PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଦୃଷ୍ଟାନ୍ତ ସୃଷ୍ଟି କଲେ ଆଇଏଏସ ଅଧିକାରୀ: ୩୬ ହଜାର ଟଙ୍କାରେ କରିବେ ପୁଅ ବାହାଘର

source:www.youthkiawaaz.com

ବିଶାଖାପାଟଣା,୭ ।୨(ଏଜେନ୍ସି): ଆଜିକାଲି ପ୍ରାୟ ସମସ୍ତ ବର୍ଗର ଲୋକେ ବିବାହ ଉତ୍ସବରେ ଲକ୍ଷାଧିକ ଟଙ୍କା ଖର୍ଚ୍ଚ କରୁଛନ୍ତି । ଏମିତିକି ମଧ୍ୟବିତ୍ତ ପରିବାର ବି ଏପରି ବ୍ୟୟ କରିବାକୁ କୁଣ୍ଠାବୋଧ କରୁନାହାନ୍ତି । ଏପରି ସ୍ଥିତିରେ ଆନ୍ଧ୍ରପ୍ରଦେଶର ଜଣେ ଆଇଏଏସ ଅଧିକାରୀ ଅତି ସାଧାରଣ ଭାବେ ଏବଂ କମ୍‌ ଖର୍ଚ୍ଚରେ ପିଲାମାନଙ୍କ ବିବାହ କରାଇ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ବିଶାଖାପାଟଣା ମେଟ୍ରୋପଲିଟାନ ରିଜନ ଡେଭଲେପମେଣ୍ଟ ଅଥରିଟିର କମିଶନର ଭାବେ କାର୍ଯ୍ୟ କରୁଥିବା ଆଇଏଏସ ଅଧିକାରୀ ପତନାଲା ବସନ୍ତ କୁମାର ନିଜ ପୁଅର ବାହାଘର ମାତ୍ର ୩୬,୦୦୦ ଟଙ୍କାରେ କରିବା ପାଇଁ ବ୍ୟବସ୍ଥା କରିଛନ୍ତି ।
ଆସନ୍ତା ୧୦ ତାରିଖରେ ତାଙ୍କ ପୁଅର ବିବାହ ହେବାର ଥିଲାବେଳେ ଏଥିପାଇଁ ଉଭୟ ବର ଓ କନ୍ୟା ୧୮,୦୦୦ ଟଙ୍କା ଲେଖାଁଏ ବ୍ୟୟ କରିବେ । ଏହି ବିବାହ ଉତ୍ସବରେ ରାଜ୍ୟର ରାଜ୍ୟପାଳ ଇ ଏସ ଏଲ ନରସିଂହମ ମଧ୍ୟ ଯୋଗଦେବାର କାର୍ଯ୍ୟକ୍ରମ ରହିଛି । ବସନ୍ତ କୁମାର ପୂର୍ବରୁ ରାଜଭବନରେ ଯୁଗ୍ମ ସଚିବ ଏବଂ ଅଫିସର ଅନ ସ୍ପେଶାଲ ଡ୍ୟୁଟି ଭାବେ କାର୍ଯ୍ୟ କରିଥିଲେ । ସେ ଗତ ବର୍ଷ ତାଙ୍କ ଝିଅ ବାହାଘର ବି ଅତି ସାଧାରଣ ଭାବେ ଆୟୋଜନ କରିଥିଲେ । ଏଥିପାଇଁ ମାତ୍ର ୧୬,୧୦୦ ଟଙ୍କା ବ୍ୟୟ କରାଯାଇଥିଲା ।
ବିବାହ ଆୟୋଜନରେ ଲକ୍ଷାଧିକ ଟଙ୍କା ଖର୍ଚ୍ଚ କରାଯିବା ଏବଂ ଜାକଜମକରେ ଏଭଳି ଉତ୍ସବ ଆୟୋଜନ କରିବା ପାଇଁ ଏବେ ସମସ୍ତଙ୍କ ଭିତରେ ଏକପ୍ରକାର ପ୍ରତିଦ୍ୱନ୍ଦ୍ୱିତା ଚାଲୁଛି । ଏହାଯୋଗୁ ଅନେକ ଲୋକଙ୍କ ଉପରେ ଅଯଥା ଆର୍ଥିକ ବୋଝ ବି ପଡୁଛି । ତେଣୁ ସମାଜରୁ ଏ ପ୍ରକାର ସମସ୍ୟା ଦୂର କରିବା ଦିଗରେ ବସନ୍ତ କୁମାରଙ୍କ ପ୍ରଶଂସନୀୟ ପଦକ୍ଷେପ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ହେବ ବୋଲି ଆଶା କରାଯାଉଛି ।