PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

କଲେଜ ଅଧ୍ୟକ୍ଷଙ୍କୁ ଉଚ୍ଚ ଶିକ୍ଷା ପରିଷଦର ନିର୍ଦ୍ଦେଶ: ୨୦ ସୁଦ୍ଧା ସବୁ କେନ୍ଦ୍ରରେ ସିସିଟିଭି ଲଗାଅ

source:http://www.rmshss.edu.in/

ଭୁବନେଶ୍ୱର,୭ା୨(ବ୍ୟୁରୋ): ଚଳିତବର୍ଷର ହାୟର ସେକେଣ୍ଡାରୀ ବା ଯୁକ୍ତଦୁଇ ପରୀକ୍ଷା ମାର୍ଚ୍ଚ ୬ରୁ ଆରମ୍ଭ ହେବ । ଏହି ଉପଲକ୍ଷେ ବାକିଥିବା ପରୀକ୍ଷା କେନ୍ଦ୍ରରେ ୨୦ ତାରିଖ ସୁଦ୍ଧା ସିସିଟିଭି ଲଗାଇବାକୁ ସମସ୍ତ କଲେଜର ଅଧ୍ୟକ୍ଷ, ପ୍ରଧାନଶିକ୍ଷକଙ୍କୁ ଉଚ୍ଚଶିକ୍ଷା ପରିଷଦ ପକ୍ଷରୁ ନିର୍ଦ୍ଦେଶ ଦିଆଯାଇଛି । ବହୁଦିନ ଆଗରୁ ପରୀକ୍ଷା କେନ୍ଦ୍ରରେ ସିସି କ୍ୟାମେରା ଲାଗିବା ଆରମ୍ଭ ହୋଇଛି । କେତେକ କେନ୍ଦ୍ରରେ ସିସିଟିଭି ଲାଗିସାରିଲାଣି । ହେଲେ ଏପର୍ଯ୍ୟନ୍ତ ଅନେକ କେନ୍ଦ୍ରର ସିସିଟିଭି ଲାଗିବାକୁ ବାକି ଅଛି । ବାକିଥିବା କେନ୍ଦ୍ରରେ ୨୦ ତାରିଖ ସୁଦ୍ଧା ସିସିଟିଭି ଲଗାଇବା କାର୍ଯ୍ୟ ଶେଷ କରି ଏହାର ରିପୋର୍ଟ ଦେବାକୁ ମଧ୍ୟ ଅଧ୍ୟକ୍ଷ ଓ ପ୍ରଧାନଶିକ୍ଷକଙ୍କୁ ନିର୍ଦ୍ଦେଶ ଦିଆଯାଇଛି । ଯଦି ଅଧ୍ୟକ୍ଷମାନେ କେନ୍ଦ୍ରରେ ଏହି ବ୍ୟବସ୍ଥା କରିବାକୁ ଫେଲ୍‌ ହୁଅନ୍ତି ତେବେ ସେହି କେନ୍ଦ୍ରକୁ ପରୀକ୍ଷା ପାଇଁ ବାତିଲ କରାଯିବ । ସେଠାରେ ପରୀକ୍ଷାକୁ ଦେବାକୁ ଥିବା ଛାତ୍ରଛାତ୍ରୀମାନେ ନିକଟତମ କେନ୍ଦ୍ରକୁ ଯାଇ ପରୀକ୍ଷା ଦେବେ ବୋଲି କଲେଜ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି ।
