PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: କଟକରୁ ଧରାପଡ଼ିଥିବା ନକଲି କରୋନା ଔଷଧ ଝାରସୁଗୁଡ଼ାର ଏକ ମେଡିକାଲ ଷ୍ଟୋରରୁ ଠାବ, ଜବତ କଲେ ଝାରସୁଗୁଡ଼ା ଡ୍ରଗ୍ ଇନ୍ସପେକ୍ଟର
  • ||
  • କୋକସରା: ଶୌଚ ପାଇଁ ଯାଇ ଘରକୁ ଫେରିନଥିଲେ, ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • କଳାହାଣ୍ଡି : ହିମାଚଳ ପ୍ରଦେଶରୁ କରୋନା ସଂପର୍କିତ ନକଲି ଔଷଧ ଆଣି ବିତରଣ ଅଭିଯୋଗରେ କେସିଙ୍ଗା ସ୍ଥିତ ବିଜୟ ଫାର୍ମାସିଟିକାଲ ଓ ଧର୍ମଗଡ ସ୍ଥିତ ଜୟହୀନ୍ଦ ଟ୍ରେଡର୍ସ ଉପରେ ଚଢ଼ାଉ
  • ||
  • ନବରଙ୍ଗପୁର: ଭାରସାମ୍ୟ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇଚାଲିଗଲା ଡ୍ରାଇଭରଙ୍କ ଜୀବନ
  • ||
  • ଭୁବନେଶ୍ୱର: ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ୍ ରେଜଲ୍ଟ : ଗଣଶିକ୍ଷା ମନ୍ତ୍ରୀ
  • ||
  • ସମ୍ବଲପୁର: ପୁଣି ଚର୍ଚ୍ଚାରେ ସମ୍ବଲପୁର ଜେଲ, କଏଦୀକୁ ଗଞ୍ଜେଇ ବିକି ଧରାପଡିଲେ ଜେଲ୍ ଓ୍ବାର୍ଡର୍, ବଣେଇଗଡ ଜେଲକୁ ହେଲେ ବଦଳି
  • ||
  • ରାଜସୁନାଖଳା: ଜାଗା ବାଡ଼ି ମଧ୍ୟସ୍ଥତାକୁ ନେଇ ରକ୍ତାକ୍ତ ସଂଘର୍ଷ, ଜଣେ ଗୁରୁତର
  • ||
  • କଣ୍ଟାବାଞ୍ଜି : ବର୍ଷା ଦାଉରୁ ଆଶ୍ରୟ ପାଇଁ ଦୋକାନ ପିଣ୍ଡାକୁ ଯାଇ ଷଣ୍ଢକୁ ଲାଗିଲା ବିଜୁଳି ଝଟକା, ଘଟଣାସ୍ଥଳରେ ଟଳିପଡିଲା…
  • ||
  • ନୀଳଗିରି: ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ସନ୍ଦେହ, ପୁଲିସ ତଦନ୍ତ ଆରମ୍ଭ
  • ||
  • ପୁରୀ : ମହାପ୍ରଭୁଙ୍କ ସ୍ନାନପୂର୍ଣ୍ଣିମା ପ୍ରସ୍ତୁତି, ଭୋର ୪ଟା ସୁଦ୍ଧା ପହଣ୍ଡ ବିଜେ ନୀତି, ସାମାଜିକ ଦୂରତାକୁ ଗୁରୁତ୍ୱ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ମଧ୍ୟରେ ୪୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୩୩ଶହ ଟପିଲା
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୪୬୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୧ ହଜାର ପାର୍
  • ||
  • ପୁରୀ : ରଥଖଳା ହାଲ୍‌ଚାଲ, ୨୧ ଅଖରେ ଲାଗିଲା ୪୨ ଚକ, ପ୍ରଭା ଅପସରା କାମ ଆରମ୍ଭ
  • ||
  • ଭୁବନେଶ୍ୱର : ବର୍ଷାରେ ଧୋଇଯିବ ରଜ ମଉଜ, ୪୮ ଘଣ୍ଟା ଭିତରେ ଲଘୁଚାପ ଘନୀଭୂତ ହୋଇ ଅବପାତ ରୂପ ନେଇପାରେ, ଉପକୂଳରେ ବର୍ଷା ଜାରି-ଆଭ୍ୟନ୍ତରୀଣରେ ବଢ଼ିବ
  • ||
  • ବାମରା : ପରିବାରର ୬ ଜଣଙ୍କୁ ହାଣି ଆତ୍ମହତ୍ୟା କଲା ସଂକ୍ରମିତ ବାପା, ଝିଅ ମୃତ, ପୁଅ- ୩ ଝିଅ ଓ ମା’ ଆହତ
  • ||
  • କଟକ : ଲକ୍‌ଡାଉନ୍‌ ବେଳେ କଟକରେ ବେଧଡ଼କ ଚାଲିଛି ଦେହ ବ୍ୟବସାୟ, ଦୁଇଟି ସ୍ଥାନରେ ଚଢ଼ଉ ବେଳେ ୫ ଯୁବତୀ ଉଦ୍ଧାର, ର‌୍ୟାକେଟ୍‌ର ମୁଖ୍ୟ ଓ ଜଣେ ଗ୍ରାହକ ଗିରଫ
  • ||
  • ଭୁବନେଶ୍ୱର : ଓଡ଼ିଶାରେ ସୁଧୁରୁଛି ସ୍ଥିତି, ୨୬ ଜିଲ୍ଲାରେ ହୋଇପାରେ ଅନଲକ, ୪ ଜିଲ୍ଲା ପାଇଁ ସ୍ୱତନ୍ତ୍ର ଷ୍ଟ୍ରାଟେଜି
  • ||

