PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ନିର୍ବାଚନ ମଇଦାନରେ ହେମାନନ୍ଦ ବିଶ୍ୱାଳଙ୍କ ଦୁଇ ଝିଅ, ଜଣେ କଂଗ୍ରେସରୁ ଆଉ ଜଣେ ବିଜେଡିରୁ ହେଲେ ପ୍ରାର୍ଥୀ

ସୁନ୍ଦରଗଡ଼ ୨୩।୩: ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ହେମାନନ୍ଦ ବିଶ୍ୱାଳଙ୍କ ଦୁଇ ଝିଅ ୨୦୧୯ ନିର୍ବାଚନ ଲଢ଼ିବେ। ହେମାନନ୍ଦଙ୍କ ବଡ଼ ଝିଅ ସୁନୀତା ବିଶ୍ୱାଳ ବିଜୁ ଜନତା ଦଳର ଟିକେଟରେ ସୁନ୍ଦରଗଡ଼ (ସଂରକ୍ଷିତ) ଆସନରୁ ଲୋକସଭା ନିର୍ବାଚନ ଲଢୁଥିବବେଳେ ସାନ ଝିଅ ଅମିତା ବିଶ୍ୱାଳ କଂଗ୍ରେସ ଟିକେଟରେ ସୁନ୍ଦରଗଡ (ସଂରକ୍ଷିତ) ଆସନରୁ ବିଧାନସଭା ନିର୍ବାଚନରେ ଲଢୁଛନ୍ତି।

ଆଗରୁ ଏ ଦୁହେଁ କେବେ ବି କୌଣସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ନଥିଲେ। ଯେହେତୁ ଏଥର ଦୁଇ ଭଉଣୀ ପ୍ରାର୍ଥୀ ହୋଇଛନ୍ତି ତେବେ ଲଢ଼େଇ ପୁରା ଜୋରଦାର ହେବ ବୋଲି ଆଶା କରାଯାଉଛି। ଅମିତା ଓ ସୁନୀତା  ଦୁହେଁ ଗୃହିଣୀ। ସୁନୀତା ବିଶ୍ୱାଳ କିଛି ଦିନ ତଳେ ବିଜୁ ଜନତା ଦଳରେ ଯୋଗ ଦେଇଥିଲେ।

ଏଠାରେ ସୂଚନାଯୋଗ୍ୟ ଯେ ଗତ ୨୦୧୪ ଲୋକସଭା ନିର୍ବାଚନରେ ହେମାନନ୍ଦ ବିଶ୍ୱାଳ ସୁନ୍ଦରଗଡ଼ (ସଂରକ୍ଷିତ) ଆସନରୁ କଂଗ୍ରେସର ଲୋକସଭା ପ୍ରାର୍ଥୀ ହୋଇଥିଲେ, ମାତ୍ର ପରାଜିତ ହୋଇଥିଲେ। ୨୦୦୯ ଲୋକସଭା ନିର୍ବାଚନରେ ସେ ଏଠାରୁ ବିଜୟୀ ହୋଇଥିଲେ। ବର୍ତମାନ ତାଙ୍କର ଦୁଇ ଝିଅ ନିର୍ବାଚନ ମଇଦାନକୁ ଓହ୍ଲାଇଛନ୍ତି।