ଓଡ଼ିଶାରେ ହାଭେଲ୍ସ ଆଲ୍‌କାଲାଇନ୍‌ ୱାଟର ପ୍ୟୁରିଫାୟର

ଭୁବନେଶ୍ୱର,୧୩ା୨(ବ୍ୟୁରୋ): ଅଗ୍ରଣୀ ଏଫ୍‌ଏମ୍‌ସିଜି ଓ ଉପଭୋକ୍ତା ସାମଗ୍ରୀ କମ୍ପାନି ହାଭେଲ୍ସ ଇଣ୍ଡିଆ ଓଡ଼ିଶାରେ ନୂଆ ପ୍ରଯୁକ୍ତିଭିତ୍ତିକ ଆଲ୍‌କାଲାଇନ୍‌ ଆର୍‌ଓ ୱାଟର ପ୍ୟୁରିଫାୟର ଛାଡ଼ିଛି । ୫୦%ରୁ ଅଧିକ ଜଳ ଫେରସ୍ତ (ରିକଭରି) କରୁଥିବା ଏହି ୱାଟର ପ୍ୟୁରିଫାୟରକୁ ହାଭେଲ୍ସ ଇଣ୍ଡିଆ ଉପ ସଭାପତି ଶଶାଙ୍କ ଶ୍ରୀବାସ୍ତବ ବଜାର ପ୍ରବେଶ କରାଇଛନ୍ତି ।
ଶ୍ରୀ ଶ୍ରୀବାସ୍ତବ କହିଛନ୍ତି, ପାରମ୍ପରିକ ଆର୍‌ଓ ୱାଟର ପ୍ୟୁରିଫାୟର ଭିତରକୁ ପଶୁଥିବା ୭୦% ଜଳର ପ୍ରକ୍ରିୟାକରଣ କରେ ଓ ୩୦% ପାଣିକୁୁ ରିକଭରି ବା ଫେରସ୍ତ କରିଥାଏ । କିନ୍ତୁ ଆଜି ଓଡ଼ିଶାରେ ବଜାର ପ୍ରବେଶ ହୋଇଥିବା ହାଭେଲ୍ସର ସଦ୍ୟତମ ଡିଲାଇଟ୍‌ ଆଲ୍‌କାଲାଇନ୍‌ ଆର୍‌ଓ ୱାଟର ପ୍ୟୁରିଫାୟର ଅତିକମ୍‌ରେ ଭିତରକୁ ପଶୁଥିବା ୫୦% ପାଣିର ପ୍ରକ୍ରିୟାକରଣ କରିଥାଏ ଓ ସେଥିରେ ଆବଶ୍ୟକୀୟ ଖଣିଜ ପ୍ରବେଶ କରାଏ । ଫଳରେ ଉପଭୋକ୍ତାଙ୍କ ନିକଟରେ ଅଧିକ ଗୁଣାତ୍ମକ ପୁଷ୍ଟିଯୁକ୍ତ ସ୍ୱାସ୍ଥ୍ୟକର ଓ ବିଶୋଧିତ ଆଲ୍‌କାଲାଇନ୍‌ ପାଣି ପହଞ୍ଚାଇଥାଏ ।

ସେ କହିଛନ୍ତି, ଯଦିଓ ବିଶୁଦ୍ଧ ପାନୀୟ ଜଳ ର‌୍ୟାଙ୍କିଙ୍ଗ୍‌ରେ ମୁମ୍ବାଇ ପରେ ଭୁବନେଶ୍ୱର ଦ୍ୱିତୀୟ ସ୍ଥାନରେ ରହିଛି, ରାଜ୍ୟର ପାଣିରେ ବହୁମାତ୍ରାରେ ଫ୍ଲୋରାଇଡ୍‌ ଓ ଲୁହାପଥର କଣିକା ରହୁଛି । ଏହାସହ ରାଜ୍ୟର ବହୁ ନଦୀର ପାଣି ଦୂଷିତ । ଏସବୁକୁ ଦୃଷ୍ଟିରେ ରଖି ହାଭେଲ୍ସ ଓଡ଼ିଶାକୁ ନୂଆ ହାଇ ରିକଭରି ଆଲ୍‌କାଲାଇନ୍‌ ଆର୍‌ଓ ୱାଟର ପ୍ୟୁରିଫାୟର ଛାଡ଼ିଛି ।
ବର୍ତ୍ତମାନ ସମୟରେ ଓଡ଼ିଶାର ୱାଟର ପ୍ୟୁରିଫାୟର ଶିଳ୍ପ ୩୫ରୁ ୪୦ କୋଟି ଟଙ୍କାରେ ପହଞ୍ଚିଛି । ତେବେ ରାଜ୍ୟରେ ୱାଟର ପ୍ୟୁରିଫାୟର ସାନ୍ଦ୍ରତା ଢେର୍‌ କମ ରହିଛି । ମୋଟ ୱାଟର ପ୍ୟୁରିଫାୟର ବ୍ୟବହାରରେ ଉପକୂଳ ଓଡ଼ିଶା ଏକାକୀ ୪୫-୫୦% ଅଂଶୀଦାର ରହିଛି । ରାଜ୍ୟର ୱାଟର ପ୍ୟୁରିଫାୟର ମାର୍କେଟରେ ହାଭେଲ୍ସ ୧୦% ଅଂଶୀଦାର ରହିଛି । ନିଜର ନୂଆ ଆଲ୍‌କାଲାଇନ୍‌ ରେଞ୍ଜ ଆର୍‌ଓ ୱାଟର ପ୍ୟୁରିଫାୟର ଜରିଆରେ ଏହା ରାଜ୍ୟରେ ନିଜ ବ୍ୟବସାୟକୁ ଦ୍ୱିଗୁଣା କରିବାକୁ ଲକ୍ଷ୍ୟ ରଖିଥିବା ଶ୍ରୀ ଶ୍ରୀବାସ୍ତବ କହିଛନ୍ତି । ଏ ଅବସରରେ ହାଭେଲ୍ସ ଇଣ୍ଡିଆ କର୍ପୋରେଟ କମ୍ୟୁନିକେସନ୍ସ ଉପ ସଭାପତି ଅନିଲ ଶର୍ମା, ଓଡ଼ିଶା ବ୍ୟବସାୟ ମୁଖ୍ୟ ଦେବାଶିଷ ମିତ୍ର ଓ ମନୋଜ ପଲେଇ ଉପସ୍ଥିତ ଥିଲେ ।

   ସମ୍ବନ୍ଧିତ ଖବର


କରୋନା ଯୋଗୁଁ ମହଙ୍ଗା ହେବ ଟିଭି-ଫ୍ରିଜ୍ ସମେତ ଏହି ସବୁ ସାମଗ୍ରୀ

ବଢୁଛି ଅଶୋଧିତ ତୈଳ ଦର, ଜାଣନ୍ତୁ ଦେଶରେ ଆଜି ପେଟ୍ରୋଲ-ଡିଜେଲର ଦାମ

ହ୍ୱାଟ୍‌ସଆପ୍‌ ଫର୍‌ୱାର୍ଡ ମେସେଜ୍‌ରେ କଟକଣା: ଥରକେ ପଠାଇହେବ ଗୋଟିଏ ମେସେଜ୍‌

କରୋନା ବିରୋଧୀ ଲଢ଼େଇ ପାଇଁ ନାଲ୍‌କୋ ଦେଲା ୧୦.୨ କୋଟି ସହାୟତା