ଜାତୀୟ ମାନବାଧିକାର କମିଶନଙ୍କ ନିର୍ଦ୍ଦେଶ: ଆପୋଲୋ ହସ୍ପିଟାଲ୍‌ ପଞ୍ଜୀକରଣ ରଦ୍ଦ କର

ଭୁବନେଶ୍ୱର ୯/୯: ବେଆଇନ୍‌ ଭାବେ କିଡ୍‌ନୀ ପ୍ରତିରୋପଣ ମାମଲାରେ ଆଜି ସ୍ୱାସ୍ଥ୍ୟ ବିଭାଗ ଓ ପ୍ରତିରୋପଣ କରିଥିବା ଆପୋଲୋ ହସ୍ପିଟାଲକୁ ଛାଟ ମାରିଛନ୍ତି ଜାତୀୟ ମାନବାଧିକାର କମିଶନ । କମିଶନ ପୀଡ଼ିତ ଅନୀଲ ସ୍ୱାମୀଙ୍କୁ ୨ ଲକ୍ଷ ଟଙ୍କା କ୍ଷତିପୂରଣ ତୁରନ୍ତ ଦେବାକୁ ସରକାରଙ୍କୁ ନିର୍ଦ୍ଦେଶ ଦେବା ସହିତ ଜବାବ ତଲବ କରିଛନ୍ତି । ଆପୋଲୋ ହସ୍ପିଟାଲର କ୍ଲିନିକାଲ ଏଷ୍ଟାବ୍ଲିସ୍‌ମେଣ୍ଟ ଆଇନ୍‌ରେ ହୋଇଥିବା ପଞ୍ଜୀକରଣକୁ ପ୍ରତ୍ୟାହାର/ରଦ୍ଦ କରିବାକୁ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।

ବରଗଡ଼ର ରାଘବାନନ୍ଦ ଦୋରାଙ୍କ କିଡ୍‌ନୀ ନଷ୍ଟ ହୋଇଯିବାରୁ କିଡ୍‌ନୀ ପ୍ରତିରୋପଣ ପାଇଁ ଆବେଦନ କରିଥିଲେ । ତାଙ୍କ ଭାଇ ଜୟରାମ ଦୋରା ତାଙ୍କୁ କିଡ୍‌ନୀ ଦେଉଥିବାର ସେ ଏନ୍‌ଓସି ନେବା ବେଳେ ଦର୍ଶାଇଥିଲେ । ବାସ୍ତବରେ କିନ୍ତୁ ଅନୀଲ ସ୍ୱାମୀଙ୍କ କିଡ୍‌ନୀ ନିଆଯାଇଥିବା ଜୟରାମ ଦୋରା ନାମରେ ନକଲି ଦସ୍ତାବିଜ ତିଆରି କରାଯାଇଥିଲା । ଟ୍ରାନ୍ସପ୍ଲାଣ୍ଟେସନ୍‌ ଅଫ୍‌ ହ୍ୟୁମାନ ଅର୍ଗାନ ଆଣ୍ଡ ଟିସ୍ୟୁସ୍‌ ଆକ୍ଟ ୧୯୯୪ ଅନୁସାରେ କିଡ୍‌ନୀ ଗ୍ରହଣ କରୁଥିବା ଲୋକ ଓ କିଡ୍‌ନୀ ଦେଉଥିବା ଲୋକ ରକ୍ତର ସମ୍ପର୍କ ରହିବା ଆବଶ୍ୟକ । ହେଲେ ଏଠି ଅନୀଲ ସ୍ୱାମୀଙ୍କ ରାଘବାନନ୍ଦ ଦୋରାଙ୍କ ସହ ରକ୍ତର ସମ୍ପର୍କ ନଥିଲା ।

ଏ ସମ୍ପର୍କରେ ନିଜେ ଅନୀଲ ତାଙ୍କ କିଡ୍‌ନୀ ନିଆଯାଇଥିବା ବରଗଡ଼ ଥାନାରେ ଅଭିଯୋଗ ମଧ୍ୟ କରିଥିଲେ । ଏହାର ତଦନ୍ତ ଭାର ପରବର୍ତ୍ତୀ ସମୟରେ କ୍ରାଇମବ୍ରାଞ୍ଚଙ୍କୁ ଦିଆଯାଇଥିଲା । ଏସଡିଜେଏମ୍‌ ବରଗଡ଼ ମଧ୍ୟ ସମସ୍ତ ଦସ୍ତାବିଜ ଦେଖିବା ପରେ ମାମଲାକୁ ଗମ୍ଭୀରତାର ସହ ନେଇଛନ୍ତି । ବେଆଇନ୍‌ ପ୍ରତିରୋପଣ ସହ ଅନୀଲଙ୍କ ପ୍ରତି ଅନ୍ୟାୟ ହୋଇଥିବା ଦର୍ଶାଇ ମାନବାଧିକାର କର୍ମୀ ଅଖଣ୍ଡ ୨୦୧୭ରେ ଜାତୀୟ ମାନବାଧିକାର କମିଶନଙ୍କ ନିକଟରେ ମାମଲା ଦାଖଲ କରିଥିଲେ ।

