PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଧିନାୟକ ପଦ ଛାଡ଼ିବେ ବିରାଟ କୋହଲି, ଟି-୨୦ ବିଶ୍ୱକପ୍‌ ପରେ କୋହଲି ଏହି ଫର୍ମାଟ୍‌ ଅଧିନାୟକ ପଦ ଛାଡ଼ିବା ନେଇ ସୋଶଲ ମିଡିଆରେ ସୂଚନା ଦେଲେ ବିରାଟ
  • ||
  • କଟକ: ଦଶହରା ମୂର୍ତ୍ତି ଉଚ୍ଚତା ବିବାଦ ମାମଲା, ବାଲୁ ବଜାର ପୂଜା କମିଟି ଆବେଦନର ଉପରେ ଶୁଣାଣି ଶେଷ, ଆସନ୍ତା କାଲି ରାୟ ପ୍ରକାଶ କରିବେ ହାଇକୋର୍ଟ
  • ||
  • ମାଲକାନଗିରି: ମାଓବାଦୀ କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ କଲେ ସୁରକ୍ଷାକର୍ମୀ, ଶିବିର ଛାଡ଼ି ଛତ୍ରଭଙ୍ଗ ଦେଲେ ମାଓବାଦୀ
  • ||
  • ରାୟଗଡ଼ା: ଆଜି ସନ୍ଧ୍ୟାରେ ଉତ୍କଳ ଆଲୁମିନା କାରଖାନାର ସମ୍ପ୍ରସାରଣ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଝାରସୁଗୁଡ଼ା: ହୀରାକୁଦ ଉପର ମୁଣ୍ଡରେ ବନ୍ୟା ସ୍ଥିତି, ସେମଲିଆ ରାସ୍ତା ଉପରେ ପ୍ରବାହିତ ହେଉଛି ୪ ଫୁଟ ଉଚ୍ଚର ପାଣି
  • ||
  • ବଲାଙ୍ଗୀର: ନିଶାଶକ୍ତ ୩ ଯୁବକଙ୍କ ଜଘନ୍ୟ କାଣ୍ଡ, ବନ୍ଧୁକ ମୁନରେ ଯୁବକଙ୍କ ମଳ ଦ୍ବାରରେ ଭର୍ତ୍ତି କଲେ ଷ୍ଟିଲ୍ ଗ୍ଲାସ
  • ||
  • ସମ୍ବଲପୁର: ହୀରାକୁଦର ଖୋଲିଲା ଆଉ ୪ ଗେଟ୍, ୨୮ ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ରାସ୍ତାର ଉପରେ ୭ ରୁ ୮ ଫୁଟ୍ ପାଣି ପ୍ରବାହିତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୧୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୫୮୦ ପଜିଟିଭ୍ ଚିହ୍ନଟ
  • ||
  • ବରଗଡ଼ : ପୁରୀରୁ ତୀର୍ଥ ସାରି ଫେରିବା ବାଟରେ ଅଘଟଣ, ଭାରସାମ୍ୟ ହରାଇ ଓଲଟିଲା ବୋଲେରୋ, ୫ ଗୁରୁତର
  • ||
  • ବରଗଡ଼ : ୧୩ ଜିଲ୍ଲାରେ ଆତଙ୍କ ଖେଳାଇଥିବା ୨ ଅନ୍ତଃରାଜ୍ୟ ଏଟିଏମ୍ ଲୁଟେରା ଗିରଫ, ଅନ୍ୟ ୨ ଫେରାର
  • ||
  • ଭୁବନେଶ୍ୱର: ଡ଼େଲିଭରୀ ବୟ ଅପହରଣ ଘଟଣା, ମଧ୍ୟପ୍ରଦେଶରୁ ଯୁବକ ଓ ଯୁବତୀଙ୍କୁ ଭୁବନେଶ୍ୱରକୁ ଆଣିଲା କମିଶନରେଟ୍ ପୋଲିସ ସ୍ବତନ୍ତ୍ର ଟିମ୍
  • ||
  • ଭୁବନେଶ୍ୱର: ଆସୁଛି ଆଉ ଏକ ଲଘୁଚାପ, ୧୮ରୁ ପୁଣି ଢ଼ାଳିବ ବର୍ଷା
  • ||
  • ଭୁବନେଶ୍ୱର: କରାଳ ରୂପ ଧରିଛି ମହାନଦୀ, ମାଡ଼ି ଆସୁଛି ବନ୍ୟା: ହୀରାକୁଦରେ ଖୋଲିବ ଆଉ ୪ଟି ଗେଟ୍, ନରାଜରେ ଜଳସ୍ତର ସତର୍କ ସଙ୍କେତ ଟପିଲା
  • ||