ଅନ୍ୟପକ୍ଷରେ ପରୀକ୍ଷାକୁ ସୁରକ୍ଷିତ ଭାବେ ସୁପରିଚାଳନା କରିବା ପାଇଁ ଆଜି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ କେନ୍ଦ୍ର ଅଧୀକ୍ଷକଙ୍କୁ ସ୍ୱତନ୍ତ୍ର ନିର୍ଦ୍ଦେଶ ଦିଆଯାଇଛି । ପରୀକ୍ଷାକୁ କିଭଳି ତ୍ରୁଟିଶୂନ୍ୟ କରାଯିବ ସେନେଇ ପରିଷଦ ପକ୍ଷରୁ ସର୍ତ୍ତମୂଳକ ପଦକ୍ଷେପ ନିଆଯାଇଛି । ପରିଷଦ ପକ୍ଷରୁ କରାଯାଇଥିବା ନିର୍ଦ୍ଦେଶନାମାରେ ଉଲ୍ଲେଖ ରହିଛି ଯେ, ପରୀକ୍ଷାର ପ୍ରଶ୍ନପତ୍ର ଗୁଡ଼ିକ ପ୍ୟାକେଟ୍‌ ଭିତରେ ଡେପୁଟି ସେଣ୍ଟର ସୁପରିଟେଣ୍ଡେଣ୍ଟ୍‌ଙ୍କ ତଦାରଖରେ ସବୁ କେନ୍ଦ୍ର ଗୁଡ଼ିକ ପ୍ରତ୍ୟେକ ଦିନ ଯିବ । ପରୀକ୍ଷକମାନେ ପରୀକ୍ଷା କେନ୍ଦ୍ରରୁ ସମସ୍ତ ବଳକା ପ୍ରଶ୍ନପତ୍ରକୁ ସଂଗ୍ରହ କରି ଅଲଗା ଏକ ଲଫାପାରେ ରଖିବେ । ଏଥିପାଇଁ କେନ୍ଦ୍ର ଅଧୀକ୍ଷକ ପତ୍ୟେକ ପରୀକ୍ଷା ହଲ୍‌କୁ ଲଫାପା ଓ ଅଠା ଯୋଗାଇଦେବେ । ଠିକ୍‌ ୧୦ଟା ୩୦ ସୁଦ୍ଧା ସମସ୍ତ ବଳକା ପ୍ରଶ୍ନପତ୍ର ପରୀକ୍ଷା ହଲ୍‌ରେ ହିଁ ସିଲ୍‌ କରାଯିବ । କୌଣସି ପରିସ୍ଥିତିରେ ବି ପ୍ରଶ୍ନପତ୍ର ବାହାରକୁ ଆସିବ ନାହିଁ । କେନ୍ଦ୍ର ଅଧୀକ୍ଷକ ସବୁ କେନ୍ଦ୍ରର ପ୍ରତି ଗୃହକୁ ବୁଲି ଏସଂକ୍ରାନ୍ତରେ ତଦାରଖ କରିବେ ।
ପରୀକ୍ଷା ସମୟରେ କେନ୍ଦ୍ରରେ ମୋବାଇଲ୍‌ ଫୋନ୍‌ କିମ୍ବା ଅନ୍ୟ ବୈଦୁତିକ ଯନ୍ତ୍ର ବ୍ୟବହାର କରାଯାଇପାରିବ ନାହିଁ । କୌଣସି ଛାତ୍ରଛାତ୍ରୀ, ପରୀକ୍ଷକ ତଥା ଅନ୍ୟ କର୍ମଚାରୀମାନେ କେନ୍ଦ୍ର ଭିତରକୁ ମୋବାଇଲ୍‌ ନେଇ ଯାଇପାରିବେ ନାହିଁ । କେନ୍ଦ୍ର ଅଧୀକ୍ଷକଙ୍କୁ ପରୀକ୍ଷକ, ଅନ୍ୟ ଅଫିସର୍‌, ତଦାରଖକାରୀ, ଅନ୍ୟାନ୍ୟ କର୍ମଚାରୀମାନେ ନିଜ ଦାୟିତ୍ୱରେ କେନ୍ଦ୍ର ଅଧୀକ୍ଷକଙ୍କୁ ମୋବାଇଲ୍‌ ଫୋନ୍‌, କ୍ୟାମେରା, ବୈଦୁତିକ ଯନ୍ତ୍ର ହସ୍ତାତନ୍ତର କରିବେ । ମୋବାଇଲ୍‌ ରଖିବାର ଏକ ରେକର୍ଡ ବୁକ୍‌ ପ୍ରତ୍ୟେକ ପରୀକ୍ଷା ସିଟିଂରେ ଅଧୀକ୍ଷକ କରିବେ । ଆଗାମୀ ତଦାରଖ ସମୟରେ ଏହି ରିପୋର୍ଟ କାର୍ଯ୍ୟରେ ଲାଗିବ । କେବଳ ଅଧୀକ୍ଷକ ଅନ୍ୟ କର୍ତ୍ତୃପକ୍ଷକଙ୍କ ସହ ଯୋଗାଯୋଗ କରିବା ପାଇଁ ମୋବାଇଲ୍‌ ଫୋନ୍‌ ବ୍ୟବାହର କରିପାରିବେ ।
ପରୀକ୍ଷା ଆରମ୍ଭ ପୂର୍ବରୁ ଗେଟ୍‌ରେ ସମସ୍ତ ପରୀକ୍ଷାର୍ଥୀଙ୍କ ଚେକିଂ କରାଯିବ । ଛାତ୍ରଛାତ୍ରୀମାନେ ପରୀକ୍ଷା ଆରମ୍ଭର ଅଧାଘଣ୍ଟା ପୂର୍ବରୁ ହଲ୍‌ ଭିତରକୁ ଯାଇପାରିବେ । ୧୫ ମିନିଟ୍‌ ପୂର୍ବରୁ ନିଜ ସିଟ୍‌ରେ ଯାଇ ବସିବେ । ପରୀକ୍ଷା କେନ୍ଦ୍ର ପାଖାପାଖି ଅଞ୍ଚଳ ଭିତରେ ଲୋକମାନେ ଗହଳି କରିପାରିବେ ନାହିଁ । ଯଦି ଏପରି କୌଣସି ଘଟଣା ଘଟେ ତେବେ ଅଧୀକ୍ଷକ ସ୍ଥାନୀୟ ପୁଲିସ୍‌ର ସାହାଯ୍ୟ ନେଇପାରିବେ ।
ପରୀକ୍ଷା ହଲ୍‌ରେ ଛାତ୍ରଛାତ୍ରୀଙ୍କ ପାଇଁ ପାନୀୟ ଜଳର ବ୍ୟବସ୍ଥା କରାଯିବ । ପୁଅ ଓ ଝିଅଙ୍କ ପାଇଁ ଅଲଗା ଶୌଚାଳୟ ବ୍ୟବସ୍ଥା କରିବାକୁ ମଧ୍ୟ ଅଧୀକ୍ଷକଙ୍କୁ ନିର୍ଦ୍ଦେଶ ହୋଇଛି । ଛାତ୍ରଛାତ୍ରୀଙ୍କୁ ପରୀକ୍ଷା ସମୟରେ ଶୌଚାଳୟ ଯାଇପାରିବେ । କିନ୍ତୁ ଏଥିପାଇଁ ୨ ମିନିଟ୍‌ରୁ ଅଧିକ ସମୟ ନେବେ ନାହିଁ । ଯଦି କୌଣସି ଛାତ୍ରଛାତ୍ରୀ ୨ମିନିଟ୍‌ରୁ ଅଧିକ ସମୟ ରୁହନ୍ତି ତେବେ ପରୀକ୍ଷକ ଶୌଚାଳୟକୁ ଯାଇ ତଦାରଖ କରିବେ । ଶୌଚାଳୟ ଯିବା ପୂର୍ବରୁ ସେମାନେ ପ୍ରଶ୍ନପତ୍ର ପରୀକ୍ଷକଙ୍କୁ ଦେଇ ଯିବେ । ଫେରିବା ପରେ ପରୀକ୍ଷକଙ୍କଠାରୁ ପୁଣି ପ୍ରଶ୍ନପତ୍ର ନେଇ ନିଜ ସିଟ୍‌ରେ ବସିବେ ।