କମିଶନ କହିଛନ୍ତି, ନିୟମ ଅନୁସାରେ ପ୍ରତିରୋପଣ ପୂର୍ବରୁ ସ୍ୱାସ୍ଥ୍ୟ ବିଭାଗର ଏକ ଉଚ୍ଚସ୍ତରୀୟ କମିଟି ନିକଟରୁ କିଡ୍‌ନୀ ଗ୍ରହଣ କରୁଥିବା ବ୍ୟକ୍ତି ଏନ୍‌ଓସି ଆଣିବାର ନିୟମ ରହିଛି । କିଡ୍‌ନୀ ଦାତା ଓ ଗ୍ରହଣ କରୁଥିବା ବ୍ୟକ୍ତି ରକ୍ତର ସମ୍ପର୍କ କି ନୁହେଁ, ଏହା ଏହି କମିଟି ଯାଞ୍ଚ କରିବା ଦରକାର । ହେଲେ ରାଘବାନନ୍ଦ ଦୋରାଙ୍କୁ ଅନୀଲ ସ୍ୱାମୀ କିଡ୍‌ନୀ ଦେଇଥିବା ବେଳେ କମିଟି କେମିତି ଜାଣି ପାରିଲାନି । ତଦାରଖ ନକରି କମିଟି କିଭଳି ପ୍ରତିରୋପଣ ପାଇଁ ଏନ୍‌ଓସି ଦେଲା । ସରକାରଙ୍କ ଅଧୀନରେ ଏହି କମିଟି ରହିଥିବାରୁ ଅନୀଲଙ୍କୁ କ୍ଷତିପୂରଣ ୨ ଲକ୍ଷ ଟଙ୍କା ଦେବାକୁ କମିଶନ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।

କମିଶନ ପୂର୍ବରୁ ୨୦୧୮ ମାର୍ଚ୍ଚ ମାସରେ ସ୍ୱାସ୍ଥ୍ୟ ସଚିବଙ୍କୁ ନୋଟିସ କରିଥିଲେ । ସ୍ୱାସ୍ଥ୍ୟ ବିଭାଗ କିନ୍ତୁ ଏନ୍‌ଓସି ଦେଇଥିବା କମିଟିକୁ ଏଥିରେ କୌଣସି ସଂପୃକ୍ତି ନଥିବା ଦର୍ଶାଇଥିଲେ । ତେବେ ଏନ୍‌ଓସି ଦେବା ବେଳେ ସାଂଘାତିକ ତ୍ରୁଟି ହୋଇଛି । ଏଭଳି ଖାମଖିଆଲ ମନୋଭାବ ପାଇଁ ସରକାରଙ୍କୁ ଜବାବ ତଲବ କରିଛନ୍ତି କମିଶନ । ପ୍ରତିରୋପଣରେ ପାଇଁ ଏନ୍‌ଓସିରେ ଆପୋଲୋ ହସ୍ପିଟାଲ ଭିତିରି ସହଯୋଗ କରିଥିବା ସାମ୍ନାକୁ ଆସିଛି । ତେଣୁ ଟ୍ରାନ୍ସପ୍ଲାଣ୍ଟେସନ୍‌ ଅଫ୍‌ ହ୍ୟୁମାନ ଅର୍ଗାନ ଆଣ୍ଡ ଟିସ୍ୟୁସ୍‌ ଆକ୍ଟ ୧୯୯୪ର ସେକ୍ସନ୍‌ ୧୬ ଅନୁସାରେ ଆପୋଲୋ ହସ୍ପିଟାଲର କ୍ଲିନିକାଲ ଏଷ୍ଟାବ୍ଲିସମେଣ୍ଟ ପଞ୍ଜୀକରଣକୁ ରଦ୍ଦ କିମ୍ବା ପ୍ରତ୍ୟାହାର କରିବାକୁ ମୁଖ୍ୟ ଶାସନ ସଚିବଙ୍କୁ କମିଶନ ନିର୍ଦ୍ଦେଶ ଦେଇଛନ୍ତି । ଚାରି ସପ୍ତାହ ମଧ୍ୟରେ ମୁଖ୍ୟ ଶାସନ ସଚିବଙ୍କୁ କାର୍ଯ୍ୟାନୁଷ୍ଠାନ ପାଇଁ କମିଶନ ନିର୍ଦ୍ଦେଶ ଦେଇଛନ୍ତି ।

ସମ୍ବନ୍ଧିତ ଖବର