ବିଜେପିରେ ମିଶିବା ପାଇଁ ୨୨ ବର୍ଷ ଅପେକ୍ଷା କଲି: ବୈଜୟନ୍ତ

ନୁଆଦିଲ୍ଲୀ ୪/୩: ବିଜେପିରେ ଯୋଗଦେଇଛନ୍ତି ପୂର୍ବତନ ସାଂସଦ ବୈଜୟନ୍ତ ଜୟ ପଣ୍ଡା । ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ଉପସ୍ଥିତିରେ ବିଦ୍ଧିବଦ୍ଧ ଭାବେ ପଦ୍ମ ଧରିଛନ୍ତି ବୈଜୟନ୍ତ । ବିଜେପିରେ ମିଶିବା ପରେ ପ୍ରତିକ୍ରିୟା ରଖିଛନ୍ତି ବୈଜୟନ୍ତ । ସେ କହିଛନ୍ତି ଯେ ୨୨ ବର୍ଷ ତଳୁ ବିଜେପିରେ ମିଶିବା ପାଇଁ ତାଙ୍କର ଇଛା ଥିଲା । ବିଜେପିରେ ମିଶିବା ପାଇଁ ୨୨ ବର୍ଷ ଅପେକ୍ଷା କରିଥିଲେ ବୋଲି ସେ କହିଛନ୍ତି ।  ମୋଦିଙ୍କ ନେତୃତ୍ୱରେ ପ୍ରଭାବିତ ହୋଇ ବିଜେପିରେ ମିଶିଲେ ବୋଲି କହିଛନ୍ତି ଶ୍ରୀଯୁକ୍ତ ପଣ୍ଡା ।

ନରେନ୍ଦ୍ର ମୋଦି ଓ ଅମିତ ଶାହଙ୍କ ନେତୃତ୍ୱକୁ ଗ୍ରହଣ କରୁଛନ୍ତି ବୋଲି ମଧ୍ୟ ସେ କହିଛନ୍ତି । ସେ ଆହୁରି କହିଛନ୍ତି ଯେ ଓଡିଶାରେ ଶାସନ ବ୍ଯବସ୍ଥା ସମ୍ପୂର୍ଣ୍ଣ ଭୁଷୁଡି ପଡିଛି । ମହିଳା ଓ ଶିଶୁମାନଙ୍କ ପ୍ରତି ନିର୍ଯାତନା, ଅପରାଧ ଆଦି ବଢିଛି । ଓଡିଶାରେ ଦୁର୍ନୀତି ଅତିଶୟ ଭାବେ ବୃଦ୍ଧି ପାଇଛି ।

ସେ ପ୍ରଧାନମନ୍ତ୍ରୀଙ୍କ ଶାସନ ବ୍ୟବସ୍ଥାକୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ ଦେଶର ଓ ଦେଶବାସୀଙ୍କ ଉନ୍ନତି ପାଇଁ ମୋଦି କଠୋର ନିଷ୍ପତ୍ତି ନେଉଛନ୍ତି । ଓଡିଶାରେ ପରିବର୍ତ୍ତନ ପାଇଁ ଏବଂ ଦେଶକୁ ବିକାଶ ପଥରେ ଆଗେଇ ନେବାପାଇଁ ଏହିଭଳି ନେତୃତ୍ୱ ଦରକାର ବୋଲି ସେ କହିଛନ୍ତି ।

ଅନ୍ଯପଟେ ବୈଜୟନ୍ତଙ୍କ ଯୋଗଦାନକୁ ନେଇ ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି ଯେ ଦଳ ସହ ଆଜି ଏକ ନୂଆ ବଳ ଯୋଡି ହୋଇଛି । ଦୀର୍ଘ ୨୦ ବର୍ଷ ହେଲା ସଂସଦରେ ସେ ନିଜସ୍ୱ ପରିଚୟ ସୃଷ୍ଟି କରିଛନ୍ତି । ବୈଜୟନ୍ତଙ୍କ ଯୋଗଦାନ ଦ୍ୱାରା ବିଜେପିର ଲାଭ ହେବ ବୋଲି ସେ କହିଛନ୍ତି ।

ଅଧିକ ପଢନ୍ତୁ ବିଜେପିରେ ଯୋଗଦେଲେ ବିଜେପି

   ସମ୍ବନ୍ଧିତ ଖବର


ଶୋକରେ ବି ଫାର୍ସ: ବାପାଙ୍କୁ ଶ୍ରଦ୍ଧାଞ୍ଜଳୀ ଦେବା ପୂର୍ବରୁ ଚିରାଗ ପାଶଓ୍ବାନଙ୍କ ରିହର୍ସଲ, ଭିଡିଓ ଭାଇରାଲ

ଧନୀ କ’ଣ ସତରେ ଚିନ୍ତା କରନ୍ତି ଗରିବଙ୍କ ଉନ୍ନତି? ଏକ ରୋଚକ ସ୍ଥିତି- ୮୦ କୋଟିପତି ଗରିବଙ୍କ ଅଧିକାର ନେଇ କରୁଛନ୍ତି ଚିତ୍କାର…

ଲଦାଖ ନିର୍ବାଚନ: ୧୫ ଆସନରେ ବିଜେପିର ବିଜୟ , କଂଗ୍ରେସ ହାତରେ ୯…

ନିର୍ବାଚନ ରାଲିରେ ମୁଖ୍ୟମନ୍ତ୍ରୀଙ୍କୁ ବିରୋଧ – ନୀତୀଶ କୁମାରଙ୍କ ହେଲିକପ୍ଟରକୁ ଚପଲ ପିଙ୍ଗିବା ନେଇ ୩ ଗରିଫ

ମେହବୁବା ମୁଫ୍‌ତୀଙ୍କୁ ବଡ଼ ଝଟକା- ଦଳର ୩ ନେତା ଦେଲେ ଇସ୍ତଫା

ସତ ଓଗାଳିଲେ ନଓ୍ବାଜ ଶରିଫ, କହିଲେ ଭୋକରେ ରହି କାରଗିଲ ଯୁଦ୍ଧ ଲଢିଥିଲେ ପାକିସ୍ତାନୀ ସେନା…