କିପରି ଭଣ୍ଡ ସାରଥୀ ପାଲଟିଲା ଭଗବାନ…କିଏ ବନାଇଲା ତାଙ୍କୁ ଈଶ୍ବର…ଗୁମର ଖୋଲିଲେ ଆଇପିଏସ୍ ଅରୁଣ ବୋଥ୍ରା

ଭୁବନେଶ୍ବର ୨।୧୨: ସନ୍ତୋଷ ରାହୁଳ ଓରଫ ସାରଥୀଙ୍କ ଭାଣ୍ଡାମୀର ପର୍ଦ୍ଦାଫାଶ କଲେ ଆଇପିଏସ ଅରୁଣ ବୋଥ୍ରା। ସାରଥୀଙ୍କୁ ଗିରଫ କରିଥିବା ଆଇପିଏସ ଅରୁଣ ବୋଥ୍ରା ସାମ୍ନାକୁ ଆଣିଛନ୍ତି କିଛି ରୋଚକ କଥା । ଭଣ୍ଡ ସାରଥୀ କିଭଳି ଭଗବାନ ପାଲଟିଗଲେ ? କିଏ ତାଙ୍କୁ ଅବତାର ପୁରୁଷ ବନାଇ ଦେଲା ? କିଭଳି ସିମେଣ୍ଟ ଗାଈରୁ କ୍ଷୀର ବାହାରୁଥିଲା ?

ଖୋଦ୍ ସାରଥୀର ବୟାନ ଆଧାରରେ ନିଜର ଟ୍ବିଟର ହ୍ୟାଣ୍ଡେଲରେ ଅରୁଣ ଏ ସବୁର ଖୁଲାସା କରିଛନ୍ତି । ଅରୁଣ କହିଛନ୍ତି ଯେ, ସାରଥୀ ଜାଣିଥିଲେ ସେ ଭଗବାନ ନୁହଁନ୍ତି । ଲୋକେ ତାଙ୍କୁ ଭଗବାନ ବୋଲି ଘୋଷଣା କରି ଅବତାର ପୁରୁଷ କରିଦେଲେ । ଆଉ ମିଛରେ ହେଉ ପଛେ ଭଗବାନ ହେବାର ଖୁସିକୁ ସେ ହରାଇବାକୁ ଚାହୁଁ ନ ଥିଲେ ।

ସେଥିଲାଗି ନିଜର କୌଣସି ଚମତ୍କାର ନାହିଁ ଜାଣି ବି ପବ୍ଲିକରେ ମିଛ ଚମତ୍କାରକୁ ଅସ୍ବୀକାର କରି ନ ଥିଲେ । ଏପିରିକି ସିମେଣ୍ଟ ଗାଈରୁ ସାରଥୀ କଣ କ୍ଷୀର ବାହାର କରିବେ, ଓଲଟି ଲୋକେ ଏଭଳି କହିବାରୁ ସେ ନିଜେ ବି ଆଶ୍ଚର୍ଯ୍ୟ ହୋଇଯାଇଥିଲେ ।

ଅରୁଣ ବୋଥ୍ରା ଟ୍ବିଟ୍ କରି ଲେଖଛନ୍ତି- ‘ଯେତେବେଳେ ସାରଥୀକୁ ଗିରଫ କରିବାକୁ ବାହାରିଲୁ, ଆମର ଜଣେ ଷ୍ଟାଫ୍ କେୟାରଫୁଲ ରହିବାକୁ ସତର୍କ କଲେ । ସେ ମୋତେ ତାଙ୍କ ଶକ୍ତିରେ ଭସ୍ମ କରିଦେଇପାରନ୍ତି । ମୁଁ ଜାଣିଥିଲି ଏସବୁ ଅର୍ଥହୀନ କଥା । କିନ୍ତୁ ଭାବିଲି ଖୋଦ୍ ସାରଥୀକୁ ତାଙ୍କ ଶକ୍ତି ବିଷୟରେ ପଚାରି ଦିଏ ।