ଆମକୁ ହରାଇବା ଏତେ ସହଜ ନୁହଁ: ରିକି ପଣ୍ଟିଂ

ନୂଆଦିଲ୍ଲୀ, ୧୭ ।୪ (ଏଜେନ୍ସି): ଆସନ୍ତାକାଲି ଚଳିତ ଆଇପିଏଲର ୩୪ତମ ମ୍ୟାଚ୍‌ ଦିଲ୍ଲୀ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯିବ । ଘରୋଇ ଗ୍ରାଉଣ୍ଡରେ ଦିଲ୍ଲୀ ଆସନ୍ତାକାଲି ମୁମ୍ବାଇ ଇଣ୍ଡିଆନ୍ସକୁ ହରାଇ କ୍ରମାନ୍ୱୟରେ ଚତୁର୍ଥ ବିଜୟ ଲକ୍ଷ୍ୟରେ ରହିଛି । ମୁମ୍ବାଇ ଇଣ୍ଡିଆନ୍ସ ମଧ୍ୟ ବିଜୟ ଧାରା ବଜାୟ ରଖିବା ଟାର୍ଗେଟରେ ଅଛି ।

ଦିଲ୍ଲୀ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସ ଉଭୟ ପଏଣ୍ଟ ଟେବୁଲରେ ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି । ଉଭୟ ଦଳ ୮ଟି ଲେଖାଏଁ ମ୍ୟାଚ୍‌ ଖେଳି ୫ଟିରେ ବିଜୟୀ ହୋଇ ୧୦ ପଏଣ୍ଟ ପାଇଛନ୍ତି । ଦିଲ୍ଲୀ କ୍ୟାପିଟାଲ୍ସ ଗତ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (୭ ଏପ୍ରିଲ) ବିପକ୍ଷ ମ୍ୟାଚ୍‌ ଠାରୁ କ୍ରମାନ୍ୱୟରେ ୩ଟି ମ୍ୟାଚ ଜିତି ଉନ୍ନତ ଫର୍ମରେ ରହିଛି । ଦଳର ମୁଖ୍ୟ କୋଚ୍‌ ରିକି ପଣ୍ଟିଂ କରିଛନ୍ତି, ଏବେ ଆମକୁ ହରାଇବା ଯେ କୌଣସି ଦଳ ପକ୍ଷେ ଏତେ ସହଜ ନୁହଁ । ଆମ ଦଳ ଏବେ ଭଲ ଫର୍ମରେ ରହିଛି । ଉଭୟ ବ୍ୟାଟିଂ ଓ ବୋଲିଂ ମଧ୍ୟରେ ଉପଯୁକ୍ତ ସନ୍ତୁଳନ ରହିଛି । ମୁମ୍ବାଇ ଏଠାକାର ପିଚ୍‌ରେ ଭଲ ପ୍ରଦର୍ଶନ କରିବା କଷ୍ଟକର ହେବ । ଆମେ ଏଠାକାର ପରିବେଶ ଓ କ୍ରିଜ ସହ ଖାପ ଖୁଆଇ ସାରିଛୁ । ତେଣୁ ଆମ ପାଇଁ କୌଣସି ସମସ୍ୟା ନାହିଁ । ମୁମ୍ବାଇ ବିପକ୍ଷରେ ଆମେ ଭଲ ପ୍ରଦର୍ଶନ କରି ନିଶ୍ଚିତ ବିଜୟୀ ହେବୁ ।’

