ନୂଆଦିଲ୍ଲୀ – ଅନ୍ଲାଇନ୍ ପେମେଣ୍ଟ ଓ ୟୁପିଆଇ ଦେୟରେ ବ୍ୟାଙ୍କିଂ ସୁବିଧା ବହୁତ ସହଜ ହୋଇ ଯାଇଛି । ଅନେକ ବ୍ୟାଙ୍କିଂ ପ୍ରକ୍ରିୟା ପାଇଁ ଏବେ ବ୍ୟାଙ୍କ୍ ଯିବାର ଆବଶ୍ୟକତା ପଡ଼ୁନାହିଁ । ଅଧିକାଂଶ କାମ ଅନ୍ଲାଇନ୍ ହିଁ ଘରେ ବସି କରି ହେଉଛି।
ଡିଜିଟାଲ ପେମେଣ୍ଟ କରିବା ଭିତରେ କେବେ କେବେ ଏଥିରେ ରିସ୍କ ମଧ୍ୟ ସାମନାକୁ ଆସିଥାଏ । କେବେ ଅନ୍ଲାଇନ୍ ଠକାମୀର ଶିକାର ହେବାର ସମ୍ଭାବନା ଥାଏ । ବା କେବେ କେବେ ଟ୍ରାଜାକ୍ସନ ସମୟରେ ଭୁଲ୍ ଆକାଉଣ୍ଟରେ ଟଙ୍କା ପଠାଇ ହୋଇଯାଏ । ହେଲେ ରିଜର୍ଭ ବ୍ୟାଙ୍କ ଗତ କିଛି ଦିନରେ ବ୍ୟାଙ୍କିଂ , ମୁଖ୍ୟତଃ ଅନ୍ଲାଇନ୍ ବ୍ୟାଙ୍କିଂକୁ ସହଜ ଓ ସୁବିଧାଜନକ କରିବା ପାଇଁ ଅନେକ ପଦକ୍ଷେପ ନେଇଛି । ଯଦି ଆପଣଙ୍କ ସହ ଏମିତି ହୋଇଛି କି , ଆପଣ କୌଣସି ଭୁଲ୍ ଆକାଉଣ୍ଟକୁ ଟଙ୍କା ପଠାଇ ଦେଇଛନ୍ତି, ଆପଣଙ୍କୁ ଆମେ କିଛି ଉପାୟ କହୁଛି । ଏହାକୁ ପଢ଼ି ଆପଣ ସାବଧାନରେ ରହି ପାରିବେ ।
ଏହି ବିଷୟରେ ଆମେ ଆପଣଙ୍କୁ ଆରବିଆଇର ଗାଇଡ୍ଲାଇନ୍ ବିଷୟରେ କହୁଛୁ , ଯାହାର ସାହାଯ୍ୟରେ ଆପଣ ଏମିତି ଘଟଣାରେ ତୁରନ୍ତ ରିଫଣ୍ଡର ପ୍ରକ୍ରିୟା ବିଷୟରେ ଜାଣିପାରିବେ ।
କଣ ରହିଛି ଆର୍ବିଆଇର ଗାଇଡ୍ଲାଇନ୍ – ଏମିତି ଘଟଣା ଗୁଡ଼ିକୁ ଧ୍ୟାନରେ ରଖି ଆରବିଆଇ କିଛି ନୀତି ନିର୍ଦ୍ଦେଶ ଜାର କରିଛି । ଏବେ ଯଦି ଆପଣ ଚାହିଁବେ ତ ଏଟିଏମ୍ , ୟୁପିଆଇ ବା ନେଟ୍ ବ୍ୟାଙ୍କିଂରୁ କୌଣସି ଟ୍ରଜାକ୍ସନ କରିବା ବେଳେ ଆପଣଙ୍କ ପାଖକୁ ତୁରନ୍ତ ଏକ ମେସେଜ୍ ଆସିବ । ଯେଉଁଥିରେ ଆପଣ କନଫର୍ମ କରିବେ କି ଆପଣ କଣ ଠିକ୍ ଟ୍ରାଜାକ୍ସନ କରିଛନ୍ତି ନା ଟ୍ରାଜାକ୍ସନ ଭୁଲ୍ ବଶତଃ ହୋଇ ଯାଇଛି । ଉକ୍ତ ମେସେଜ୍ରେ ଆପଣଙ୍କୁ ଏକ ଫୋନ୍ ନମ୍ୱର ବି ଦିଆଯିବ । ଯଦି ଆପଣ ସେହି ଟ୍ରାଜାକ୍ସନ ଭୁଲ୍ରେ କରି ଦେଇଛନ୍ତି ତ ଆପଣ ସେହି ନମ୍ୱରରେ ତୁରନ୍ତ କହିପାରିବେ କି ଏହି ଟ୍ରାଜାକ୍ସନ ଭୁଲ୍ରେ ହୋଇଛି । ଆରବିଆଇର ନିର୍ଦ୍ଦେଶ କି ଏମିତି ମେସେଜ୍ ଉପରେ ଆପଣଙ୍କ ବ୍ୟାଙ୍କକୁ ତୁରନ୍ତ ଆକ୍ସନ ନେବାକୁ ହେବ ।
ଆପଣ କଣ କରିବେ – ଯଦି ଆପଣ ଏମିତି ସ୍ଥିତିରେ ଫସିଛନ୍ତି ତ ଆପଣ ତୁରନ୍ତ ନିଜର ବ୍ୟାଙ୍କକୁ ଏହାର ସୂଚନା ଦେବା ଉଚିତ୍ । ଯଦିଓ ସେହି ଟ୍ରାଜାକ୍ସନ ଫ୍ରଡ୍ରେ ହେଉ ବା ଆପଣଙ୍କର ଭୁଲ୍ ଯୋଗୁଁ ହେଉ । ବ୍ୟାଙ୍କ୍କୁ ଏହାର ଡିଟେଲ୍ ତଥ୍ୟ ଦିଅନ୍ତୁ । ଆପଣ ଆପଣଙ୍କ ବ୍ୟାଙ୍କ୍ର କଷ୍ଟମର କେୟାର ନମ୍ୱରରେ କଲ୍ କରିପାରିବେ । ଅଥବା ନିଜେ ବ୍ୟାଙ୍କ୍ ଶାଖାକୁ ଯାଇ ପାରିବେ , ଯେଉଁଠି ଆପଣଙ୍କର ଆକାଉଣ୍ଟ ଖୋଲିଛନ୍ତି ।
ଯଦି ବ୍ୟାଙ୍କ୍କୁ ସଂପର୍କ କରିବା ସତ୍ତ୍ୱେ ଅନ୍ୟ ଆକାଉଣଧାରୀ ବ୍ୟକ୍ତି ଟଙ୍କା ଫେରେଇବାକୁ ମନା କରୁଛନ୍ତି ତ ଆପଣ ଲିଗାଲ ଆକ୍ସନ ନେଇ ପାରିବେ । ଆପଣ କେସ୍କୁ କୋର୍ଟ ଯାଏ ନେଇ ପାରିବେ । ଆରବିଆଇ ବି ଏଥିପାଇଁ ନିର୍ଦ୍ଦେଶ ଦେଇଥାଏ ।