PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ରାଫେଲ ଥିଲେ ସ୍ଥିତି ଭିନ୍ନ ହୋଇଥାନ୍ତା: ମୋଦି

ନୂଆଦିଲ୍ଲୀ,୩।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇଣ୍ଡିଆ ଟୁଡେ କନକ୍ଲେଭ ୨୦୧୯ରେ ରାଫେଲ ପ୍ରସଙ୍ଗ ନେଇ ବିରୋଧିଙ୍କୁ ଟାର୍ଗେଟ୍ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଦେଶର ସୁରକ୍ଷା ସହ ଖେଳିବା ବନ୍ଦ କର । ଆଜି ସାରା ଦେଶ ରାଫେଲ୍‌ର ଅଭାବ ଅନୁଭବ କରିପାରିଥିବା କହିଛନ୍ତି ପ୍ରଧାନମନ୍ତ୍ରୀ ମୋଦି। ସେ କହିଛନ୍ତି  ରାଫେଲ୍ ନେଇ ସ୍ୱାର୍ଥ ନୀତି ଏବଂ ରାଜନୀତି କରାଣରୁ ଦେଶକୁ ଅନେକ କ୍ଷତି ସହିବାକୁ ପଡିଲା । ଆଜି ସାରା ଦେଶ ଗୋଟିଏ ସ୍ବରରେ କହୁଛିୁ ଯଦି ଆମ ପାଖରେ ରାଫେଲ ରହିଥାନ୍ତା ତେବେ ସ୍ଥିତି କିଛି ଅଲଗା ରହିଥାନ୍ତା।  ବିରୋଧୀମାନେ ମୋର ସମାଲୋଚନା କରିପାରନ୍ତି ଓ ଭୁଲ ବାହାର କରିପାରନ୍ତି। କିନ୍ତୁ ଦେଶର ସୁରକ୍ଷାକୁ କ୍ଷତି ପହଁଞ୍ଚାନ୍ତୁ ନାହିଁ। ମୋଦିକୁ ବିରୋଧ କର, ଭୁଲ ବାହାର କର । ଆପଣଙ୍କୁ ସ୍ୱାଗତ କରୁଛି । କିନ୍ତୁ, ଦେଶର ସୁରକ୍ଷା ସାଧନ ଏବଂ ଦେଶର ହିତକୁ ବିରୋଧ କରନାହିଁ । ଏପରି ନ ହେଉ କି, ମୋଦି ବିରୋଧିଙ୍କ ଏହି ଜିଦି ପାଇଁ ମସୁଦ୍ ଅଜହର ଏବଂ ଆତଙ୍କୀଙ୍କୁ ଏନେଇ ଆହୁରି ଲାଭ ମିଳିଯିବ ।“

ମୋଦି ପୁଣି କହିଛନ୍ତି, ଆଜି ସାରା ବିଶ୍ୱ ଆତଙ୍କବାଦ୍ ବିରୁଦ୍ଧରେ ଭାରତକୁ ସମର୍ଥନ କରୁଛି । କିନ୍ତୁ କିଛି ବିରୋଧୀ ଦଳ ସୈନ୍ୟଙ୍କ କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଉଛନ୍ତି । ପାକିସ୍ତାନ ଆମ ବିରୁଦ୍ଧରେ ଏହି ନେତାଙ୍କ ବୟାନକୁ ବ୍ୟବହାର କରୁଛି । ଏହି ନେତାମାନେ ମୋଦିକୁ ବିରୋଧ କରୁକରୁ ଦେଶକୁ ବିରୋଧ କରିବାରେ ଲାଗିଛନ୍ତି। ସେନାର କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଉଥିବା ନେତାଙ୍କୁ ମୁଁ ପ୍ରଶ୍ନ ପଚାରିବାକୁ ଚାହେଁ ଯେ, ଆପଣଙ୍କୁ ସେନାଙ୍କ ବୟାନ ଏବଂ ସାମର୍ଥ୍ୟ ଉପରେ ଭରସା ଅଛି କି  ନାହିଁ?  ଆପଣ ସେମାନଙ୍କ କଥାରେ ବିଶ୍ୱାସ କରୁଛନ୍ତି, ଯେଉଁମାନେ ଭାରତରେ ଆତଙ୍କବାଦକୁ ପ୍ରୋତ୍ସାହନ ଦେଉଛନ୍ତି । ବର୍ତ୍ତମାନ ଭାରତୀୟଙ୍କ ଏକତା ଦେଶ ଭିତର ଏବଂ ବାହାରର ବିରୋଧୀଙ୍କ ମଧ୍ୟରେ ଭୟ ସୃଷ୍ଟି କରିଛି। ମୁଁ କହିବି ଏହି ଭୟ ଭଲ।

ସମ୍ବନ୍ଧିତ ଖବର