୟରତ ଅଛନ୍ତି କିମ୍ବା କାମ ଖୋଜୁଛନ୍ତି ।
ସେହିଭଳି ସହରାଞ୍ଚଳ ତୁଳନାରେ ଗ୍ରାମାଞ୍ଚଳ ଶ୍ରମବଳ ଯୋଗଦାନ ହାରରେ ତୀକ୍ଷ୍ଣ ହ୍ରାସ ଦେଖିବାକୁ ମିଳିଛି । ଗ୍ରାମାଞ୍ଚଳ ଏଲ୍‌ଏଫ୍‌ପିଆର୍‌ ୨୦୧୧-୧୨ର ୬୭.୭%ରୁ ହ୍ରାସ ଘଟି ୨୦୧୭-୧୮ରେ ୫୮.୭% ହୋଇଛି । ସହରାଞ୍ଚଳରେ ଏହା ୪୯.୩%ରୁ ଖସି ୪୭.୬% ହୋଇଛି ।
ବାଙ୍ଗାଲୋରଭିତ୍ତିକ ଅଜିମ୍‌ ପ୍ରେମ୍‌ଜୀ ୟୁନିଭର୍ସିଟିର ସେଣ୍ଟର ଫର୍‌ ସଷ୍ଟେନବଲ୍‌ ଏମ୍ପ୍ଲୟମେଣ୍ଟର ମୁଖ୍ୟ ଅମିତ ବାସୋଲ୍‌ କହିଛନ୍ତି, ଶ୍ରମବଳର ଆକାର ହ୍ରାସରେ ଶିକ୍ଷା ଏକ ବୃହତ ଭୂମିକା ତୁଲାଇଥାଏ । କିନ୍ତୁ କେସ୍‌ ଷ୍ଟଡି ଓ ଫିଲ୍ଡ ରିପୋର୍ଟରୁ ଜଣାପଡ଼ିଛି ଯେ ଦେଶରେ ଉପଯୁକ୍ତ କାର୍ଯ୍ୟ (ମୁଖ୍ୟତଃ ମହିଳାଙ୍କ ପାଇଁ) ଉପଲବ୍ଧ ନାହିଁ । ଏହି କାରଣରୁ ମହିଳା ଶ୍ରମବଳ ଯୋଗଦାନ ହାର ବହୁମାତ୍ରାରେ ଖସିଛି ।

ସମ୍ବନ୍ଧିତ ଖବର