ଗ୍ରୀଷ୍ମ ମୁକାବିଲା ପାଇଁ ହିଟ୍ ୱେଭ୍ ଆକ୍ସନ ପ୍ଲାନ୍, ଦିନ ୧୧ଟାରୁ ସାଢେ ୩ଯାଏଁ ବନ୍ଦ ରହିବ କାମ

ଭୁବନେଶ୍ୱର ୨୭/୩: ପ୍ରଚଣ୍ଡ ଖରା ଯୋଗୁଁ ଦିନ ୧୧ଟାରୁ ଅପରାହ୍ନ ପର୍ଯ୍ୟନ୍ତ ବନ୍ଦ ରହିବ କାମ । ଗ୍ରୀଷ୍ମର ମୁକାବିଲା କରିବା ପାଇଁ  ଓଏସଡିଏମଏ ପକ୍ଷରୁ ଆକ୍ସନ ପ୍ଲାନ୍ ପ୍ରସ୍ତୁତ କରାଯାଇଛି । ଗ୍ରୀଷ୍ମ ମୁକାବିଲା ବୈଠକ ପରେ ଏସଆରସି ବିଷ୍ଣୁପଦ ସେଠୀ ଏହି ସୂଚନା ଦେଇଛନ୍ତି ।

ଗ୍ରୀଷ୍ମ ମୁକାବିଲା ପାଇଁ ଓଏସଡିଏମଏ ପକ୍ଷରୁ ହିଟ୍ ୱେଭ୍ ଆକ୍ସନ ପ୍ଲାନ୍ ପ୍ରସ୍ତୁତ କରାଯାଇଛି । ପ୍ଲାନ୍ ଅନୁସାରେ ଜୁନ୍ ୧୫ ତାରିଖ ଯାଏଁ ଦିନ ୧୧ଟାରୁ ଅପରାହ୍ନ ୩.୩୦ ପର୍ଯ୍ଯନ୍ତ ଶ୍ରମିକମାନଙ୍କୁ କାମ ପାଇଁ ବାରଣ କରାଯାଇଛି । ଏହି ସମୟରେ ପ୍ରଚଣ୍ଡ ଖରା ଯୋଗୁଁ ଗାଡି ଚଳାଚଳରେ ମଧ୍ଯ କଟକଣା ଲଗାଯାଇଛି । ଅଂଶୁଘାତ ରୋଗୀଙ୍କ ଚିକିତ୍ସା ପାଇଁ ସମସ୍ତ ମେଡିକାଲରେ ସ୍ୱତନ୍ତ୍ର ବ୍ଯବସ୍ଥା କରାଯିବ ଏବଂ ଅନବରତ ବିଦ୍ଯୁତ୍ ସେବା ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି ବିଷ୍ଣୁପଦ ସେଠୀ ।