ମହିଳାଙ୍କ ସହ ମିଶି କ୍ଷେତରେ କାମ କଲେ ହେମା ମାଳିନୀ: ଟ୍ରୋଲ୍ କଲେ ୟୁଜର୍ସ, ଜଣେ ତ ଲେଖିଲା ଏମିତି…

ମୁମ୍ବାଇ ୧/୪: ନିର୍ବାଚନ ପାଇଁ ଏବେ ପ୍ରାର୍ଥୀମାନେ ବହୁତ ଜୋଶରେ ଅଛନ୍ତି । ଆଉ ଏବେ ତ ରାଜନୀତିରେ ରାଜନେତ୍ରୀ କମ୍ ଅଭିନେତ୍ରୀ ଅଧିକ ଅଛନ୍ତି । ବଲିଉଡ ସେଲିବ୍ରିଟିମାନେ ଫିଲ୍ମ କରିବା ସମୟରେ ଅନେକ ସୁବିଧା ସୁଯୋଗ ପାଇଥାନ୍ତି, ସେଥିରେ କମ୍ପ୍ରମାଇଜ୍ ହୁଏନି । କିନ୍ତୁ ଭୋଟ୍ ମାଗିବାକୁ ଯିବା ସମୟରେ ଆକ୍ଟ୍ରେସ୍ ମାନେ ଭିନ୍ନ ଅନ୍ଦାଜରେ ଭୋଟ୍ ମାଗନ୍ତି । ତେବେ ବିଜେପି ପ୍ରାର୍ଥୀ ହେମା ମାଳିନୀଙ୍କ ଏମିତି ଏକ ଭିନ୍ନ ଅନ୍ଦାଜ ଦେଖିବାକୁ ମିଳିଛି ।

ରବିବାର ହେମା ମଥୁରାର ଏକ ଗାଁ ଦେବସେରସ ପହଞ୍ଚିଥିଲେ । ସେଠାରେ ସେ କ୍ଷେତରେ ଗହମ କାଟିବା ଏବଂ ଗହମ ବିଡା ଉଠାଉଥିବାର ନଜର ଆସିଛନ୍ତି । ହେମାଙ୍କ ଏହି ଅବତାର ଦେଖି ସେଠାରେ ଥିବା ଚାଷୀମାନେ ଆଶ୍ଚର୍ଯ୍ୟ ହୋଇଗଲେ । ହେମା ନିଜ ଟ୍ୱିଟର ହ୍ୟାଣ୍ଡେଲରେ ନିର୍ବାଚନ ପ୍ରଚାର ଫଟୋ ସେୟାର କରିଛନ୍ତି । କିନ୍ତୁ ତାଙ୍କର ଏହି ଫଟୋ ଦେଖି ସୋସିଆଲ ମିଡିଆ ୟୁଜର୍ସ ତାଙ୍କୁ ଟ୍ରୋଲ୍ କରିବା ଆରମ୍ଭ କରିଦେଇଛନ୍ତି ।  

କିଛି ୟୁଜର୍ସ ଲେଖିଛନ୍ତି ଯେ ‘ହେମା ଜୀ, ଗତ ୫ ବର୍ଷ ହେବ ଆପଣଙ୍କୁ ଚାଷୀଙ୍କ କଥା ମନ ପଡିଲାନି କିନ୍ତୁ ନିର୍ବାଚନ ସମୟରେ ଚାଲିଆସିଲେ ଫଟୋ ଉଠାଇବା ପାଇଁ । କେବେ ପର୍ଯ୍ଯନ୍ତ ଗରିବଙ୍କ ମଜା ଉଡାଇବେ ଆପଣମାନେ ?’

ଅନ୍ଯ ଜଣେ ଲେଖିଛନ୍ତି ଯେ ‘ଲାଗୁଛି ଆପଣ ଏବେବି ଆକ୍ଟିଂ କରୁଛନ୍ତି ।‘