ସାରଥୀଙ୍କୁ ଗିରଫ କରିବାବେଳେ ତାଙ୍କୁ ଆଇପିଏସ୍ ଅରୁଣ ବୋଥ୍ରା ପଚାରିଥିଲେ କିଛି ପ୍ରଶ୍ନ । ଯାହା ସେ ନିଜେ ଟ୍ବିଟ୍ କରି ଲେଖିଛନ୍ତି ।

ଆଇପିଏସ୍ ଅରୁଣ ବୋଥ୍ରାଙ୍କ ଟ୍ବିଟ୍ ରୁ ବୁଝି ହେଉଛି କେମିତି ସାରଥୀ ନିଜେ ନିଜକୁ ଭଗବାନ କହି ବୁଲୁଥିଲେ। ସବୁ ଜାଣି ବି ଚୁପ୍ ରହିଥିଲେ । ଅରୁଣ ବୋଥ୍ରା ଏସବୁ ଖୁଲାସା କରିବା ପରେ କିଛି ଟ୍ବିଟର ୟୁଜର ମଧ୍ୟ ପ୍ରଶ୍ନ ପଚାରିଛନ୍ତି । ସାରଥୀଙ୍କୁ ପୋଲିସ ଥାର୍ଡ ଡିଗ୍ରୀ କରିଥିଲା କି ? ଏହା ଉପରେ ଉତ୍ତର ରଖି ଅରୁଣ ବୋଥ୍ରା କହିଛନ୍ତି ସାରଥୀଙ୍କୁ କୌଣସି ଥାର୍ଡ ଡିଗ୍ରୀ କରାଯାଇ ନାହିଁ । କେବଳ ସେତିକି ନୁହେଁ ସେ କିଭଳି ଅଭିଯୁକ୍ତର ବୟାନକୁ ପବ୍ଲିକ୍ଲି କହିପାରୁଛନ୍ତି ବୋଲି ପ୍ରଶ୍ନର ଉତ୍ତର ଦେଇ ଅରୁଣ ବୋଥ୍ରା କହିଛନ୍ତି, ଏହା ଚାର୍ଜସିଟର ଅଂଶବିଶେଷ ନୁହେଁ ।

   ସମ୍ବନ୍ଧିତ ଖବର


ଦେଶରେ ୬ ଜୁଲାଇରୁ ଖୋଲିବ ସମସ୍ତ ସ୍ମାରକୀ, ସଂସ୍କୃତି ମନ୍ତ୍ରୀଙ୍କ ଘୋଷଣା

୩୫୦ ହାତୀଙ୍କର ରହସ୍ୟମୟ ମୃତ୍ୟୁ, ଜଙ୍ଗଲ ସାରା ପଡ଼ି ରହିଛି ଗଳିତ ମୃତଦେହ

ଚୀନକୁ ଜବାବ୍ ଦେବାକୁ ଭାରତ କିଣିବ ୩୩ ଅତ୍ୟାଧୁନିକ ଯୁଦ୍ଧ ବିମାନ

ଲଗଜରୀ କାରର ମୂଲ୍ୟଠାରୁ ବିରାଟ କୋହଲିଙ୍କ ଗୋଟିଏ ଇନଷ୍ଟାଗ୍ରାମ୍ ପୋଷ୍ଟ ଖୁବ୍ ଅଧିକ

ଚୀନରେ ପ୍ରଥମରୁ ହିଁ TikTok ବ୍ୟାନ୍, ଜାଣନ୍ତୁ କାହିଁକି ନିଜର ଆପକୁ ବ୍ୟବହାର କରୁନି ଡ୍ରାଗନ୍?

ମରିବା ପୂର୍ବରୁ ହାତରେ ଲେଖିଦେଇଥିଲେ ହତ୍ୟାକାରୀର ଗାଡି ନମ୍ବର, ଏଭଳି ଧରିଲା ପୋଲିସ