ଗତ ମ୍ୟାଚ୍‌ରେ ସନ୍‌ରାଇଜର୍ସ ହାଇଦ୍ରାବାଦ ବିପକ୍ଷରେ ଦିଲ୍ଲୀ ବିଜୟ ହାସଲ କରିଥିଲା । ଏହାର ପୂର୍ବ ଦୁଇଟି ମ୍ୟାଚ୍‌ରେ କୋଲକାତା ନାଇଟ୍‌ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ହରାଇଥିଲା । ଦଳ ଉନ୍ନତ ପ୍ରଦର୍ଶନ କରି କ୍ରମାନ୍ୱୟରେ ୩ଟି ମ୍ୟାଚ୍‌ ଜିତିଥିଲେ ବି ଓପନିଂ ବିଭାଗ ଏବେବି ଦୁର୍ବଳ ରହିଛି । ଯୁବ ତାରକା ପୃଥ୍ୱୀ ଶ’ ଗୋଟିଏ/ଯୋଡ଼ିଏ ଇନିଂସ ଛାଡ଼ିଦେଲେ ଏ ପର୍ଯ୍ୟନ୍ତ ସ୍ଥିର ପ୍ରଦର୍ଶନ ଦେଇ ପାରି ନାହାନ୍ତି । ତେଣୁ ସବୁବେଳେ ଓପନିଂ ଯୋଡ଼ିରେ ବଡ଼ ଭାଗିଦାରୀ ଗଠନ ହେବା ସମ୍ଭବ ହୋଇ ପାରୁ ନାହିଁ । କିନ୍ତୁ ମଧ୍ୟଭାଗରେ ଶ୍ରେୟାସ ଆୟାର, କଲିନ ମୁନରୋ ଓ ରିଷଭ ପନ୍ତ ଭଲ ପ୍ରଦର୍ଶନ କରୁଛନ୍ତି । ଫଳରେ ଦଳ ମ୍ୟାଚ୍‌ ବିଜୟୀ ହୋଇ ପାରୁଛି । ବୋଲିଂରେ ଦଳ ଅତି ଚମତ୍କାର ପ୍ରଦର୍ଶନ କରୁଛି । ଯୁବ ତାରକା କାଗିସୋ ରାବାଡ଼ା ଅତି ଚମତ୍କାର ପ୍ରଦର୍ଶନ ଜାରି ରଖିଛନ୍ତି । ସେ ଗତ ମ୍ୟାଚ୍‌ରେ ଏକାକୀ ୪ଟି ୱିକେଟ୍‌ ଅକ୍ତିଆର କରିଥିଲେ ।
ଅପରପକ୍ଷରେ ମୁମ୍ବାଇ ଇଣ୍ଡିଆନ୍ସ ମଧ୍ୟ ଭଲ ପ୍ରଦର୍ଶନ କରୁଛି । ମାତ୍ର ଦଳ ଦିଲ୍ଲୀ ଭଳି କ୍ରମାନ୍ୱୟ ବିଜୟ ଧାରା ଜାରି ରଖିବାରେ ବିଫଳ ହୋଇଛି । କିଙ୍ଗ୍‌ସ ଏକାଦଶ ( ଏପ୍ରିଲ ୧୦) ବିପକ୍ଷରେ ବିଜୟୀ ହେବା ପରେ ରାଜସ୍ଥାନ ରୟାଲ୍ସ ବିପକ୍ଷରେ ପରାଜିତ ହୋଇଥିଲା । ମାତ୍ର ଗତ ମ୍ୟାଚ୍‌ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ପୁଣି ବିଜୟ ଧାରାକୁ ପ୍ରତ୍ୟାବର୍ତ୍ତନ କରିଥିଲା ।

ବାଙ୍ଗାଲୋର ବିପକ୍ଷରେ ଅଧିନାୟକ ଓପନର ରୋହିତ ଶର୍ମା ବଡ଼ ଇନିଂସ ଖେଳିବାରେ ସଫଳ ହୋଇ ନଥିଲେ । ତାଙ୍କର ଦୁର୍ବଳ ଫର୍ମ ଦଳର ବଡ଼ ସମସ୍ୟା ହୋଇଥିଲେ ବି ମଧ୍ୟ ଭାଗରେ ହାର୍ଦ୍ଦିକ ପାଣ୍ଡ୍ୟା ଓ କିରନ ପୋଲାର୍ଡଙ୍କ ଉନ୍ନତ ଫର୍ମ ଦଳକୁ ଜିତାଇବାରେ ସହାୟକ ହେଉଛି । ମଧ୍ୟଭାଗରେ ଏହି ଦୁଇ ବ୍ୟାଟ୍ସମ୍ୟାନଙ୍କୁ ଛାଡ଼ି ଅନ୍ୟମାନଙ୍କୁ ମଧ୍ୟ ଦାୟିତ୍ୱପୂର୍ଣ୍ଣ ବ୍ୟାଟିଂ କରିବାକୁ ହେବ । ଦଳକୁ ଦିଲ୍ଲୀ ବିପକ୍ଷରେ ବିଜୟୀ ହେବାକୁ ହେଲେ ଉନ୍ନତ ବ୍ୟାଟିଂ ସାଙ୍ଗକୁ ବୋଲିଂରେ ମଧ୍ୟ ଚମକ ଦେଖାଇବାକୁ ହେବ । ଏଥିପାଇଁ ଲସିଥ ମାଲିଙ୍ଗା ପ୍ରସ୍ତୁତ ହୋଇ ରହିଛନ୍ତି । ସେ ପୂର୍ବ ମ୍ୟାଚ୍‌ରେ ବେଶ ଆକର୍ଷଣୀୟ ବୋଲିଂ କରିଥିଲେ ।

ସମ୍ବନ୍ଧିତ ଖବର