PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ରାଜ୍ୟ ସରକାର କୁମ୍ଭୀର କାନ୍ଦଣା କାନ୍ଦିବାରେ ସିଦ୍ଧହସ୍ତ: ଧର୍ମେନ୍ଦ୍ର

ଭୁବନେଶ୍ୱର,୯ା୨(ବ୍ୟୁରୋ): ହାଇକୋର୍ଟ ସ୍ଥାୟୀ ବେଞ୍ଚ୍‌ ପ୍ରତିଷ୍ଠା ପ୍ରସଙ୍ଗ ନେଇ ପ୍ରତିକ୍ର୍ରିୟା ରଖିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି, ସରକାର ସ୍ଥାନ ଚିହ୍ନଟ ନ କରି ବଜେଟରେ ମିଛି ମିଛିକା ସାଙ୍କେତିକ ଟଙ୍କା ରଖିବାର ମାନେ କିଛି ନାହିଁ । ରାଜ୍ୟ ସରକାର ଲୋକଙ୍କୁ ବୋକା ବନାଇବାକୁ ପ୍ରୟାସ କରୁଛନ୍ତି । ରାଜ୍ୟ ସରକାର କେବଳ କୁମ୍ଭୀର କାନ୍ଦଣା କାନ୍ଦିବାରେ ସିଦ୍ଧହସ୍ତ ବୋଲି ସେ ଅଭିଯୋଗ କରିଛନ୍ତି ।
ଧର୍ମେନ୍ଦ୍ର କହିଛନ୍ତି, ରାଜ୍ୟ ସରକାର ନିଜ ଦାୟିତ୍ୱରୁ ମୁକ୍ତ ହୋଇ ବାରମ୍ବାର କେନ୍ଦ୍ର ସରକାରଙ୍କୁ ଚିଠି ଲେଖୁଛନ୍ତି । ହାଇକୋର୍ଟ ସ୍ଥାୟୀ ବେଞ୍ଚ୍‌ ପ୍ରତିଷ୍ଠା ପ୍ରସଙ୍ଗରେ ୨୦୧୩ ମସିହା ପୂର୍ବରୁ ତତ୍କାଳୀନ ଆଇନ ମନ୍ତ୍ରୀ ବି ଉତ୍ତର ଦେଇଥିଲେ । ଏବେ କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ବି ଉତ୍ତର ଦେଇଛନ୍ତି । ହାଇକୋର୍ଟଙ୍କ ପରାମର୍ଶ କ୍ରମେ ରାଜ୍ୟ ସରକାର କେଉଁଠି ବେଞ୍ଚ୍‌ କରାଯିବ ସେ ବାବଦରେ ସ୍ପଷ୍ଟ କରି ପ୍ରସ୍ତାବ ପଠାଇବା ଉଚିତ୍‌ । ମାତ୍ର ସରକାର ନିଜ ଦାୟିତ୍ୱରୁ ଖସିବାକୁ ଚେଷ୍ଟା କରୁଛନ୍ତି ।
ଧର୍ମେନ୍ଦ୍ର କହିଛନ୍ତି, ରାଜ୍ୟ ସରକାର ଲୋକଙ୍କୁ ବୋକା ଭାବୁଛନ୍ତି କି? ଓଡ଼ିଶାରେ ଅଧିକ ହାଇକୋର୍ଟ ବେଞ୍ଚ ଦରକାର । ଏ ନେଇ ଓଡ଼ିଶା ସାରା ସହମତି ପ୍ରକାଶ ପାଇଛି । ଦ୍ୱିତୀୟ ହାଇକୋର୍ଟ ବେଞ୍ଚ୍‌ ନେଇ କାହାର ଦ୍ୱିମତ ନାହିଁ । ତେବେ ପ୍ରକ୍ରିୟା କ’ଣ? ପ୍ରକ୍ରିୟାକୁ ସ୍ଥାନୀୟ ସରକାର ଓ ସ୍ଥାନୀୟ ହାଇକୋର୍ଟ ସୁପାରିଶ କଲା ପରେ କେନ୍ଦ୍ର ସରକାର ମୂଳ ହାଇକୋର୍ଟର ଗୋଟିଏ ବେଞ୍ଚ୍‌ ସ୍ଥାପନ କରିବାର ନୀତିଗତ ନିର୍ଣ୍ଣୟ କରିବେ । କେଉଁଠି ହାଇକୋର୍ଟ ବେଞ୍ଚ୍‌ ହେବ, ସେ ନେଇ ଏଠିକାର ସରକାର ପାଲ୍‌ କମିଶନ ବସାଇଥିଲେ । ମାତ୍ର ସରକାର କ’ଣ ପାଇଁ ଏଯାବତ୍‌ ପାଲ୍‌ କମିଶନର ରିପୋର୍ଟ ସାର୍ବଜନୀନ କରୁନାହାନ୍ତି?
ଧର୍ମେନ୍ଦ୍ର କହିଛନ୍ତି, ଯଦି ସରକାର କିଛି ଜିଲ୍ଲାପାଳଙ୍କୁ ଲଗାଇ ସାମାଜିକ ଉତ୍ତେଜନା ତିଆରି କରାଇବାକୁ ଭାବୁଥିବେ, ତେବେ ଏଥିପାଇଁ ସରକାର ଦାୟୀ ରହିବେ । ଓଡ଼ିଶା ପାଇଁ ଏହା ଶୁଭଙ୍କର ନୁହେଁ । ଯେତେବେଳେ ସ୍ଥାନ ନିରୂପଣ ହୁଏ, ସେତେବେଳେ ଟଙ୍କା ଦିଆଯାଏ । ହାଇକୋର୍ଟ ମୁଖ୍ୟ ବିଚାରପତିଙ୍କ ସହ ଆଲୋଚନା କରି ରାଜ୍ୟ ସରକାର କାହିଁକି ବେଞ୍ଚ୍‌ ପ୍ରତିଷ୍ଠା ପାଇଁ ଜାଗା ଚିହ୍ନଟ କରୁନାହାନ୍ତି? ଜାଗା ଚିହ୍ନଟ ନ କରି ବଜେଟରେ ମିଛି ମିଛିକା ସାଙ୍କେତିକ ଟଙ୍କା ରଖିବାର ମାନେ କ’ଣ ବୋଲି ସେ ପ୍ରଶ୍ନ କରିଛନ୍ତି । ଧର୍ମେନ୍ଦ୍ର କହିଛନ୍ତି, ଅର୍ଥମନ୍ତ୍ରୀଙ୍କୁ କିଛି ଜଣାନଥାଏ । ଯାହା ବରିଷ୍ଠ ଲୋକମାନେ କହିବେ, ସେଟାକୁ ସେ ପଢ଼ି ଦେଇଥିବେ । ମୁଖ୍ୟମନ୍ତ୍ରୀ କେବେ ହାଇକୋର୍ଟ ବିଚାରପତିଙ୍କ ସହ ଏ ପ୍ରସଙ୍ଗରେ ଆଲୋଚନା କରିବେ, ତା’ର ତାରିଖ ନିର୍ଦ୍ଧାରଣ କରନ୍ତୁ ବୋଲି ସେ କହିଛନ୍ତି ।