ୟୁପିରେ ଅନର୍ କିଲିଂ: ଝିଅ ନିଜ ପୁଅ ବନ୍ଧୁ ସହିତ କଥାବାର୍ତ୍ତା ବନ୍ଦ ନକରିବାରୁ ଗୁଳି ମାରିଲା ବାପା

ଗାଜିପୁର ୧୪/୧: ଗାଜିପୁର ଜିଲ୍ଲାର ରେବତୀପୁର ଥାନା ଅଞ୍ଚଳରେ ମୋବାଇଲ ଫୋନରେ ନିଜ ବନ୍ଧୁ ସହିତ କଥାବାର୍ତ୍ତା ବନ୍ଦ ନକରିବାରୁ ପିତା ନିଜ ଝିଅକୁ ଗୁଳି କରି ହତ୍ୟା କରିବା ମାମଲା ସାମ୍ନାକୁ ଆସିଛି । ହତ୍ୟା ପରେ ଘରଲୋକ ମିଶି ମୃତଦେହକୁ ଗଙ୍ଗା କୂଳରେ ରାମପୁର ଗାଁ ନିକଟରେ ଫୋପାଡି ଦେଇଥିଲେ ।

ଜଙ୍ଗିପୁର ପୋଲିସ ମାମଲାର ଖୁଲାସା କରି ଶନିବାର ରାତିରେ ମା, ଦାଦା-ଖୁଡୀ ଓ ଜେଜେ ବାପାକୁ ଗିରଫ କରିଛି  । ଫୌଜରେ ଥିବା ବାପା ଏବେ ଫେରାର ଅଛି । ହତ୍ୟାରେ ବ୍ୟବହୃତ ଲାଇସେନ୍ସ ଥିବା ବନ୍ଧୁକ ଓ ଗୋଟିଏ ଖୋକା ଜବତ କରିଛି ପୋଲିସ । ୫ ଜାନୁୟାରୀ ଅପରାହ୍ନ ୩ଟା ସମୟରେ ରେବତୀପୁର ଥାନା କ୍ଷେତ୍ରରେ ଗଙ୍ଗା ଜିବା ରାସ୍ତାରେ ରାମପୁର ଗାଁ ନିକଟ ଏକ ନଦୀ କୂଳରେ ଏକ ବସ୍ତା ଦେଖିଥିଲେ ସ୍ଥାନୀୟ ଲୋକେ । ସେଥିରୁ ରକ୍ତ ବାହାରୁ ଥିଲା ।

ସୂଚନା ପାଇ ଘଟଣାସ୍ଥଳରେ ପହଞ୍ଚିଥିଲା ପୋଲିସ । ବସ୍ତାରୁ ଯୁବତୀଙ୍କ ମୃତଦେହ ଏକ ପ୍ଲାଷ୍ଟିକରେ ପଶିଥିଲା । ଯୁବତୀଙ୍କ ମୁଣ୍ଡରେ ଗୁଳି ବାଜିଥିଲା । ଏଥିରୁ ସ୍ପଷ୍ଟ ହେଉଥିଲା ଯେ ତାଙ୍କୁ ଗୁଳି କରି ହତ୍ୟା କରାଯାଇଥିଲା । ପୋଲିସ ମୃତଦେହ ଜବତ କରି ତଦନ୍ତରେ ଲାଗି ପଡିଥିଲା ।

ତୃତୀୟ ଦିନ ଯୁବତୀଙ୍କ ପରିଚୟ ମିଳିଥିଲା । ଜଙ୍ଗିପୁର ଥାନା ଅଞ୍ଚଳର କଦିୟାପୁର ନିବାସୀ ବିନୟ ଓରଫ ବୋଧା ଯାଦବଙ୍କ ଝିଅ ପ୍ରିୟା ଯାଦବ ବୋଲି ଜଣା ପଡିଥିଲା । ଏହା ପରେ ସବୁ କିଛି ସାମ୍ନାକୁ ଆସିଥିଲା ।

ପ୍ରିୟା ନିଜ କଲେଜର ଜଣେ ଯୁବକଙ୍କୁ ପ୍ରେମ କରୁଥିଲେ । ପରିବାର ଲୋକ ଏହା ବିରୁଦ୍ଧରେ ଥିଲେ । ପ୍ରଥମେ ପରିବାର ଲୋକେ ତାଙ୍କୁ ବହୁତ ବୁଝାଇଲେ କିନ୍ତୁ ସେ ନମାନିବାରୁ ତାଙ୍କୁ ହତ୍ୟା କରିବା ପାଇଁ ନିଷ୍ପତ୍ତି ନେଲେ ନୃଶଂସ ବାପା । ହତ୍ୟା କରିବା ପରେ ମୃତଦେହକୁ ସଫାରୀ ଗାଡିରେ ଗଙ୍ଗା କୂଳକୁ ନେଇ ପ୍ଲାଷ୍ଟିକ ଓ ଏକ ବସ୍ତାରେ ଭର୍ତ୍ତି କରି ଫୋପାଡିଦେଲେ ।

   ସମ୍ବନ୍ଧିତ ଖବର


ଯୁବତୀଙ୍କ ସହ ବାଥ୍‌ରୁମ୍‌ ଭିଡିଓ କଲ୍‌ରେ ଉଲଗ୍ନ ହୋଇଥିଲେ ଯୁବକ – ଏବେ ଟଙ୍କା ଦେବା ପାଇଁ ମିଳୁଛି ଧମକ

ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି କରୋନା ପଜିଟିଭ୍

ଜଳେଶ୍ୱର ଥାନା IIC ଧନେଶ୍ୱର ସାହୁ ନିଲମ୍ବିତ

ଲାଲ୍‌ କିଲ୍ଲାରୁ ସାଇବର ଓ୍ୱାର ପ୍ରତିହତ ପାଇଁ ପ୍ରଧାନମନ୍ତ୍ରୀଙ୍କର ବଡ ଘୋଷଣା

ଇଏ ସେହି ମହିଳା, ଯିଏ ପୁରା ବିଶ୍ୱ ପାଇଁ ତିଆରି କରନ୍ତି Indian Flag

କରୋନା କାଳରେ ଚାଲିଛି ଅରବପତିଙ୍କ ବିଳାସପୂର୍ଣ୍ଣ ପାର୍ଟି, ଅତିଥିଙ୍କର ପ୍ରତି ୧୫ ମିନିଟରେ ହେଉଛି କୋଭିଡ୍ ଟେଷ୍ଟ